3 years ago
September 25, 2021
काठमाडौं (हाम्रो खेलकुद) – एभरेष्ट प्रिमियर लिग (इपिएल) अन्तर्गत चौथो संस्करणको पहिलो खेलमा काठमाडौं किंग्स ११ ले ललितपुर प्याट्रियट्समाथि जित हासिल गर्दा जिम्बाब्वेका अलराउन्डर रायन बर्ल प्लेयर अफ द म्याच बने । ललितपुरले प्रस्तुत गरेको १ सय ५८ रनको लक्ष्य पछ्याउने क्रममा बर्लले आक्रामक अर्धशतक प्रहार गर्दै टोलीलाई जित दिलाएका थिए । उनले सुरुवातमा संयमित […]
काठमाडौं (हाम्रो खेलकुद) – एभरेष्ट प्रिमियर लिग (इपिएल) अन्तर्गत चौथो संस्करणको पहिलो खेलमा काठमाडौं किंग्स ११ ले ललितपुर प्याट्रियट्समाथि जित हासिल गर्दा जिम्बाब्वेका अलराउन्डर रायन बर्ल प्लेयर अफ द म्याच बने ।
ललितपुरले प्रस्तुत गरेको १ सय ५८ रनको लक्ष्य पछ्याउने क्रममा बर्लले आक्रामक अर्धशतक प्रहार गर्दै टोलीलाई जित दिलाएका थिए । उनले सुरुवातमा संयमित ब्याटिङ गर्दै अर्को एन्डमा रहेका रहमानुल्लाह गुरबाजलाई साथ दिए । उनी आउट भएपछि बर्लले आक्रामक ब्याटिङ गरे ।
बाँया हाते ब्याटर बर्लले राष्ट्रिय टोलीबाट खेलिसकेका बाँया हाते स्पिनर ललित राजवंशीलाई एकै अोभरमा ४ छक्का प्रहार गरे । समग्रमा उनले ३४ बलमा ३ चौका र ७ छक्कासहित ७३ रन जोडे । उनले विजयी सट समेत प्रहार गरेका थिए । बलिङतर्फ पनि उनले २ विकेट लिएका थिए ।
खेलपछि बोल्दै उनले समर्थककका लागि क्रिकेट खेलेको हुँदा दर्शक दिर्घाबाट हुटिङमा खेल्न पाउँदा सहज हुने बताए । ‘आज दर्शकको साथ पनि रह्यो । हामीले खेल्ने नै दर्शकका लागि हो । अझ ब्याटिङमा दर्शकबाट हुटिङ पाउँदा सहज हुन्छ, ‘ उनले अनुभव साटे ।
बर्लले टोलीको योजना सफल हुँदा जित हासिल गर्न सकेको बताए । ‘सुरुवातमा दुई विकेट गुमेपछि केही दबाब थियो । अझ दुवै रनआउट हुँदा समस्या हुन्छ । मैले भित्र गएर मात्र गुर्बाजलाई स्ट्राइक दिनु थियो । उनले सहज खेलिरहेका थिए,’ उनले भने, ‘ उनी आउट भएपछि मैले रन जोडें । टोलीका सबै सदस्यले जिम्मेवारी पूरा गरे ।’
बर्लले आफूलाई यस स्तरमा खेल्ने अवसर दिएकोमा टोलीलाई धन्यवाद पनि दिए । आउने दिनमा पनि समर्थकको उपस्थिति रहनेमा उनले आशा राखे । टोलीमा अन्य खेलाडी पनि राम्रो रहेकाले यसै लयलाई निरन्तरता दिने प्रयास गर्ने उनले बताए ।
April 25, 2024
एजेन्सी – रोयल च्यालेन्जर्स बैंगलुरुले इन्डियन प्रिमियर लिग (आइपिएल) मा दोस्रो जित हासिल गरेको छ । बैंगलुरुले बिहीबार सनराइजर्स हैदरावादलाई ३५ रनले हराएको छ । २ सय ७ रनको लक्ष्य पछ्याएको हैदरावादले निर्धारित २० ओभरमा ८ विकेटको क्षतिमा १ सय ७१ रन मात्र बनाउन सक्यो ।टोलीका लागि सहवाज अमेदले सर्वाधिक नटआउट ४० रन बनाए । […]
April 25, 2024
काठमाडौं (हाम्रो खेलकुद) – पुछारमा रहेको कोशी प्रदेशलाई ५ विकेटले सहजै हराउँदै कर्णाली प्रदेशले वीर गणेशमान सिंह राष्ट्रिय टी-ट्वान्टी च्याम्पिनसिपको फाइनलमा पुग्ने संभावनालाई कायमै राखेको छ। लगातारको छैटौं हारमा कोशी अंक विहिन हुँदै प्रतियोगिताबाट बाहिरिएको छ। ९४ रनको सहज विजय लक्ष्य कर्णाली प्रदेशले मात्र ६. ३ बलमा ५ विकेट गुमाउँदै पुरा गर्यो। ओपनर विपिन रावल […]
April 25, 2024
काठमाडौं (हाम्रो खेलकुद) – सुपर ओभरमा सुदूरपश्चिमलाई हराउँदै मधेश प्रदेशले वीर गणेशमान सिंह राष्ट्रिय टी-ट्वान्टी च्याम्पिनसीपमा चौथो जित हात पारेको छ। सुपर ओभरमा सुदूरपश्चिमले मात्र ७ रन बनायो। मधेशले पाँचौ बलमा जित हात पारेको हो। यो हारमा सुदूरपश्चिम एक खेल अगाडि नै लिग चरणबाट बाहिरिएको छ। माथिल्लो मुलपानी मैदानमा पहिले ब्याटिङ गरेको मधेश प्रदेशले ७ […]