काठमाडौं (हाम्रो खेलकुद) – नेपाल क्रिकेट संघ (क्यान)का सचिव अशोकनाथ प्याकुरेल र उपाअध्यक्ष राजुबाबु श्रेष्ठले पदबाट राजीनामा दिएका छन् । बुधबार प्याकुरेलले काठमाडौंमा एक कार्यक्रम गर्दै राजीनामा दिएको जनाएका छन् ।

एकदकश भन्दा लामो यात्रामा साथ दिने सबैलाई धन्यावाद दिएका छन् । आगमी दिनमा क्यान थप सफल र सक्षमको सुभकामना दिँदै राजीनामा दिएको छ । प्याकुरेलले आफूले क्यानलाई आइसिसीले निलम्बन सशर्त फुकुवा भएको दिननै राजीनामा दिने योजना समेत रहेको बताए । क्यानमा आफ्नो अभियान पूरा गर्न सफल भएको हुँदा छाडेको बताएका छन् ।

दुई वर्षअघि असोज ११ मा चन्द नेतृत्वमा अशोकनाथ प्याकुरेल सचिव पदमा निर्वाचित भएका थिए । प्याकुरेलले सचिवका प्रत्यासी विनोद कुमार मैनालीलाई २८ भोटले हराउँदै निर्वाचित भएका थिए । प्याकुरेल निर्वाचित भएको आइतबार दुईवर्ष कार्यकाल पूरा भएको थियो । उनको दुईवर्ष कार्यकाल आलोचना हुँदै आएको छ ।

क्यानका प्रवक्ता समेत रहेका प्याकुरेलले अध्यक्ष चतुरबहादुर चन्द र कोषाअध्यक्ष रोशनकुमार सिंहसँगको सम्बन्ध बिग्रिएको थियो । पछिल्लो समय कोषाध्यक्ष रोशनसँग सचिवको बोलचानै नभएको पनि अरोप लाग्दै आएको छ । कतिपय क्यानका सदस्यले प्याकुरेलले आफ्नो गुटका ब्यक्तिगका मान्छेको इसारामा नाचेको पनि आरोप लाग्दै आएको थियो ।

एड प्याडलाई जर्सी प्रायोजक, त्रिकोणात्मक सिरिजमा जोरी स्पोर्ट्सलाई १५ लाखमा विक्री र नेपाल प्रिमियर लिग (एनपिएल) भारतीय कम्पनी सेभेन थ्री स्टारलाई ठेक्का दिनेमा प्याकुरेलको बढी हात बढी रहेको आरोप पनि लागेको छ । प्रवक्ता भूमिकामा पनि प्याकुरेलको काम प्रति असन्तुष्टि रहँदै आएको थियो ।