3 years ago
September 21, 2021
काठमाडौं (हाम्रो खेलकुद) – नेपाली क्रिकेट टोलीका पूर्व सफल प्रशिक्षक तथा भैरहवा ग्ल्याडियटर्सका मुख्य प्रशिक्षक पुबुदु दसानायकले चौथो संस्करणको एभरेष्ट प्रिमियर लिग (इपिएल) को लागि नेपाल आइपुगेका छन् । पुबुदु बिहान ९ : १० मा नेपाल आइपुगेका हुन् । पुबुदु टिम रहेको होटल याक एण्ड यतिमा छन् ।
पुबुदुले इपिएलको लागि निकै उत्साहित रहेको बताएका छन् । ‘नेपाल सधैं राम्रो लाग्छ । मेरो ध्यान आगमी प्रतियोगितामा हुने छ, पुबुदुले भने । विदेशी खेलाडीबाट म खुसी छु । नेपालका खेलाडी पनि टिममा राम्रा छन् । टिम सन्तुलन हुँदा प्रतियोागितामा राम्रो मौका छ’, उनले भने ।
भैरहवामा विदेशी खेलाडीको रुपमा बंगलादेशका सर्वाधिक सफल ओपनर तमिम इकबाल, श्रीलंका पूर्व कप्तान तथा ओपनर उपुल थरंगा, तीव्र गतिका बलर धाम्मिका प्रसाद र शार्विन मुनिआन्दी रहेका छन् ।
भैरहवाको मुख्य प्रशिक्षणमा नेपाली क्रिकेट टोलीका पूर्व सर्वाधिक सफल पुबुदु दसानायेके छन् । पुबुद टोलीमा भएको हुँदा टोलीले अतिरिक्त फाइदा उठाउन सक्छ । भैरहवाको कप्तानी नेपाली घरेलु क्रिकेटका सर्वाधिक सफल कप्तान शरद भेषावकरलेनै गर्ने छन् । वर्तमान नेपाली टोलीका युवा स्टार रोहित कुमार पौडेल, आरिफ शेख, कुशल मल्ल र तीव्र गतिका बलर अभिनाश बोहरा भैरहवा हुँदा टोली मजबुत छ ।
प्रदीप ऐरी, भुवन कार्की, कृष्ण कार्की, हरिशंकर शाह, दीपेश श्रेष्ठ, विकास आग्री, दुर्गेश गुप्ता, हिमान्शु दत्त, तुल बहादुर थापा र मौसम ढकाल स्वदेशी खेलाडीको रुपमा छन् । भैरहवाले सेप्टेम्बर २६ मा पोखरा राइनोजसँग पहिलो खेल खेल्दै यस सिजनको सुरुवात गर्ने छ । पछिल्ला दुई सिजनमा लगातार उपविजेता रोकिएको भैरहवा यो पटक च्याम्पियन बन्ने सोचमा छ ।
२०१८ को फाइनमा भैरहवा ललितपुर प्याट्रियटर्ससँग १४ रनले पराजित भएको थियो । २०१७ को फाइनलमा विराटनगर वारियर्सबाट एक रनले पराजित हुँदै उपाधि जित्न सकेको थिएन । इपिएल असोज ९ देखि २३ (सेप्टेम्बर २५ देखि अक्टोबर ९) सम्म टियु मैदानमा हुने छ ।
May 8, 2024
एजेन्सी – दिल्ली क्यापिटल्सले राजस्थान रोयल्समाथि जित दर्ता गर्दै इंडियन प्रिमियर लिग (आईपिएल) मा प्लेअफ पुग्ने आशा कायम राखेको छ । राजस्थान माथि २० रनको जित दर्ता गर्दै दिल्लीले प्लेअफ पुग्ने सम्भावना कायम नै राखेको छ । दिल्लीले दिएको २ सय २२ रनको विशाल लक्ष्य पछ्याएको राजस्थानले निर्धारित २० ओभरमा ८ विकेटको क्षतिमा २ सय […]
May 7, 2024
काठमाडौं (हाम्रो खेलकुद)– एन्जल्स हार्ट स्कुलले जयकुमारनाथ शाह स्मृति यु १६ अन्तर स्कुल क्रिकेट प्रतियोगितामा मंगलबार केएमसीलाई हराएको छ । एन्जल्स हार्टले केएमसीलाई ६ विकेटले हराएको हो । १ सय ६३ लक्ष्य पछ्याएको एन्जल्स हार्टसले १९.३ ओभरमा ४ विकेटको क्षेतिमा जित हासिल गरेको थियो । टोलीका लागि युवराज खत्रीले ३६ बलमा ४९, जोय थापा २९ […]
May 7, 2024
एजेन्सी – सूर्यकुमार यादवको शतकको मद्दतमा मुम्बई इण्डियन्सले इन्डियन प्रिमियर लिग (आइपिएल) मा सोमबार सनराइजर्स हैदराबाद माथि सहज जित दर्ता गरेको छ । मुम्बईले हैदराबादलाई ७ विकेटले हराएको हो । हैदराबादले दिएको १ सय ७४ रनको लक्ष्य मुम्बईले १७.२ ओभरमै ३ विकेट मात्र गुमाएर भेट्टायो । मुम्बईका सूर्यकुमारले ५१ बलमा १२ चौका र ६ छक्का […]