काठमाडौं (हाम्रो खेलकुद) – नेपाली क्रिकेट टोलीका तीव्र गतिका बलर तथा चितवन टाइगर्सका कप्तान सोमपाल कामीले एभरेष्ट प्रिमियर लिग (इपिलए) चौथो संस्करणका आफ्नो लिगको अन्तिम खेलमा भैरहवा ग्ल्याडियटर्सविरुद्ध नखेल्ने भएका छन् ।

टियु मैदानमा जारी खेलमा भैरहवाविरुद्ध टस जितेर पहिला ब्याटिङ रोजेको चितवनले सुरुवाती ६ ओभरमा १ विकेट गुमाउँदै ४६ रन बनाएको छ । चितवनका ओपनर मोहम्मद शाहजाद २४ र करिम जन्नत १५ रनमा अविजित छन् । तीव्र गतिका बलर धाम्मिका प्रसादको तेस्रो ओभरको दोस्रो बलमा ओपनर खडक बहादुर बोहरा शून्यमा बोल्ड आउट भएका थिए ।

चिवतको कप्तानी दीलिप नाथले गरेका छन् । नियमित कप्तान सोमपाल कामीलाई विश्राम दिएको छ । चितवनले आजको खेलमा टोलीमा तीन परिवर्तन गरेको छ । कप्तान सोमपाल कामी, विरनदीप सिंह र साहब आलमलाई चितवनले विश्राम दिएको छ । तीव्र गतिका बलर गौतम केसी र युवा ब्याटर देव खनालले इपिएलमा डेब्यू गरेका छन् । गत माघमा भएको प्रधानमन्त्री कप एकदिवसिय क्रिकेट प्रतियोगितामा देव र गौतमले राम्रो प्रभाव छाडेका थिए ।

मलेसियाली ब्याटर विरनदीपसिंहको स्थानमा श्रीलंका शेकुगे प्रसन्नालाई मौका दिएको छ । भैरहवाले टोलीमा कुनै परिवर्तन गरेको छैन । युवा ब्याटर रोहित कुमार पौडेललाई उपकप्तानको जिम्मेवारी दिएको छ ।

चितवनको प्लेइङ ११ :
दीलिप नाथ (कप्तान), मोहम्मद शाहजाद, खडक बोहरा, सागर ढकाल, कमलसिंह ऐरी, भीम सार्की, शेकुगे प्रसन्ना, करिम जन्नत, देव खनाल, राजेश पुलामी मगर र गौतम केसी ।

भैरहवा प्लेइङ ११ :

शरद भेषावकर (कप्तान), रोहित कुमार पौडेल (उपकप्तान), आरिफ शेख, कुशल मल्ल, अभिनाश बोहरा, प्रदीप ऐरी, उपुर थंरगा, तमिम इकबाल, धाम्मिका प्रसाद, दुर्गेश गुप्ता र कृष्ण कार्की ।