काठमाडौं (हाम्रो खेलकुद) – नेपाल क्रिकेट संघ (क्यान) का सचिव अशोकनाथ प्याकुरेलले एभरेष्ट प्रिमियर लिग (इपिएल) का संस्थापक आमिर अख्तरले गैर नाफामुलक अभियान बलियो नेपालसँग संघका सदस्य र खेलाडीलाई जोडेर लगाएको आरोपबारे आवश्यक देखिए छलफल हुने बताएका छन् ।

‘आमिर अख्तरबाट एउटा मेल प्राप्त भएको छ । बाहिर पनि मैले सुनिरहेको छु । वहाँले यसबारे के कसो हो क्यानले एक पटक हेरोस भन्ने आशय राख्दै पठाएको इमेल बुधबार हामीलाई प्राप्त भएको छ’,सचिव प्याकुरेलले हाम्रो खेलकुदसँग भने ।

‘त्यसमा वहाँले एक किसिमको कुरा राख्नु भएको छ । त्यो के हो भनेर बोर्डको नियम अनुसार के गर्न मिल्ने हो, समन्वय गरेर हामीले हेर्नेछौं,’ उनले भने ।

‘यो कुनै एक व्यक्तिले उठाएको विषय हो । विषय जे पनि उठान हुन सक्छ । उठान भएका सबै कुरा महत्त्वपूर्ण र आवश्यक नहुन पनि सक्छ । जे होस आमिरले जे कुरा उठान गर्नु भएको छ, त्यसमा क्यानको नियम पालना गर्नुपर्ने कुरा छ भने हामीले पक्कैपनि सुधार गर्नुपर्ने भइहाल्छ ।’

‘केहि कुरा जोराबाट प्राप्त भएको छ । अब यथार्थ के हो, साँचो कुरा हो वा होईन भन्ने विषयमा सायद हामी अफिसलाई भनेर त्यसमा खास कुरा के भएको भनेर हेर्छौं’, उनले भने ।

सचिव प्याकुरेलले क्यानमा यस्तो कुरा आइरहने बताउँछन् । ‘यस्ता मेल आइरहेका हुन्छन् । त्यसैले यो अनौठो र नौलो कुरा होइन । त्यसको यर्थाथ कुरा हेर्ने हाम्रो दैनिक काम नै हो’, अशोकले भने, ‘एउटा व्यक्तिले क्यानलाई एल्टिमेटम दिएर यो गर्छु र त्यो गर्छु भन्न कति सम्म मिल्ने र सुहाउँदो भन्ने वहाँले जान्ने कुरा हो ।’

सचिव प्याकुरेलले यथार्थ कुरा के हो आफूहरुले हेर्ने बताउँछन् । ‘अख्तरले प्रेसमा बोलेको कुरा शत प्रतिशत ठिक हो वा होइन । वहाँले भन्नु भएको कुराको यथार्थ के हो भन्ने हामीलाई प्रष्ट छैन । जुन वहाँले बलियो नेपालको कुरा गर्नु भएको छ । बलियो नेपालसँग कुन किसिमको सहकार्य हो । सबै कुराहरु पनि क्यानले हेर्छ ।’

‘यो अल्टिमेटम दिन अदालतको म्याद होइन । जे कुरा हेर्ने पर्ने हो र प्रक्रियामा जानुपर्ने हो त्यो पक्षमा क्यान सकारात्मक छ’, प्याकुरेलले भने, ‘क्यानले हेर्न पर्ने र नियम पालना गर्नुपर्ने छ भने त्यसमा क्यानको दायित्वनै नै हुन्छ । वास्तविक कुरा के हो पत्ता लगाउने छौं ।’

आमिरले बुधबार क्यानलाई इमेल लेखेको समाचार हाम्रोखेलकुदले लेखेपछि सदस्य छुम्बी लामा, कप्तान ज्ञानेन्द्र मल्ल र पारस खड्काले समाचारको खण्डन गर्दै प्रेस विज्ञप्ति जारी गरेका थिए ।

आमिर अख्तरको इमेल :

विज्ञप्ति :

यो पनि : अख्तरको आरोपमा ज्ञानेन्द्र, पारस र लामाको आपत्ती