default_image

2 years ago

September 30, 2021

शरदको छक्कासँगै भैरहवा र ललितपुरको खेल बराबर

काठमाडौं (हाम्रो खेलकुद) – कप्तान शरद भेषावकरले इनिङको अन्तिम बलमा छक्का प्रहार गरेपछि एभरेष्ट प्रिमियर लिग (इपिएल) को चौथो संस्करणमा भैरहवा ग्ल्याडियटर्स र साविक विजेता ललितपुरबीचको खेल बराबरीमा सकिएको छ । दुवै टोलीको स्कोर बराबर भएपछि खराब प्रकाशको कारण सुपर ओभर हुन नसकेपछि १-१ अंक बाँडेका छन् । जितको लागि १ सय ७८ रनको बलियो […]

49 views

0 Bookmark

काठमाडौं (हाम्रो खेलकुद) – कप्तान शरद भेषावकरले इनिङको अन्तिम बलमा छक्का प्रहार गरेपछि एभरेष्ट प्रिमियर लिग (इपिएल) को चौथो संस्करणमा भैरहवा ग्ल्याडियटर्स र साविक विजेता ललितपुरबीचको खेल बराबरीमा सकिएको छ । दुवै टोलीको स्कोर बराबर भएपछि खराब प्रकाशको कारण सुपर ओभर हुन नसकेपछि १-१ अंक बाँडेका छन् ।

जितको लागि १ सय ७८ रनको बलियो विजयी लक्ष्य पछ्याएको भैरहवाले निर्धारित २० ओभरमा ५ विकेट गुमाउँदै १ सय ७७ रन बनाएपछि खेल ड्र भएको थियो । भैरहवालाई जितको लागि अन्तिम ६ बलमा १८ रन चाहिएको थियो । ललितपुरका युवा तीव्र गतिका बलर राशिद खानले १७ रन खर्चेपछि खेल बराबरी भएको थियो ।

अन्तिम बलमा ७ रन आवश्यक पर्दा कप्तान शरदले आफूले खेलेको पहिलो बलमा नै छक्का प्रहार गरेका थिए । भैरहवाका लागि श्रीलंका पूर्व कप्तान समेत रहेका उपुल थरंगा ४४ बलमा ६ चौका र ३ छक्का सहित सर्वाधिक ६७ रनमा अविजित रहे । कप्तान शरद १ बलमा १ छक्का सहित ६ रनमा अविजित रहे ।

अन्तिम ओभरको पहिलो बलमा पवनले उत्कृष्ट फिल्डिङ गरेपछि राशिदले दुई रन खर्चेका थिए । दोस्रो बलमा पनि कुशलले दुई रन बटुले । तेस्रो बलमा कुशल मल्ल ३५ रनमा क्याच आउट भए । कुशलले १९ बलमा ३ चौका र २ छक्का प्रहार गरे । चौथो बलमा उपुलले लङअनमा छक्का प्रहार गरेपछि खेल रोमान्चक बनेको थियो । पाँचौ बलमा एक रन बटुले । अन्तिम बलमा ७ रन चाहिएको अवस्थामा कप्तान शरद भेषावकरले लङअफमा छक्का प्रहार गरेपछि खेल ड्र भएको थियो । शरदले सामना गरेको त्यो पहिलो बल थियो ।

तीव्र गतिका बलर राशिद खानले चौथो ओभरको दोस्रो बलमा प्रदीप ऐरी २ रनमा अमजतुल्लाह ओमरजाईबाट क्याच आउट भएका थिए । युवा बाँया हाते तीव्र गतिका बलर रिजन ढकालले पाँचौं ओभरको चौथो बलमा ओपनर तमिम इकबाललाई कप्तान कुशल भुर्तेलबाट १४ रनमा क्याच आउट गराएका थिए । ठूलो सट खेलेका तमिम लङअफमा समातिन पुगेका थिए । तमिमले १६ बलमा ३ चौका प्रहार गरे ।

राशिदले छैटौं ओभरको पहिलो बलमा रोहित कुमार पौडेलालाई २ रनमा रिजनबाट क्याच गराउँदा भैरहवा २९–३ को कमजोर अवस्थामा पुगेको थियो । चौथो विकेटका लागि उपुल थरंगा र आरिफ शेखले ८४ रनको उत्कृष्ट साझेदारी गर्दै भैरहवालाई जितको आशा कायम राखेका थिए । रिजनको १५ औं ओभरको अन्तिम बलमा आरिफ २८ रनमा ललितनारायण राजवंशीबाट क्याच आउट भए । त्यसअघिको रिजनकै ओभरमा डिप मिडविकेटमा ललितलेनै २७ रनमा क्याच ड्रप गरेका थिए । आरिफले २८ बलमा २ चौका र १ छक्का प्रहार गरे ।

ललितपुरका रिजन ढकालले ४ ओभरमा १७ रन खर्चेर २ विकेट लिए । राशिद खानले ४ ओभरमा ३४ रन खर्चेर ३ विकेट लिए ।

त्यसअघि टियु मैदानमा टस हारेर ब्याटिङको निम्तो पाएको ललितपुरले निर्धारित २० ओभरमा ७ विकेट गुमाउँदै १ सय ७७ रन बनाएको थियो । ललितपुरका सान्दुन विराक्कोडीले ४१ बलमा २ चौका र ५ छक्का सहित सर्वाधिक ५८ रनको योगदान दिए । विराक्कोडीले ३५ बलमा अर्धशतक प्रहार गरेका थिए । सन्दीप जोरा २५ बलमा २ चौका र २ छक्का सहित ३८ रनमा रन आउट भए । ललितपुरका आजमतुल्लाह ओमरजाई २२ बलमा २ चौका र ४ छक्का सहित ४२ रनमा क्याच आउट भए ।

दोस्रो ओभरको तेस्रो बलमा कप्तान तथा ओपनर कुशल भुर्तेल २ रनमा रन आउट हुन पुगे । कुशल यसअघिका दुई खेलमा पनि सस्तैमा आउट भएका थिए । कुशल काठमाडौंसँग खेलमा गोल्डेन डक र पोखरा राइनोजसँग ३ रनमा आउट भए । दोस्रो विकेटका लागि दुई श्रीलंका ब्याटर फर्नान्डो र विराक्कोडीले ६६ रनको साझेदारी गर्दै ललितपुरको इनिङ अघि बढाएका थिए ।

१७ औं ओभरको अन्तिम बलमा थर्डबाट रोहितले डाइरेक्ट थ्रोमा सन्दीपलाई रन आउट गराएका थिए । पवन सरार्फ १ रनमा बोल्ड आउट भए । योगेन्द्रसिंह कार्की ७ रनमा आउट भए । भैरहवाका अभिनाष बोहराले ४ ओभरमा ४७ रन खर्चेर २ विकेट लिए । कृष्ण कार्की, धाम्मिका प्रसाद, अभिनाष बोहरा र आरिफ शेखले १–१ विकेट लिए ।

पहिलो खेलमा भैरहवाले पोखरासँग वर्षाको कारण अंक बाँडेको थियो । दोस्रो खेलमा भैरहवाले विराटनगरलाई ६ विकेटले पराजित गरेको थियो । ललितपुर पहिलो खेलमा ७ विकेट र दोस्रो खेलमा पोखरासँग ९ विकेटले पराजित भएको हो । शुक्रबार ललितपुरले विराटनगरसँग खेल्ने छ । भैरहवाले शनिवार काठमाडौं किंग्स इलेभेनसँग खेल्ने छ ।

March 28, 2024

सिइसी र धनगढी विजयी

सुमन अधिकारी,बुटवल नेपालका पूर्व अन्तराष्ट्रिय क्रिकेट खेलाडी शक्ति प्रसाद गौचनले बुबाको नामबाट आयोजना रुपन्देहीमा जारी छैंटौं खड्ग प्रसाद गौचन मेमोरियल यु—१९ क्रिकेट प्रतियोगिता–२०८० मा बिहीबार समुह बिका २ खेल सम्पन्न भएका छन् । जसमा पल्सर क्रिकेट एक्सलेन्स सेन्टर (सिइसी) , काठमाण्डौ र धनगढी क्रिकेट क्लब विजयी भएका छन् । पहिलो खेलमा पल्सर सिइसी काठमाण्डौले सेन्टर […]

March 28, 2024

नेपाल ‘ए’ सिरिजको खेल तालिका परिवर्तन

काठमाडौं (हाम्रो खेलकुद) – नेपाल क्रिकेट संघ (क्यान) ले वर्षाका कारण विहीबार हुने भनिएको टि२० खेल रद्द भएपछि आयरल्यान्ड वल्भ्सविरुद्ध सिरिजको खेल तालिका परिवर्तन गरेको छ । लगातार वर्षाका कारण मैदान भिजेपछि टियु अन्तर्राष्ट्रिय क्रिकेट मैदानमा पहिलो खेल रद्द भएको थियो । क्यानले खेल तालिका परिवर्तन गर्दै शुक्रबारदेखि टि२० सिरिज सुरु हुने बताएको छ । […]

March 28, 2024

नेपाल ‘ए’ र आयरल्यान्ड वल्भस बीचको पहिलो खेल रद्द

काठमाडौं (हाम्रो खेलकुद) – टियु क्रिकेट मैदानमा पाहुना टोली आयरल्यान्ड वल्भस र नेपाल ‘ए’ बीच आजदेखि सुरु हुन लागेको तीन खेलको टि-२० शृंखला अन्तर्गतको पहिलो खेल रद्द भएको छ । नेपाल क्रिकेट संघ (क्यान) ले वर्षाका कारण मैदान भिजेको हुनाले खेल रद्द भएको जानकारी दिएको छ । आइरिश टोलीले नेपाल ‘ए’ विरुद्ध ३ टि-२० र […]

Success

Thank you for your time.