काठमाडौं (हाम्रो खेलकुद) – एभरेष्ट प्रिमियर लिग (इपिएल) चौथो संस्करणको १४ औं खेलमा पोखरा राइनोजले विराटनगर वारियर्सविरुद्ध पहिला बलिङ गर्ने भएको छ । टियु मैदानमा पोखरा कप्तान विनोद भण्डारीले टस जितेर पहिला फिल्डिङ गर्ने निर्णय लिएको छ ।

विराटनगरले टोलीमा दुई परिवर्तन गरेको छ । तीव्र गतिका बलर रामनरेश गिरीको स्थानमा सन्दीप रजालीले मौका पाएका छन् । सुमित महर्जनको स्थानमा हरि बहादुर चौहानले मौका पाएका छन् । पोखराले दुई परिवर्तन गरेको छ । वेस्टइन्डिजका तीव्र गतिका बलर केज्रिक विलियम्स र सुनिल धमलालाई बेन्चमा राखेको छ । विपिन खत्री र साहन अर्चाचिगेलाई विराटनगरविरुद्ध टोलीमा मौका दिएको छ ।

विराटनगर पहिलो खेलमा चितवन टाइगर्ससँग २ विकेट र भैरहवा ग्ल्याडियटर्ससँग ६ विकेटले पराजित भएको थियो । तेस्रो खेलमा विराटनगर ललितपुरसँग ३७ रनले पराजित भएको थियो । पोखराले पहिलो खेल भैहरवासँग वर्षाको कारण अंक बाँडेको थियो । दोस्रो खेलमा पोखराले ललितपुरलाई ९ विकेटले पराजित गरेको थियो । तेस्रो खेलमा चितवनसँग भने ९ विकेटले पराजित भएको थियो ।

पोखरालाई प्लेअफको सम्भावना बलियो बनाउन आजको खेल जित्नै पर्ने सम्भावना छ । विराटनगरको अघिल्लो चरणको सम्भावना लगभग सकि सकेको छ ।

विराटनगर प्लेइङ ११ :

करण केसी (कप्तान) आसिफ शेख (विकेटकिपर), अनिल कुमार शाह, रामनरेश गिरी, सौरभ खनाल, हरि बहादुर चौहान, प्रतिश जि.सी, वसन्त रेग्मी, दिलशान मुनाविरा, चन्द्रपाउल हेमराज र सिकन्दर राजा ।

पोखरा प्लेइङ ११ :

विनोद भण्डारी (कप्तान), सुशान भारी, विक्रम सोब, विपिन खत्री, लोकेश बम, रित गौतम, विवेक कुमार यादव, नन्दन यादव, रिचार्ड लेभी, साहन अर्चाचिगे र असेला गुणरत्ने ।