7 years ago
November 3, 2016
काठमाडौं (हाम्रो खेलकुद)– चार बर्षदेखि क्रिकेट एकेडमी सञ्चालन गर्दै आएका नेपाली राष्ट्रिय क्रिकेट टोलीका सदस्य शक्ति गौचनले स्थानिय खेलाडीको सहजताका लागि घर मै क्रिकेटलगायत अन्य खेलका समान विक्री समेत सुरु गरेका छन् । शक्ति स्पोर्टस नाम दिएको पसलको बोर्डमा लेखिएको छ ,‘हामी कहाँ सबै प्रकारको खेलकुद सामाग्रीहरु पाइन्छ ।’ रुपन्देहीको पर्सरी गाविस वडा नं १ […]
काठमाडौं (हाम्रो खेलकुद)– चार बर्षदेखि क्रिकेट एकेडमी सञ्चालन गर्दै आएका नेपाली राष्ट्रिय क्रिकेट टोलीका सदस्य शक्ति गौचनले स्थानिय खेलाडीको सहजताका लागि घर मै क्रिकेटलगायत अन्य खेलका समान विक्री समेत सुरु गरेका छन् । शक्ति स्पोर्टस नाम दिएको पसलको बोर्डमा लेखिएको छ ,‘हामी कहाँ सबै प्रकारको खेलकुद सामाग्रीहरु पाइन्छ ।’
रुपन्देहीको पर्सरी गाविस वडा नं १ मा रहेको आफ्नै घरमा उनले लक्ष्मी पुजाको दिनबाट शक्ति स्पोर्टस् सुरु गरेका हुन् । ‘क्रिकेट सिक्न र खेल्न चाहने जुनियर खेलाडीका लागि लक्षित गरेर हामीले पसल सुरु गरेका हौं’ उनले भने, ‘पुरै व्यवसायिक हिसाबमा भन्दा पनि स्थानिय स्तरमा राम्रो र सस्तो समान पाउन कठिन हुने भएकोले हामीले उनीहरुको सहजताका लागि यो काम सुरु गरेका हौं । बोर्डरबाट नजिक भएकाले पनि सामान ल्याउन सहज छ । क्रिकेट सिक्न चाहनेलाई सस्तोमा राम्रो र समान दिने हाम्रो मुख्य उद्देश्य हो । ’
थोरै लगानीबाट सुरु गरेको जनाउँदै शक्तिले भने,‘समानको कत्तिको माग हुन्छ त्यसका आधारमा लगानी बढाउने भन्ने हुन्छ । अहिले त सुरुआत मात्रै हो ।’ घरमै स्टार क्रिकेट एकेडेमी स्थापना गरेर उनले स्थानिय जुनियर खेलाडीलाई प्रशिक्षण दिदै आएका छन् । अहिले एकेडेमीलाई पनि व्यवसायिक रुपमा सुरु गरेको शक्तिले बताए । ‘पहिला त त्यस्तो व्यवसायिक रुपमा थिएन । सिक्न चाहनेलाई सिकाउथ्यौं’उनले भने, ‘अहिले मासिक एक हजार रुपैयाँ शुल्क लिएका छौं । ३०/३५ जना बच्चाहरुलाई साँझमा प्रशिक्षण दिने गरेको छु । ’ विभिन्न उमेर समूह हुँदै शक्ति पछिल्लो डेढ दशक देखि नेपाली राष्ट्रिय क्रिकेट टोलीको नियमित सदस्य हुन् ।
April 19, 2024
मस्कट (हाम्रो खेलकुद) – साविक विजेता नेपाललाई पराजित गर्दै यूएई एसीसी मेन्स प्रिमियर कप २०२४ को फाइनलमा प्रवेश गरेको छ । अल अमेरतस्थित ओमान क्रिकेट एकेडेमीको मैदानमा नेपाललाई ६ विकेटले पराजित गर्दै यूएईले उपाधि भिडन्तमा स्थान पक्का गरेको हो । नेपालले प्रस्तुत गरेको १ सय २० रनको सामान्य लक्ष्य यूएईले ओभरमा ४ विकेटको क्षतिमा १८ […]
April 19, 2024
काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिपमा बागमती प्रदेशले दोस्रो जित निकालेको छ। आज भएको खेलमा कोशी प्रदेशलाई ७ रनको झिनो अन्तरमा हराउँदै बागमतीले ४ अंक बनाएको छ। माथिल्लो मुलपानी मैदानमा जितको लागि १ सय ३९ रनको सामान्य लक्ष्य पछ्याएको कोशी प्रदेश २० ओभरमा अल आउट हुँदै १ सय ३१ रनमा समेटियो। […]
April 19, 2024
मस्कट (हाम्रो खेलकुद) – एसीसी मेन्स प्रिमियर कप २०२४ अन्तर्गत नेपालले पहिलो सेमिफाइनलमा यूएईलाई १ सय २० रनको सामान्य लक्ष्य दिएको छ । अल अमेरतस्थित ओमान क्रिकेट एकेडेमीको मैदानमा नेपालले टस हारेपछि ब्याटिङको निम्तो पाएको थियो । शीर्षक्रमले संघर्ष गर्दा नेपालले तल्लोक्रमका ब्याटरको सहयोगमा २० ओभरमा ९ विकेट गुमाएर १ सय १९ रन जोड्यो । […]