3 years ago
October 2, 2021
एजेन्सी – युवा ब्याटर यशस्वी जैसवाल र शिवम दुबेको उत्कृष्ट ब्याटिङमा राजस्थान रोयल्सले इन्डियन प्रिमियर लिग (आइपिएल) मा चेन्नई सुपर किंग्समाथि सानदार जित हात पारेको छ । शनिबार राती चेन्नईलाई ७ विकेटले पराजित गर्दै राजस्थानले प्लेअफको सम्भावना कायमै राखेको छ । जितको लागि १ सय ९० रनको बलियो विजयी लक्ष्य पछ्याएको राजस्थानले १७.३ ओभरमा ३ […]
एजेन्सी – युवा ब्याटर यशस्वी जैसवाल र शिवम दुबेको उत्कृष्ट ब्याटिङमा राजस्थान रोयल्सले इन्डियन प्रिमियर लिग (आइपिएल) मा चेन्नई सुपर किंग्समाथि सानदार जित हात पारेको छ । शनिबार राती चेन्नईलाई ७ विकेटले पराजित गर्दै राजस्थानले प्लेअफको सम्भावना कायमै राखेको छ ।
जितको लागि १ सय ९० रनको बलियो विजयी लक्ष्य पछ्याएको राजस्थानले १७.३ ओभरमा ३ विकेट गुमाउँदै पूरा गर्यो । राजस्थानको जितमा शिवम दुबे ४२ बलमा ४ चौका र ४ छक्का सहित सर्वाधिक ६४ रनमा अविजित रहे । आइपिएलमा डेब्यू खेल खेलेका ग्लेन फिलिप्स ८ बलमा १ चौका र १ छक्का सहित १४ रनमा अविजित रहे ।
जैसवाल २१ बलमा ६ चौका र ३ छक्का सहित ५० क्याच आउट भए । जैसवालले पाँचौं ओभरको पाँचौं बलमा जोश हेजलवुडलाई लङअफमा छक्का प्रहार गर्दै १९ बलमै अर्धशतक पूरा गरेका थिए । ओपनर जैसवाल र एविन लेविसले ५.२ ओभरमा ७७ रन जोड्दै विष्फोटक सुरुवात दिलाएका थिए । लेविस १२ बलमा २ चौका र २ छक्का सहित २७ रनमा क्याच आउट भए ।
पावर प्लेमा राजस्थानले बनाएको यो हालसम्मकै उच्च रन हो । तेस्रो विकेटका लागि दुबे र स्यामसनले ८९ रनको साझेदारी गर्दै सानदार जित पक्का गराए । स्यामसन २४ बलमा ४ चौका सहित २८ रनमा क्याच आउट भए । चेन्नईका शार्दूल ठाकुरले २ विकेट लिए ।
त्यसअघि आबूधाबीमा टस हारेर ब्याटिङको निम्तो पाएको चेन्नईले निर्धारित २० ओभरमा ४ विकेट गुमाउँदै १ सय ८९ रन बनाएको थियो । चेन्नईका ओपनर ऋतुराज गायकवाड ६० बलमा ९ चौका र ५ छक्का सहित १ सय १ रनमा अविजित इनिङ खेलेपनि जिताउन सकेनन् । ऋतुराजको यो आइपिएलको पहिलो शतक हो ।
शतकको लागि अन्तिम बलमा पाँच रन चाहिँएको अवस्थामा डिप मिडविकेटमा मुश्ताफिजुर रहमानलाई छक्का प्रहार गर्दै शतक पूरा गरेका थिए । फाफ डु प्लेसिस १९ बलमा २ चौका र १ छक्का सहित २५ रनमा क्याच आउट भए । मोईन अली २१ रनमा आउट भए । रविन्द्र जडेजा १५ बलमा ४ चौका र १ छक्का सहित ३२ रनमा आउट भएका थिए । राजस्थानका राहुल टेवाटियाले सर्वाधिक ३ विकेट लिए ।
यो जितसँगै राजस्थानले शीर्षचारमा रहँदै प्लेअफ खेल्ने सम्भावना कायमै राखेको छ । राजस्थानले बाँकी दुबै खेलमा जित निकाल्न सके नेटरनरेटको आधारमा अन्तिम चारमा रहँदै प्लेअफ खेल्न सक्ने समिकरण छ । राजस्थानले मंगलबार मुम्बई र बिहीबार कोलकातासँग खेल्ने छ । कोलकाता र मुम्बई पनि गर वा मरको अवस्थामा छन् । चेन्नई शीर्षस्थानमा रहँदै प्लेअफमा पुगि सकेको छ ।
अंक तालिका
चेन्नई सुपर किंग्स १२ खेलमा ९ जित र ३ मा हार सहित १८ अंकका साथ शीर्षस्थानमा छ । दिल्ली क्यापिटल्स १२ खेलमा ९ मा जित र ३ मा हार सहित १८ अंकका साथ दोस्रो स्थानमा छ ।
रोयल च्यालेन्जर्स बेंगलोर ११ खेलमा ७ मा जित र ४ मा हार सहित १४ अंकका साथ तेस्रो स्थानमा छ । कोलकाता १२ खेलमा ५ जित र ७ मा हार सहित १० अंकका साथ चौथो स्थानमा छ ।
पन्जाब १२ खेलमा ५ मा जित र ७ मा हार सहित १० अंकका साथ पाँचौं स्थानमा छ । राजस्थान रोयल्स १२ खेलमा ५ मा जित र ७ मा हार सहित १० अंकका छैटौं स्थानमा उक्लिएको छ । मुम्बई १२ खेलमा ५ मा जित र ७ मा हार सहित सातौ स्थानमा छ । सनराइजर्स हैदराबाद ११ खेलमा ९ मा हार र २ मा जित सहित ४ अंकका साथ पुछारमा छ । हैदराबादको अघिल्लो चरणको सम्भावना सकिएको छ ।
April 19, 2024
मस्कट (हाम्रो खेलकुद) – साविक विजेता नेपाललाई पराजित गर्दै यूएई एसीसी मेन्स प्रिमियर कप २०२४ को फाइनलमा प्रवेश गरेको छ । अल अमेरतस्थित ओमान क्रिकेट एकेडेमीको मैदानमा नेपाललाई ६ विकेटले पराजित गर्दै यूएईले उपाधि भिडन्तमा स्थान पक्का गरेको हो । नेपालले प्रस्तुत गरेको १ सय २० रनको सामान्य लक्ष्य यूएईले ओभरमा ४ विकेटको क्षतिमा १८ […]
April 19, 2024
काठमाडौं (हाम्रो खेलकुद) – वीर गणेशमान सिंह राष्ट्रिय टी-ट्वान्टी च्याम्पिनसिपमा बागमती प्रदेशले दोस्रो जित निकालेको छ। आज भएको खेलमा कोशी प्रदेशलाई ७ रनको झिनो अन्तरमा हराउँदै बागमतीले ४ अंक बनाएको छ। माथिल्लो मुलपानी मैदानमा जितको लागि १ सय ३९ रनको सामान्य लक्ष्य पछ्याएको कोशी प्रदेश २० ओभरमा अल आउट हुँदै १ सय ३१ रनमा समेटियो। […]
April 19, 2024
मस्कट (हाम्रो खेलकुद) – एसीसी मेन्स प्रिमियर कप २०२४ अन्तर्गत नेपालले पहिलो सेमिफाइनलमा यूएईलाई १ सय २० रनको सामान्य लक्ष्य दिएको छ । अल अमेरतस्थित ओमान क्रिकेट एकेडेमीको मैदानमा नेपालले टस हारेपछि ब्याटिङको निम्तो पाएको थियो । शीर्षक्रमले संघर्ष गर्दा नेपालले तल्लोक्रमका ब्याटरको सहयोगमा २० ओभरमा ९ विकेट गुमाएर १ सय १९ रन जोड्यो । […]