काठमाडौं(हाम्रो खेलकुद) – चौथो संस्करणको एभरेष्ट प्रिमियर लिग (इपिएल) मा विराटनगर वारियर्सले भैरहवा ग्ल्याडियटर्सविरुद्ध सुस्त सुरुवात गरेको छ । टियु मैदानमा टस हारेर ब्याटिङको निम्तो पाएको विराटनगरले सुरुवाती १० ओभरमा ४ विकेट गुमाउँदै ५४ रन बनाएको छ । विराटनगरका सिकन्दर राजा ४ रनमा अविजित छन् ।

पहिलो ओभरको चौथो बलमा धाम्मिका प्रसादले ओपनर हेमराज चन्द्रपाउललाई विकेटकिपर उपुल थरंगाबाट शून्यमा क्याच आउट भएका थिए । बायाँ हाते तीव्र गतिका बलर दुर्गेश गुप्ताले छैटौं ओभरको तेस्रो बलमा ओपनर आसिफ शेखलाई ११ रनमा बोल्ड आउट गरे । आसिफ अघि बढेर सट खेल्नेक्रममा मिस हुँदा बोल्ड हुन पुगेका थिए । आरिफ शेखको आठौं ओभरको अन्तिम बलमा ठूलो सट खेलेका अनिलकुमार शाह वैकल्पिक फिल्डर भुवन कार्कीबाट ११ रनमा क्याच आउट भए ।

आरिफ शेखको दशौं ओभरको अन्तिम बलमा दीलशान २५ रनमा अभिनाष बोहराबाट क्याच आउट भए । उनले २० बलमा २ चौका र १ छक्का प्रहार गरे ।

विराटनगरले आजको खेलमा तीन परिवर्तन गरेको छ । चितवन टाइगर्सविरुद्ध खेलबाट विक्रम भुषाल, अनिल खरेल र रयानखान पठानलाई बेन्चमा राखेको छ । दिलशान मुनाविरा, वसन्त रेग्मी र रामनरेश गिरीलाई मौका दिएको छ । भैरहवाले आजको खेलमा एक परिवर्तन गरेको छ । स्पिनर तुलबहादुर थापाको स्थानमा कृष्ण काकीलाई मौका दिएको छ ।

विराटनगर पहिलो खेलमा चितवनसँग २ विकेटले पराजित भएको थियो । भैरहवाले पोखरा राइनोजसँग वर्षाको कारण अंक बाँडेको थियो । बुधबार भएको पहिलो खेलमा पोखरा राइनोजले ललितपुर प्याट्रियटर्सलाई ९ विकेटले पराजित गरेको थियो ।

विराटनगर प्लेइङ ११ :

करण केसी (कप्तान), आसिफ शेख (विकेटकिपर), अनिल कुमार शाह, रामनरेश गिरी, सौरभ खनाल, सुमित महर्जन, प्रतिश जि.सी, वसन्त रेग्मी, दिलशान मुनाविरा, चन्द्रपाउल हेमराज र सिकन्दर राजा

भैरहवा प्लेइङ ११ :

शरद भेषावकर (कप्तान), रोहित कुमार पौडेल, आरिफ शेख, कुशल मल्ल, अभिनाश बोहरा, प्रदीप ऐरी, उपुर थंरगा, तमिम इकबाल, धाम्मिका प्रसाद, दुर्गेश गुप्ता र कृष्ण कार्की ।