default_image

3 years ago

May 16, 2021

क्रिकेटका पाँच अविश्वसनिय घटनाहरु

340 views

0 Bookmark

एजेन्सी – क्रिकेट एक रोचक र एक अविश्वसनिय खेल हो । क्रिकेटमा अन्तिम बल र विकेट बाँकी रहँदासम्म नतिजा जे पनि र जतापनि जान सक्छ । भनिन्छ क्रिकेटमा असम्भव केहि हुँदैन ।

केही नतिजा र घटना यस्ता हुन्छन्, जुन विश्वास गर्ननै निकै मुश्किल पर्छ । पछिल्लो समय सिमित ओभरका खेलले क्रिकेट झनै लोकप्रिय र रोमाञ्चक बन्दै गएको छ । विशेष त टि२० शैलीको क्रिकेटबाट । क्रिकेटका केहि नतिजा लामो समयसम्म स्मरण हुन्छन् भने केहि छोटो समयमा सिमित हुन्छन् । जुन प्रतियोगिता महत्व, प्रदर्शन र प्रतिस्पर्धामा निर्भर रहन्छ । विश्व क्रिकेटमा कहिलेकाहिँ अप्रिय र अविश्वसनिय घटना घट्नुको साथै नतिजाहरु आउँछन् । जुन कल्पना र अपेक्षा भन्दा बाहिर हुन्छ । ती घटनालाई विश्वास गर्न कठिन हुन्छ ।

सपना जस्तो लागेपनि सत्य र यर्थाथ हुन्छन् । त्यसैले त क्रिकेटको मज्जानै बेग्लै हुन्छ । विश्वका पाँच अविश्वसनिय घटनामध्य एकमा नेपाली क्रिकेट पनि सामेल छ । ती अविश्वसनिय अनौठा घटानहरुको बारे छोटकरीमा जानकारी ।

५. धोनी र डी भिलियर्सले विकेटकिपिङ सँगै बलिङ गर्नु

भारतीय क्रिकेट टोलीका पूर्व कप्तान महेन्द्रसिंह धोनी र दक्षिण अफ्रिका एवि डिभिलियर्स विश्व क्रिकेटका सफल ब्याट्सम्यान हुन् । यी दुई खेलाडीको ब्याटिङ हेर्न जो कोहीलाई आनन्द आउँछ । विश्वभर यी दुई खेलाडीका समर्थक सुभचिन्तक छन् । विश्व क्रिकेटमा विकेटकिपरले बिरलै बलिङ गर्दछन् ।

सन् २०१३ को कुरा हो । भारत तीन ओडिआई र दुई टेष्ट सिरिजको लागि दक्षिण अफ्रिका भ्रमणमा थियो । अहिले जस्तो होईन, त्यस समय दक्षिण अफ्रिका विश्वकै एक उत्कृष्ट मध्य थियो । त्यसैले उसलाई उसकै भूमिका हराउन विश्वका जुनसुकै टोलीलाई निकै मुश्किल पर्दथ्यो । तीन खेलको ओडिआई सिरिज दक्षिण अफ्रिकाले २–० ले जितेको थियो । अन्तिम खेल पूरा नहुँदा रद्द भएको थियो । दुवै खेलको जितको रन अन्तर एक सयमाथि थियो ।

दुई टेष्टको सिरिज अन्तर्गत पहिलो टेष्टको दुई दिनको ब्याटिङले ड्र (बराबरी) को संकेट दिएको थियो । पहिलो टेष्टको तेस्रो दिन एबी डिभिलियर्स आफ्नो विकेटकिपरको गल्भ्स र प्याड्स हसिम अमलालाई दिँदै ४० औं ओभरमा बलिङ गर्दै सबैलाई आश्चर्य पारेका थिए । डिभिलियर्सले मिडियम पेश बलिङ गर्दा क्रिजमा विराट कोहली र चेतेश्वर पुजारा थिए । डी भिलियर्स उक्त ओभरमा ५ रन खर्चेका थिए । त्यसपछि भने बलिङ गरेनन् ।

चौथो दिन धोनीले आश्चर्य पार्दै बलिङ गरे । चौथो दिनको खेल सकिन चार ओभर बाँकी थियो । धोनीले खेललाई निकै रोमाञ्चक बनाए । एक्कासी आफ्नो गल्भ्स र प्याड्स उतारे विराट कोहलीलाई दिँदै ४२ औं ओभरमा मिडियम पेश बलिङ गरेका थिए । क्रिजमा फाफ डु प्लेसिस र एल्भिरो पिटरसन थिए । उक्त ओभरमा दुई रन खर्चेका धोनीले ४४ औं ओभरमा पनि २ रन खर्चेका थिए । कोहलीले विकेटकिपर गर्दा धोनीले बलिङ गरेका थिए । टेष्ट इतिहासमा पहिलो पटक दुवै टोलीको विकेटकिपरले एकै खेलमा बलिङ गरेका थिए ।

४. टसको सिक्का जमिनमा गाडिनु

२०१९ जुलाई ९, मलेसियाको किनरारा ओभल क्रिकेट मैदानमा एसिसी यू१९ इस्टर्न रिजन प्रतियोगिता फाइनलमा नेपाल र हङकङबीच प्रतिस्पर्धा हुँदै थियो । नेपालका कप्तान रोहित कुमार पौडेल र हङकङका आदित गोरावोरा टस गर्न क्रिजमा आए । नेपालका कप्तान रोहितले सिक्का फाले । रेफ्री हेड की टेल पर्यो भनेर मैदानमा हेर्न नपाउँदै सिक्का सिधा जमिनमा गाडिन पुग्यो ।

जुन क्रिकेट इतिहासको एक अनौठो र दुर्लभ दृश्य थियो । उक्त सिक्का गाडिन पुगेपछि रोहितले पुन टस गर्नु परेको थियो । रोहितले टस जित्दै बलिङ गर्ने निर्णय लिएका थिए । नेपालले हङकङलाई ६ विकेटले हराउँदै उपाधि जितेको थियो ।

३. सुपर ओभरमा शून्य रन

विश्व क्रिकेटमा पछिल्लो समय सुपर ओभर सामान्य बन्न थालेको छ । सुपर ओभरमा हरेक ब्याट्सम्यान धेरै भन्दा धेरै रन बनाउन चाहन्छन् । क्यारेवियन प्रिमियर लिगमा गुयाना एमेजन वारियर्स र त्रिनिडाड टोबागो रेड स्टिलबीचको खेल टाई भएको थियो । एमेजनले सुपर ओभरमा ११ रन बनाएको थियो । १२ रन बनाउन त्रिनिडाडका निकोलस पुरन र रस टेलर आएका थिए । उक्त समय पुरन १८ वर्षका मात्रै थिए र विश्व क्रिकेटमा उदाउँदै थिए ।

स्ट्राइकमा पुरन र नस्ट्राइकमा टेलर रहे । पुरनले सुरुवाती चारै बल छुन सकेनन् । नारायणले सुरुवाती दुई बल अफसाइडमा, आउट साइट र अफ स्टम्पमा खेलाउँदै डट राखेका थिए । पुरन सबै बलमा ठूलो सट खेल्ने प्रयासमा मिस हुन पुगेका थिए । पाँचौ बलमा ठुलो सट खेलेका पुरन लङअफमा मार्टिन गुप्टिलबाट समातिन पुगेका थिए । अन्तिम बल टेलरलाई डट राख्दै नारायणले इतिहास रचे । नारायण सुपर ओभरमा मेडन राख्ने पहिलो खेलाडी बने । जुन सुन्दा धेरैलाई आश्चर्य लाग्न सक्छ ।

२. बल स्टम्पमा लाग्दै छक्का जानु

इंग्ल्यान्डका तीव्र गतिका बलर जोफ्रा आर्चर बाउन्सर लागि वर्तमान समयका चर्चित खेलाडी हुन् । आर्चर तीव्र गतिको स्पीडमार्फत ब्याट्सम्यानलाई दबाबमा राख्न सक्ने बलर हुन् । १ सय ५० माथिको प्रतिघण्टा किलोमिरटको रफ्तारमा बलिङ गर्ने आर्चरले इंग्ल्यान्डलाई २०१९ मा घरेलु मैदानमा एकदिवसिय विश्वकप उपाधि जिताउन सर्वोत्कृष्ट प्रदर्शन गरेका थिए ।

लिग चरणमा बंगलादेशसँगको खेलमा एक अनौठो घटना घटेको थियो । कार्डिफमा इंग्ल्यान्डले प्रस्तुत गरेको ३ सय ८७ रनको विशाल लक्ष्य पछ्याउनेक्रमा चौथो ओभरको दोस्रो बलमा आर्चरले सौम्य सरकालाई बोल्ड आउट गरे । १ सय ४३ प्रतिघण्टा किलोमिरटको तीव्र गतिका बलिङ गरेका आर्चरले देब्रे हाते ब्याट्सम्यान सरकार मिस हुँदा बल स्टम्पमा लागेर विकेटकिपरमाथिबाट सिधैं बाउन्ड्री बाहिर गएको थियो । जुन विश्व क्रिकेट इतिहासकै एक दुर्लभ घटना थियो ।

१. एक बलमा २ सय ८६ रन

एक बलमा कति रन बन्ला ? छक्का हाने ६ रन । नो बलमा छक्का हाने ७ रन र नो बलमा लगातार छक्का हाने १३ रन । विश्वास गर्न गाह्रो पर्छ । तर एक मैत्रीपूर्ण खेलमा एकै बलमा २ सय ८६ रन बनेको छ । जुन सुन्दानै अविश्वसनिय र आश्चर्य लाग्छ । इंग्ल्यान्डको एक पत्रिका अनुसार सन् १८९४ जुलाई १५ को घटना हो । वेस्टर्न अष्ट्रेलिया र भिक्टोरियन टिमबीच एक खेल भएको थियो ।

भिक्टोरियनले टस जित्दै पहिला ब्याटिङ गर्ने निर्णय लिएको थियो । मैदानको छेउमा बाउन्ड्री भित्र एउटा ठुलो रुख थियो । पहिलो बलमै ओपनरले ठुलो सट खेल्नेक्रममा उक्त बल रुखको हाँगामा गएर अड्कियो । भिक्टारियन ब्याट्सम्यानहरु रन लिन दौडन थाले । अम्पायरले रनको मान्यता दिए । किनभने त्यो समय कुनै पनि नियम थिएन ।

रुख ठुलो हुँदा खेलाडी चढ्न सकेनन् । वेस्टर्न अष्ट्रेलिया खेलाडी रुखलाई काट्न कसैले बन्चरो खोज्न थाले त कसैले बन्दुक । बन्दुकले हानेपनि बल खसेन । पछि अम्पायरले उक्त रुख काट्न लगाए । रुख काटेसँगै बल मैदानमा झर्यो । तर उक्त समय सम्म भिक्टोरियनहरुले २ सय ८६ रन बनाइसकेका थिए र इनिङ घोषित गरेका थिए । उक्त लक्ष्य वेस्टर्न अष्ट्रेलिया खेलाडीले पूरा गर्न सकेनन् र भिक्टोरियन टोली विजयी भएको थियो । यद्यपी यो खेलको आधिकारीक प्रमाण भने छैन ।

यो पनि पढ्नुहोस : क्रिकेटका पाँच अप्रत्याशित क्षण

May 27, 2024

नेपाललाई क्यानाडाविरुद्ध बलियो लक्ष्य

ड्यालास (हाम्रो खेलकुद) – आइसिसी टि-२० विश्वकप अन्तर्गत आफ्नो पहिलो वार्म अप खेलमा नेपालले क्यानाडाविरुद्ध बलियो लक्ष्य पाएको छ । ग्रान्ड प्रेरि मैदानमा टस हारेर पहिला ब्याटिङ गरेको क्यानाडाले निर्धारित २० ओभरमा ७ विकेटको क्षतिमा १ सय ८३ रन बनाएको छ । अन्तिम केही ओभरमा नेपाली बलर महंगो सावित हुँदा क्यानाडाले बलियो योगफल खडा गरेको […]

May 27, 2024

दीपेन्द्रसहित ग्रेसको विश्वकप गीत सार्वजनिक

काठमाडौं (हाम्रो खेलकुद) – अलराउन्डर दीपेन्द्र सिंह ऐरी ब्राण्ड एम्बेसडर रहेको ग्रेस इन्टरनेसनलले यसै साता सुरु हुने आइसीसी मेन्स टि२० विश्वकपको लागि विश्वकप विशेष गीत सार्वजनिक गरेको छ । एक दशकपछि टि२० विश्वकप खेल्न लागेको नेपाली टोलीको हौसला बढाउन तथा समर्थकहरुमा उत्साह थप्न गित सार्वजनिक गरिएको हो । विश्वभरका क्रिकेट प्रेमीहरुको ध्यान विश्वकपमा गइरहँदा नेपालका […]

May 27, 2024

वार्म अपमा नेपाल र क्यानाडा खेल्दै

ड्यालास (हाम्रो खेलकुद)– टि ट्वान्टी विश्व कप अघि नेपालले खेल्ने दुई मध्ये पहिलो वार्म अफ खेल आज खेल्दैछ । नेपालले पहिलो पटक टि ट्वान्टी विश्व कप खेल्ने तयारीमा रहेको क्यानाडासँग वार्म अप खेल खेल्दैछ । खेल ग्रान्ड प्रेरि मैदानमा स्थानिय समय अनुसार बिहान १०ः३० बजे (नेपाली समय अनुसार राति ९ः१५ बजे ) खेल सुरु हुनेछ […]

Success

Thank you for your time.