default_image

3 years ago

September 21, 2021

इपिएलमा तुल र मौसम भैरहवाबाट छनोट

काठमाडौं (हाम्रो खेलकुद) – दुई युवा स्पिनर तुल बहादुर थापा र मौसम ढकाल चौथो संस्करणको एभरेष्ट प्रिमियर लिग (इपिएल) भैरहवा ग्ल्याडियटर्सको ट्यालेन्ट हन्टमार्फत छनोट भएका छन् । भैरहवाले गत वर्ष कोरोना महामारी अघिनै मुख्य प्रशिक्षक पुबुदु दासानायिके नेपाल आएको समयमा ट्यालेन्ट हन्ट सम्पन्न गरेको थियो । कोरोना कारण गतवर्ष इपिएल हुन सकेको थिएन । नेपाली […]

135 views

0 Bookmark

काठमाडौं (हाम्रो खेलकुद) – दुई युवा स्पिनर तुल बहादुर थापा र मौसम ढकाल चौथो संस्करणको एभरेष्ट प्रिमियर लिग (इपिएल) भैरहवा ग्ल्याडियटर्सको ट्यालेन्ट हन्टमार्फत छनोट भएका छन् ।

भैरहवाले गत वर्ष कोरोना महामारी अघिनै मुख्य प्रशिक्षक पुबुदु दासानायिके नेपाल आएको समयमा ट्यालेन्ट हन्ट सम्पन्न गरेको थियो । कोरोना कारण गतवर्ष इपिएल हुन सकेको थिएन । नेपाली टोलीका पूर्व स्पिनर शक्ति गौचनको स्टार क्रिकेट एकेडेमीमा सम्पन्न ट्यालेन्ट हन्टबाट भैरहवाले तीन खेलाडी छनोट गरेको थियो । तुल र दुर्गेश गुप्ता गत वर्षनै ट्यालेन्ट हन्टमार्फत छानिएका थिए । दुर्गेशलाई अघिल्लो महिना भैरहवाले न्यूनतम मूल्य ५० हजार रुपैयाँमा अनुबन्ध गरेको थियो । छनोट भएका एक खेलाडी उपलब्ध नभएपछि मौसमले मौका पाएका हुन् ।

प्यूठानको नौबहिनी गाउँपालिका डाम्रीका तुलबहादुर चाइनामेन स्पिनर हुन् । घरेलु क्रिकेट उनले दाङबाट खेल्ने गर्दछन् । प्यूठानमा जिल्ला क्रिकेट संघ नहुँदा उनले दाङबाट घरेलु क्रिकेट खेल्दै आएका छन् । स्टार क्रिकेट एकेडेमीमा अभ्यास गर्ने गर्दछन् । तुलले पहिलो पटक फ्रेन्चाइज लिग खेल्दै आएका छन् । गतवर्ष प्रधानमन्त्री कप एकदिवसिय क्रिकेट प्रतियोगिता अन्तर्गत लुम्बिनी प्रदेश छनोटमा उनले दाङबाट खेल्दै उत्कृष्ट प्रदर्शन गरेका थिए ।

‘मेरो पहिलो लिग हो । मैले अहिले सम्म धेरै मिहिनेत गरेको थिए । यो अव नतिजा देखाउने समय हो । त्यसैले म निकै उत्साहित छु, तुलले हाम्रो खेलकुदसँग कुरा गर्दै भने ।’ ‘टिम सबैले मलाई विश्वास गर्नु भएको छ । आफूलाई प्रमाणित गर्ने मौकानै यहि हो । नेपाली अन्य घरेलु क्रिकेट खेल्ने बाटो बनाउन यहाँ राम्रो गर्नुपर्ने हुन्छ, उनले भने ।’

रुपन्देही तिलोत्तमा १३ का मौसम लेगस्पिनर हुन् । वसन्त रेग्मीको वेस्टर्न क्रिकेट एकेडेमीमा मौसमले अभ्यास गर्ने गर्दछन् । माघमा भएको प्रधानमन्त्री कपमा मौसम नेपाल एपिएफ क्लबको नेट बलरको रुपमा थिए । उनी पनि पहिलो पटक फ्रेन्चाइज लिग खेल्न लागेका हुन् ।
‘यो मेरो लागि सबैभन्दा ठूलो अवसर हो । टिममा ठूला ठूला नाम छन् । वहाँहरुबाट धेरै कुरा सिक्न पाइन्छ । दाइहरुले विश्वास गरेर लिएपछि आफूले प्रमाणित गर्नुपर्ने हुन्छ, मौसमले भने ।’

त्यसैमा उनले थपे, ‘ शरद नेपालको एक सफल कप्तान हुनुन्छ । पुबुदुसँग मेरो पहिलो पटक भेट हुनेछ । धेरै कुरा सिक्न निकै उत्साहित छु । मेरो लक्ष्य आफूलाई प्रमाणित गरेर देखाउने छ ।’ श्रीलंका क्रिकेट टोलीका ओपनर तथा पूर्व कप्तान उपुल थरंगा, तीव्र गतिका बलर धाम्मिका प्रसाद र मुख्य प्रशिक्षक पुबुदु दसानायिके सोमबार नेपाल आई पुगेका छन् । भैरहवा टोलीसँग जोडि सकेका छन् ।

बंगलादेशका ओपनर तमिम इकबाल र मलेसिया शार्विन मुनिआन्दी पनि भैरहवामै छन् । यी दुई खेलाडी भने नेपाल आइपुगेका छैनन् । पछिल्ला दुई सिजनमा लगातार उपविजेता रोकिएको भैरहवा यो पटक च्याम्पियन बन्ने सोचमा छ । २०१८ को फाइनमा भैरहवा ललितपुर प्याट्रियटर्ससँग १४ रनले पराजित भएको थियो । २०१७ को फाइनलमा विराटनगर वारियर्सबाट एक रनले पराजित हुँदै उपाधि जित्न सकेको थिएन ।

भैरहवाले सेप्टेम्बर २६ मा पोखरा राइनोजसँग पहिलो खेल खेल्दै यस सिजनको सुरुवात गर्ने छ । इपिएल असोज ९ देखि २३ (सेप्टेम्बर २५ देखि अक्टोबर ९) सम्म टियु मैदानमा हुने छ । विजेताले ५० लाख र उप विजेताले १५ लाख रुपैयाँ प्राप्त गर्ने छन् ।

भैरहवा ग्ल्याडियटर्सको टोली :

शरद भेषावकर (कप्तान), रोहित कुमार पौडेल, आरिफ शेख, कुशल मल्ल, अभिनाश बोहरा, प्रदीप ऐरी, भुवन कार्की, कृष्ण कार्की, हरिशंकर शाह, दीपेश श्रेष्ठ, विकास आग्री, दुर्गेश गुप्ता, हिमान्शु दत्त, तुल बहादुर थापा, मौसम ढकाल, तमिम इकबाल (बंगलादेश), उपुल थरंगा (श्रीलंका), धाम्मिका प्रसाद (श्रीलंका) र शार्विन मुनिआन्दी (मलेसिया) ।

March 28, 2024

सिइसी र धनगढी विजयी

सुमन अधिकारी,बुटवल नेपालका पूर्व अन्तराष्ट्रिय क्रिकेट खेलाडी शक्ति प्रसाद गौचनले बुबाको नामबाट आयोजना रुपन्देहीमा जारी छैंटौं खड्ग प्रसाद गौचन मेमोरियल यु—१९ क्रिकेट प्रतियोगिता–२०८० मा बिहीबार समुह बिका २ खेल सम्पन्न भएका छन् । जसमा पल्सर क्रिकेट एक्सलेन्स सेन्टर (सिइसी) , काठमाण्डौ र धनगढी क्रिकेट क्लब विजयी भएका छन् । पहिलो खेलमा पल्सर सिइसी काठमाण्डौले सेन्टर […]

March 28, 2024

नेपाल ‘ए’ सिरिजको खेल तालिका परिवर्तन

काठमाडौं (हाम्रो खेलकुद) – नेपाल क्रिकेट संघ (क्यान) ले वर्षाका कारण विहीबार हुने भनिएको टि२० खेल रद्द भएपछि आयरल्यान्ड वल्भ्सविरुद्ध सिरिजको खेल तालिका परिवर्तन गरेको छ । लगातार वर्षाका कारण मैदान भिजेपछि टियु अन्तर्राष्ट्रिय क्रिकेट मैदानमा पहिलो खेल रद्द भएको थियो । क्यानले खेल तालिका परिवर्तन गर्दै शुक्रबारदेखि टि२० सिरिज सुरु हुने बताएको छ । […]

March 28, 2024

नेपाल ‘ए’ र आयरल्यान्ड वल्भस बीचको पहिलो खेल रद्द

काठमाडौं (हाम्रो खेलकुद) – टियु क्रिकेट मैदानमा पाहुना टोली आयरल्यान्ड वल्भस र नेपाल ‘ए’ बीच आजदेखि सुरु हुन लागेको तीन खेलको टि-२० शृंखला अन्तर्गतको पहिलो खेल रद्द भएको छ । नेपाल क्रिकेट संघ (क्यान) ले वर्षाका कारण मैदान भिजेको हुनाले खेल रद्द भएको जानकारी दिएको छ । आइरिश टोलीले नेपाल ‘ए’ विरुद्ध ३ टि-२० र […]

Success

Thank you for your time.