3 years ago
July 22, 2021
काठमाडौं (हाम्रो खेलकुद)– नेपाली राष्ट्रिय क्रिकेट टोलीका कप्तान ज्ञानेन्द्र मल्ल, पूर्व कप्तान पारस खड्का र नेपाल क्रिकेट संघ (क्यान) का सदस्य छुम्बी लामाले हाम्रो खेलकुद डटकममा बुधबार प्रकाशित ‘बलियो नेपालबारे क्यानलाई इपिएलका अख्तरको प्रश्न’ शीर्षकको समाचारप्रति गम्भिर ध्यानाकर्षण भएको जनाएका छन् । एभरेष्ट प्रिमियर लिग (इपिएल) का संस्थापक आमिर अख्तरले गैर नाफामुलक अभियान बलियो नेपाल […]
काठमाडौं (हाम्रो खेलकुद)– नेपाली राष्ट्रिय क्रिकेट टोलीका कप्तान ज्ञानेन्द्र मल्ल, पूर्व कप्तान पारस खड्का र नेपाल क्रिकेट संघ (क्यान) का सदस्य छुम्बी लामाले हाम्रो खेलकुद डटकममा बुधबार प्रकाशित ‘बलियो नेपालबारे क्यानलाई इपिएलका अख्तरको प्रश्न’ शीर्षकको समाचारप्रति गम्भिर ध्यानाकर्षण भएको जनाएका छन् ।
एभरेष्ट प्रिमियर लिग (इपिएल) का संस्थापक आमिर अख्तरले गैर नाफामुलक अभियान बलियो नेपाल अभियानको कार्यक्रममा सदस्य सँगै कप्तान र खेलाडी आबद्ध भएपछि क्यानले यसबारे अनुसन्धान गर्नुपर्ने माग गर्दै क्यान पदाधिकारीलाई इमेल लेखेका थिए । त्यो इमेल हाम्रो खेलकुदसँग सुरक्षित छ ।
त्यसकै आधारमा तयार पारिएको समाचारलाई भ्रामक भन्दै ज्ञानेन्द्र, पारस र लामाले बिहीबार जारी गरेको विज्ञप्तीमा भनेका छन्, ‘खेलाडी, बोर्ड सदस्यमाथि मानहानी र चरित्र हत्या गर्ने उद्देश्यका साथ चालिएको खण्डन गर्दै सो समाचार भ्रामक रहेको जानकारी गराउँदछौं ।’
इपिएलका अख्तरले क्यानका लामासँगै नेपाली क्रिकेट टोलीका कप्तान एवं वर्तमान खेलाडीले एकै क्षेत्रमा सँगै उपस्थित हुन नहुने तर्क राख्दै क्यानका अध्यक्ष चतुरबहादुर चन्द, सचिव अशोकनाथ प्याकुरेल, कोषाध्यक्ष रोशन बहादुर सिंह, क्रिकेट निर्देशक विनोद दास र प्रबन्ध निर्देशक रौनक मल्ललाई बुधबार इमेल लेखेकाका थिए । उनले क्यानका सदस्य र खेलाडी एकसाथ अघि बढ्नुले ‘कन्फ्लिक्ट अफ इन्ट्रेस्ट’ को अवस्था आएर आगामी दिनमा भ्रष्टाचारको सम्भावना रहेको भन्दै क्यानलाई छानबिनको लागि आग्रह गरेका थिए ।
अख्तरले क्यानले आफूलाई ४८ घण्टा भित्र जवाफ दिन नसके अन्तर्राष्ट्रिय क्रिकेट परिषद् (आइसिसी) र अख्तियार दुरुपयोग अनुसन्धान आयोगलाई पनि यसबारे पत्राचार गरिने बताएका थिए । क्यानका केन्द्रिय सदस्य र कप्तान लगायतले प्रत्यक्ष रुपमा एकसाथ व्यापार गरिरहेको आरोप समेत अख्तरले लगाएका थिए । उनले निर्वाचनबाट आएका क्यानका अध्यक्ष र सचिवलाई क्रिकेटलाई भ्रष्टाचारमुक्त बनाउने जिम्मेवारी रहेको भन्दै आफूलाई जवाफ दिन भनेका थिए ।
‘बोर्ड सदस्य भएपछि कुनै खेलाडीसँग व्यापार गर्न मिल्छ ? मैले क्यानसँग आधिकारीक रुपमा प्रश्न गरेको छु । यदि क्यानले जवाफ दिन सक्दैन भने मैले भोलीको दिनमा यहि मेललाई आइसिसी र अख्तियारलाई फरवार्ड गर्छु’, अख्तरले हाम्रो खेलकुदसँग भनेका थिए ।
अख्तरले इमेलमा बलियो नेपालले मंगलबार आयोजना गरेको छलफल कार्यक्रमको तस्बिर राख्दै त्यसमा कप्तानद्वय ज्ञानेन्द्र र रुविना क्षेत्रीसँगै पूर्वकप्तान पारसको उपस्थिति रहेकोमा आपत्ति जनाएका थिए । उक्त कार्यक्रम ‘के नेपाल सन् २०३९ सम्ममा क्रिकेट विश्वविजेता बन्न सक्छ?’ भन्ने विषयमा छलफल आयोजना गरिएको थियो । क्लब हाउसमा भएको छलफलमा क्यान सदस्य लामा र पूर्व क्रिकेटर तथा प्रशिक्षक शक्ति गौचनको पनि सहभागिता रहेको जनाइएको थियो ।
संयुक्त विज्ञप्तीमा बलियो नेपाल प्रति गरिएको प्रश्नलाई निन्दनीय भएको उल्लेख छ । विज्ञप्तीमा भनिएको ‘बलियो नेपाल एक गैरनाफामूलक संस्थाले सामाजिक सञ्जाल क्लब हाउमा आयोजना गरेको क्रिकेट छलफल कार्यक्रममा सहभागी भएको विषयमालाई आधार बनाएर हामी खेलाडी र क्यानका सदस्यमाथि सोधिएको प्रश्न निन्दनीय छ ।’
विज्ञप्तीमा अगाडि भनिएको छ, ‘नेपालको लागि दुई दशक लामो समयदेखि क्रिकेट खेल्दै र टोलीको कप्तानी गर्दै आएका खेलाडीको चरित्रमाथि नै प्रश्न सोधिनु आफैमा निच कार्य रहेको हाम्रो बुझाई छ । प्रकाशित सो समाचारले खेलाडीहरु शक्ति गौचन, पारस खड्का, ज्ञानेन्द्र मल्ल र रुविना क्षेत्रीको चरित्रमा दाग लगाउने काम गरेको छ ।’
उनीहरुले अख्तरले दिएको अल्टिमेटममा पनि प्रशन गरेका छन् । ‘ क्यान जस्तो स्वतन्त्र संस्थालाई कोही व्यक्तिले सिमित समयको अल्टिमेटम दिनु कहाँसम्मको जायज कदम हो भन्ने हाम्रो प्रश्न समेत रहेको छ’, विज्ञप्तिमा भनिएको छ । हाम्रो खेलकुद डटकमले अख्तरको आरोपमा क्यान सदस्य लामाको समेत भनाई राखेर समाचार तयार पारेको थियो ।
लामाले बलियो नेपाल संस्थाले नेपाली क्रिकेटको विकासका लागि चालेको कदमबारे यस किसिमको प्रश्न उठ्दा आश्चर्य लागेको बताएका थिए । ‘बलियो नेपालले सकारात्मक संदेश दिने हिसाबले छलफल कार्यक्रम आयोजना गरेको थियो । त्यहाँ नेपाली क्रिकेटसँग सम्बन्धित व्यक्तिहरुले आफ्नो भनाइ राख्नु ठूलो विषय पक्कै होइन,’ उनले भनेका थिए, ‘यस्तो संस्थाले क्रिकेटप्रति रुची देखाउनुलाई सकारात्मक रूपमा लिनुपर्ने हो ।’
बलियो नेपाल एक गैर नाफामुलक कार्यक्रम हो । बिल एन्ड मेलिन्डा गेट्स फाउन्डेसनको सहयोगमा नागरिक समाजका स्वतन्त्र बोर्डबाट संचालन हुँदै आएको संस्था हो । यस संस्थाले नेपालमा कुपोषणविरुद्ध विभिन्न कार्यक्रम गर्दै आएको छ । यसै पहलमा केहि महिनाअघि मात्र बलियो नेपाल कपको अवधारणा सार्वजनिक गरिएको थियो ।
बलियो नेपालले युवा प्रतिभा विकास कार्यक्रम अन्तर्गत लुम्बिनी प्रदेशमा प्रतियोगिता पनि आयोजना गरेको थियो । लुम्बिनी प्रदेशका १२ जिल्लाको सहभागिता रहेको प्रतियोगिता रुपन्देही ११ ले जितेको थियो । सहभागी टोलिलाई ४ समुहमा विभाजन गर्दै १५ खेल भएको थियो । उक्त प्रतियोगितामा १० कक्षा मुनिका यु–१६ खेलाडीले खेलेका थिए । उक्त प्रतियोगिताको व्यवस्थापन पोखरा प्रिमियर लिगको आयोजक क्विन्स इभेन्ट एन्ड म्यानेजमेन्टले गरेको थियो ।
April 19, 2024
एजेन्सी – लखनउ सुपर जाइन्टले इन्डियन प्रिमियर लिग (आइपिएल) मा शुक्रबार चेन्नई सुपर किंग्सलाई ८ विकेटले हराएको छ । १ सय ७७ रनको विजय लक्ष्यसहित उत्रेको लखनउले कप्तान केएल राहुल र क्विन्टन डि ककको अर्धशतकसँगै १९ ओभरमा २ विकेटको क्षेतिमा १ सय ८० रन जोडेर जित निकालेको छ । डि कक र केएल राहुले पहिलो […]
April 19, 2024
एजेन्सी – नेपाली क्रिकेट टोलीले एसीसी इमर्जिङ टिम्स एसिया कपमा छनोट हुनका लागि शनिबार हङकङसँग प्रतिस्पर्धा गर्ने भएको छ । एसीसी प्रिमियर कपको दोस्रो सेमिफाइनलमा घरेलु टोली ओमानसँग शुक्रबार ५ विकेटले पराजित भएपछि हङकङको नेपालसँगको भेट पक्का भएको हो । फाइनल पुगेको ओमानले भने एसिया कपमा पुग्नको लागि आइतबार संयुक्त अरब इमिरेट्स (युएई)को सामना गर्नेछ […]
April 19, 2024
एजेन्सी – संयुक्त अरब इमिरेट्स (युएई) ले एसीसी प्रिमियर कपको उपाधिका घरेलु टोली ओमानको सामना गर्ने भएको छ । दोस्रो सेमिफाइनलमा शुक्रबार हङकङलाई ५ विकेटले हराउँदै ओमानले युएईसँगको फाइनल भेट पक्का गरेको हो । त्यसअघि नेपाललाई ६ विकेटले हराउँदै युएई फाइनलमा पुगेको थियो । हङकङविरुद्ध १ सय ३१ रनको लक्ष्य पछ्याएको ओमानले ४ बल बाँकी […]