मुम्बई (एजेन्सी)– हार्दिक पाण्डेय र जयन्त यादवले पहिलो पटक भारतीय टेस्ट क्रिकेट टोलीमा समेटिएका छन् । भारत र इङ्ल्यान्ड अर्को साता सुरु हुने टेस्ट श्रृखंलाका लागि बुधबार टेस्ट टोलीको घोषणा यी दुईले मौका पाएका हुन् । इङ्ल्यान्डविरुद्ध श्रृखंलाका दुई खेलका लागि टोलीको घोषणा गर्दा ४ स्पिनरमध्ये यादव पनि समेटिएका हुन् ।
२३ बर्षे पाण्डेयले गत महिना न्युजिल्यान्डविरुद्ध डेब्यू खेलमै ३ विकेट लिएका थिए । तीब्र बलिङमा पाण्डेयको आगमनले तीब्र बलिङमा भारतसँथ थप विकल्प मिल्नेछ । भारत र इङ्ल्यान्डबीचको पहिलो टेस्ट राजकोटमा नोभम्रब ९ मा सुरु हुनेछ ।
यादवसँगै रविन्द्रन आश्विन, रविन्द्र जडेजा र अमित मिश्रा चार स्पिनरका रुपमा टोलीमा रहेका छन् । यादव अहिले पहिलो रोजाइमा पर्ने सम्भावना भने कम छ । गौतम गम्भिर फेरी टोलीमा पर्न सफल भएका छन् । ओपनर शिखर धवन, लोकेश राहुल र रोहित शर्मा चोटका कारण टोलीमा छैनन् । न्युजिल्यान्डविरुद्धको श्रृखंला गुमाएका तीब्र बलर इशान्त शर्मा पुनः टोलीमा समेटिएका छन् ।
दुई टेस्टका लागि भारतीय टोली
विराट कोहली (कप्तान), मुरली विजय, गौतम गम्भिर, चेतेश्वर पुजारा, अजिन्के रहाने, ऋद्दिमन शाह (विकेट किपर), हार्दिक पाण्डेय, करुन नायर, रविचन्द्रन आश्विन , अमित मिश्रा, रविन्द्र जडेजा, इशान्त शर्मा, मोहम्मद शामी, उमेश यादव र जयन्त यादव।
