काठमाडौं (हाम्रो खेलकुद) – चौथो संस्करणको एभरेष्ट प्रिमियर लिग (इपिएल) मा मंगलबार हुने काठमाडौं किंग्स इलेभेन र पोखरा राइनोजबीचको खेल पनि स्थगित भएको छ । सुरुमा भिजेको आउटफिल्ड र पछि वर्षासँगै खेल स्थगित भएको हो । सामान्य वर्षा र भिजेको आउटफिल्डको कारण स्थगित भएको चौथो खेल हो ।

मंगलबार पोखरा र काठमाडौंबीचको खेल निर्धारित समय अनुसार १२ : १५ मा हुनुपर्ने थियो । तर भिजेको आउटफिल्डको कारण टस पनि हुन सकेको थिएन । त्यसमा सामान्य वर्षा थपिएपछि आउटफिल्ड र पिच त्रिपालले ढाकिएको थियो । अम्पायर र कप्तानबीचको लामो समयको छलफलपछि स्थगित गर्ने निर्णय लिएका हुन् । भिजेको आउटफिल्डको कारण खेलाडीले अभ्यासनै गर्न सकेका थिएनन् ।

यसअघि सोमबार दुबै खेल स्थगित भएका थिए । सोमबार पहिलो खेलमा काठमाडौं र विराटनगरबीचको खेल भिजेको आउटफिल्डको कारण स्थगित भएको थियो । सोमबारनै भैरहवा ग्ल्याडियटर्स र चितवन टाइगर्सबीचको दोस्रो खेल वर्षाको कारण स्थगित भएको थियो । आइतबार दोस्रो खेलमा पोखरा भैरहवाबीचको खेल वर्षाको कारण स्थगित भएको थियो । भैरहवा र पोखराबीचको खेल दुबै टोलीले अंक बाँडेका थिए । सोमबार स्थगित भएका दुबै खेल नयाँ मितिमा हुने छन् ।

पहिलो खेलमा काठमाडौंले साविक विजेता ललितपुर प्याट्रियटर्सलाई ७ विकेटले पराजित गरेको थियो । दोस्रो खेलमा काठमाडौं र विराटनगरबीचको खेल भिजेको आउटफिल्डको कारण स्थगित हुन पुगेको थियो । आइतबार दोस्रो खेल पोखरा पहिलो खेलमा भैरहवा ग्ल्याडियटर्ससँग १०.१ ओभरमा ६५–७ को खराब प्रदर्शन गरेको अवस्थामा वर्षाको कारण स्थगित हुन पुगेको थियो ।

शनिबारबाट सुरु भएको इपिएलमा दुई खेलको मात्र नजिता आएको छ । शनिवार पहिलो खेलमा काठमाडौंले ललितपुरलाई ७ विकेटले पराजित गरेको थियो । आइतबार पहिलो खेलमा चितवनले विराटनगर वारियर्सलाई २ विकेटले पराजित गरेको थियो । त्यसपछि खेल हुन सकेको छैन । आइतबार पोखरा र भैरहवाबीचको खेलमा दुबै टोलीले एक एक अंक बाँडेका थिए । सोमबार दुबै खेल अर्को मितिमा गर्ने बताइएको थियो ।