एजेन्सी – इन्डियन प्रिमियर लिग (आइपिएल) २०२१ को ३१ औं खेलमा रोयल च्यालेन्जर्स बेंगलोरले कोलकाता नाइट राइडर्सलाई ९३ रनको सामान्य लक्ष्य दिएको छ ।

शेख जायद स्टेडियम आबूधाबीमा टस जितेर पहिला ब्याटिङ थालेको बेंगलोर १९ ओभरमा ९२ रनमा अल आउट भयो । बेंगलोरका देवदत्त पाडिक्कलले सर्वाधिक २२ रनको योगदान दिए । कप्तान विराट कोहली, एवि डिभिलियर्स र ग्लेन म्याक्सवेल जस्ता प्रमुख ब्याट्सम्यान चल्न नसकेपछि बेंगलोर सस्तैमा अल आउट भएको हो । बेंगलोरका ७ खेलाडीले दोहोरो अंकमा रन बनाउन सकेनन् ।

तीव्र गतिका बलर प्रसिद्ध कृष्णले दोस्रो ओभरको चौथो बलमा कप्तान विराट कोहलीलाई पाँच रनमा एलबीडब्लू आउट गरेका थिए । छैटौं ओभरको अन्तिम बलमा तीव्र गतिका बलर लोकी फर्गुसनले पाडिक्कललाई २२ रनमा विकेटकिपर दीनेश कार्तिकबाट क्याच आउट गराए । पाडिक्कलले २० बलमा ३ चौका प्रहार गरे ।

आन्द्रे रसेलले स्रिकर भारतलाई सुभमन गिलबाट १६ रनमा क्याच आउट गराए । रसेलले नवौं ओभरको चौथो बलमा बेंगलोरका प्रमुख ब्याट्सम्यान एवि डिभिलियर्सलाई बोल्ड गर्दै गोल्डेन डक आउट गरेका थिए । १२ औं ओभरको चौथो बलमा ग्लेन म्याक्सवेललाई बरुण चक्रवर्तीले ग्लेन म्याक्सवेललाई १० रनमा बोल्ड आउट गरेपछि बेंगलोर संकटमा परेको थियो ।

लगत्तै अर्को बलमा वानिन्दु हसरंगा गोल्डेन डक आउट हुन पुगे । जेमिसन ४ र सचिन बेबी ७ रनमा आउट हुँदा बेंगलोर ७६–८ को अवस्थामा पुगेको थियो । हर्षल पटेल १२ रनमा आउट भए । मोहम्मद शिराज ८ र युजभेन्द्र चहल २ रनमा आउट भए ।

कोलकाता वरुण चक्रवर्तीले ४ ओभरमा १३ रन खर्चेर ३ विकेट लिए । लोकी फर्गुसनले ४ ओभरमा २४ रन खर्चेर २ विकेट लिए । आन्द्रे रसेलले ३ ओभरमा ९ रन खर्चेर ३ विकेट लिए । प्रसिद्ध कृष्णको नाममा एक विकेट रह्यो ।