काठमाडौं (हाम्रो खेलकुद) – नेपाली क्रिकेट टोली तथा विराटनगरका अनुभवी स्पिनर वसन्त रेग्मी चौथो संस्करणको एभरेष्ट प्रिमियर लिग (इपिएल) मा भैरहवा ग्ल्याडियटर्सविरुद्ध खेलेका छन् । टियु मैदानमा टस हारेर विराटनगरले पहिला ब्याटिङ गरि रहेको छ ।

विराटनगरले बुझाएको प्लेइङ–११ मा वसन्त रेग्मी छन् । वसन्त अमेरिकाबाट केहि दिनअघि मात्र नेपाल आएका थिए । वसन्तले पहिलो खेल चितवन टाइगर्सविरुद्ध गुमाएका थिए । चैतमा अमेरिका गएका वसन्त त्यहाँ घरेलु क्रिकेट खेल्दै आएका थिए । इपिएल नखेल्ने बताएपनि अन्तिम समयमा नेपाल आएका थिए ।

विराटनगरले आजको खेलमा तीन परिवर्तन गरेको छ । चितवन टाइगर्सविरुद्ध खेलबाट विक्रम भुषाल, अनिल खरेल र रयानखान पठानलाई बेन्चमा राखेको छ । दिलशान मुनाविरा, वसन्त रेग्मी र रामनरेश गिरीलाई मौका दिएको छ । भैरहवाले आजको खेलमा एक परिवर्तन गरेको छ । स्पिनर तुलबहादुर थापाको स्थानमा कृष्ण काकीलाई मौका दिएको छ ।

विराटनगर पहिलो खेलमा चितवनसँग २ विकेटले पराजित भएको थियो । भैरहवाले पोखरा राइनोजसँग वर्षाको कारण अंक बाँडेको थियो । बुधबार भएको पहिलो खेलमा पोखरा राइनोजले ललितपुर प्याट्रियटर्सलाई ९ विकेटले पराजित गरेको थियो ।

विराटनगर प्लेइङ ११ :

करण केसी (कप्तान), आसिफ शेख (विकेटकिपर), अनिल कुमार शाह, रामनरेश गिरी, सौरभ खनाल, सुमित महर्जन, प्रतिश जि.सी, वसन्त रेग्मी, दिलशान मुनाविरा, चन्द्रपाउल हेमराज र सिकन्दर राजा

भैरहवा प्लेइङ ११ :

शरद भेषावकर (कप्तान), रोहित कुमार पौडेल, आरिफ शेख, कुशल मल्ल, अभिनाश बोहरा, प्रदीप ऐरी, उपुर थंरगा, तमिम इकबाल, धाम्मिका प्रसाद, दुर्गेश गुप्ता र कृष्ण कार्की ।