काठमाडौं (हाम्रो खेलकुद) – नेपाली क्रिकेट टोलीका सर्वाधिक सफल खेलाडी तथा पूर्व कप्तान पारस खड्काले आगमी दिनमा एकेडेमी सञ्चालन गर्ने भएका छन् । अन्तर्राष्ट्रिय क्रिकेटबाट सन्न्यास लिएका पारसले आगमी दिनमा आफूले एकेडेमी सञ्चालन गर्ने बताएका छन् ।

सन्न्यास बारे पत्रकार सम्मेलन गर्दैै जानकारी दिनेक्रममा पारसले अव एक दुई महिनामै एक क्रिकेट एकेडेमी सञ्चालन गर्ने बताएका छन् । ‘क्रिकेट एकेडेमी सञ्चालन गर्ने छु । त्यसलाई नेपालभर लगेर जाने योजना छ । एक दुई महिनापछि लन्च (सार्वजनिक) गर्ने छु । एकेडेमी राम्रोसँग सञ्जालन गर्यौ भन्ने सोच छ’, पारसले अवको आफ्नो तत्कालको योजनाबारे सुनाए ।

पारसले सबैको साथ र सहयोगको कारण यो स्थानमा आउन सफल भएको बताएका छन् । पारसले सबैलाई धन्यावाद दिँदै आगमी दिनमा नेपाली क्रिकेट विकासको लागि सबैले हातेमालो गर्नुपर्ने बताएका छन् । पारसले अव आफ्नो योजना क्रिकेट व्यवस्थापनमा आउँदै नेपाली क्रिकेट विकासमा सहयोग गर्ने बताएका छन् । पारसले धेरै सोच विचारको साथ सन्न्यास लिएको बताएका छन् । पारसले आफूले आगमी दिनमा घरेलु क्रिकेट खेल्ने बताएका छन् ।

पारसले नेपालका लागि १० ओडिआई, ३३ टि२० आई, २ प्रथम श्रेणी, ४६ लिष्ट ए र ५६ टि२० खेलेका छन् । पारसले ओडिआईमा २०१८ अगष्ट ए मा नेदरल्यान्ड्सविरुद्ध डेब्यू गरेका थिए । अन्तिम ओडिआई खेल घरेलु मैदानमा अमेरिकाविरुद्ध २०२० फेब्रुअरी १२ मा खेले । पारसले ओडिआईमा एक शतक सहित कुल ३ सय १५ रन बनाएका छन् । पारसले ओडिआईमा ९ विकेट लिदा उत्कृष्ट प्रदर्शन ४–२६ छ ।

पारसले ३३ टि२० आई खेलमा १ शतक र ४ अर्धशतक सहित कुल ७ सय ९९ रन बनाएका छन् । ८ विकेट लिएका छन् । टि२० विश्वकपमा बंगलादेशविरुद्ध टि२० आईमा डेब्यू गरेका पारसको अन्तिम खेल थाईल्यान्डविरुद्ध रह्यो । लिष्ट ए मा पारसले ३ शतक र ९ अर्धशतक सहित कुल १ हजार ४ सय ९७ रन बनाउँदा २६ विकेट लिएका छन् । पारसले टि२० क्रिकेटमा कुल २८ विकेट लिदा १ हजार ३ सय १७ रन जोडेका छन् । पारस युगको अन्त्य