काठमाडौं (हाम्रो खेलकुद) – एभरेष्ट प्रिमियर लिग (इपिएल) को चौथो संस्करणमा चितवन टाइगर्सका कप्तान सोमपाल कामी र ललितपुर प्याट्रियटर्सका कप्तान कुशल भुर्तेललाई जरिवना लागेको छ ।

कुशललाई शुक्रबार सम्पन्न पहिलो खेलमा विराटनगर वारियर्सविरुद्ध स्वलो ओभर रेटको कारण १० प्रतिशत म्याच फि जरिवना लागेको छ । कुशल बाहेक प्लेइङ–११ का अन्य १० खेलाडीलाई २ प्रतिशत म्याच फि जरिजवना लाग्ने छ । सोमपाल कामीलाई भने २५ प्रतिशत म्याच फि जरिवना लागेको छ । बिहीबार सोमपालले काठमाडौं किंग्स इलेभेनविरुद्ध अम्पायरको निर्णयमा असमति जनाउँदै आक्रोश ब्यक्त गरेका थिए । जसको कारण म्याच फिको २५ प्रतिशत रकम काटिनुको साथंै एक डेमिरेट अंक पाएका छन् ।

चितवनले काठमाडौंलाई ३ विकेटले पराजित गरेको थियो । जितको लागि १ सय ४२ रनको विजयी लक्ष्य पछ्याउनेक्रममा सोमपाल जितेन्द्र मुखिया १४ औं ओभरको अन्तिम बलमा शून्यमा एलबीडब्लू आउट भएका थिए । सोमपालले आफू एलबीडब्लू आउट नभएको भन्दै अम्पायरको निर्णयमा असन्तुष्ट जनाउँदै आक्रोश ब्यक्त गरेका थिए । जसको कारण कारबाहीमा परेका हुन् ।

शुक्रबार पहिलो खेलमा ललितपुरले विराटनरलाई ३७ रनले पराजित गर्यो । टियुमा टस हारेर ब्याटिङ निम्तो पाएको ललितपुरले निर्धारित २० ओभरमा ५ विकेट गुमाउँदै २ सय २६ रन बनाएको थियो । ललितपुरका सान्दुन विराक्कोडीले ७३, कुशल भुर्तेल ३२ र आजमतुल्लाह ओमरजाई ५८ रन बनाएका थिए । उक्त विजयी लक्ष्य पछ्याएको विराटनगरले निर्धारित २० निर्धारित २० ओभरमा ८ विकेट गुमाउँदै १ सय ८९ रन बनाएको थियो ।

स्वलो ओभर रेटका कारण कारबाहीमा पर्ने कुशल यस सिजनको इपिएलका दोस्रो कप्तान हुन् । बिहीबार काठमाडौंका कप्तान सन्दीप लामिछाने चितवन टाइगर्सविरुद्ध एक ओभर स्वलो ओभर रेटका कारण १० प्रतिशत म्याच फि जरिवना लागेको थियो । अन्य खेलाडीलाई २ प्रतिशत जरिवना लागेको थियो । काठमाडौंले शनिवार भैरहवा ग्ल्याडियर्ससँग खेल्ने छ । चितवनले आइतबार ललितपुरसँग खेल्ने छ । चितवन लगातार तीन जितसँगै प्लेअफमा पुगि सकेकोछ ।

विराटनगरविरुद्ध खेलेका ललितपुरको प्लेइङ ११ :

कुशल भुर्तेल (कप्तान) सन्दीप जोरा, राशिद खान, पवन सरार्फ, योगेन्द्रसिंह कार्की, रिजन ढकाल, ललितनारायण राजवंशी, नारायण जोशी, सन्दुन वीराक्कोडी, जयकिशन कोल्सावाला, अजमतुल्लाह ओमरजाई ।