शारजहाँ (एजेन्सी)
वेस्ट इन्डिजले तेस्रो तथा अन्तिम टेस्टमा बिहिबार पाकिस्तानलाई ५ विकेटले हराएको छ ।
ओपनर क्राएग ब्रेथह्वाइटले अविजित अर्धशतक बनाएपछि वेस्ट इन्डिजले २०१५ मे यता पहिलो जित हासिल गरेको हो । ब्रेथह्वाइटले अविजित ६० रन जोड्दा वेस्ट इन्डिजले पाँचौं दिन कुनै विकेट नगुमाई १ सय ५३ रनको लक्ष्य पूरा ग¥यो । ५ विकेटको क्षेतिमा टोलीले दिनको खेल ११४ रनबाट अघि बढाएको थियो ।
शेन डर्विचले मोहम्मद आमिरलाई चौका प्रहार गरेपछि वेस्ट इन्डिजले ५ विकेट क्षतिमा १ सय ५४ रन जोडेको थियो । बिहीबारको जितसँगै वेस्ट इन्डिजले शृंखलामा पाकिस्तानलाई क्लिन स्विप गर्नबाट रोक्यो । यद्दपी, तीन टेस्ट शृंखला पाकिस्तानले २–१ ले जितेको छ । पाकिस्तान दुबईको पहिलो टेस्ट ५६ रनले अबुधाबीको दोस्रो टेस्ट १ सय ३३ रनले जितेको थियो ।
