काठमाडौं (हाम्रो खेलकुद) – एभरेष्ट प्रिमियर लिग (इपिएल) चौथो संस्करणको लिगको अन्तिम तथा निर्णायक काठमाडौं किंग्स इलेभेन र भैरहवा ग्ल्याडियटर्सबीचको खेल नहुने सम्भावना उच्चछ ।

खेल निर्धारित समय अनुसार ९ : ३० मा सुरु हुनेपर्ने थियो । तर सोमबार भारी वर्षाको कारण भिजेको आउटफिल्ड खेल हुने सम्भावना निकै कम छ । मैदानका कर्माचारी पानी सुकाउन निरन्तर खटि रहेका छन् । तर मैदानको अवस्था हेर्दा खेल हुने सम्भावना निकै कम देखिन्छ ।

खेल भएमा पनि ६ ओभरको मात्र सम्भव देखिन्छ । तालिका अनुसार काठमाडौं र भैरहवाबीचको खेल शनिबार हुनेतय थियो । तर शनिबार भिजेको आउटफिल्डको कारण खेल स्थगित हुन पुगेको थियो । भैरहवा र काठमाडौंबीचको कटअफ टाइम १२ : ५५ रहेको छ । उक्त समय सम्म खेल हुन नसके रद्ध हुनेछ । यस खेल एक पटक स्थगित भई सकेको हुँदा इपिएल नियम अनुसार अंक बाँडिने छ । रद्ध हुँदा दुबै टोलीले १-१ अंक बाँड्नेछन् ।

यस खेल रद्ध भएमा ललितपुर प्याट्रियट्र्सको प्लेअफको सम्भावना समाप्त हुनेछ । काठमाडौं आजको खेलमा पराजित भएमा ललितपुर प्लेअफ पुग्ने समिकरण छ । विजयी भए वा अंक बाँडेमा काठमाडौं प्लेअफमा पुग्नेछ । खेल रद्ध हुँदा काठमाडौं र ललितपुरको समान ३–३ अंक हुनेछ । तर नेटरनरेटको कारण काठमाडौं प्लेअफमा पुग्नेछ । खेलरद्ध भएमा भैरहवा शीर्ष दुईमा रहँदै क्वालिफायर खेल्नेछ । भैरहवा पराजित भए क्वालिफायरमा चितवन र पोखरा राइनोजबीच प्रतिस्पर्धा गर्ने समिकरण छ ।

पोखरा ५ खेलमा ३ मा जित र १ मा हारसहित ७ अंक सहित दोस्रो स्थानमा छ । चितवन ५ खेलमा ४ मा जित र १ मा हार सहित शीर्षस्थानमा छ । भैरहवा ४ खेलमा २ मा जित सहित ६ अंकका साथ तेस्रो स्थानमा छ । भैरहवाले पोखरासँग वर्षाको कारण अंक बाँडेको थियो । ललितपुरसँग टाई हुँदा अंक बाँडेको थियो । भैरहवा लिगमा अपराजित एक्लो टोली हो ।

ललितपुर ५ खेलमा ३ मा हार र १ मा जित सहित ३ अंकका साथ चौथो स्थानमा छ । काठमाडौंको ४ खेलमा १ मा जित र ३ मा हार सहित ३ अंक जोड्दै पाँचौं स्थानमा छ । ललितपुर ५ खेलमा ३ मा हार र १ मा जित सहित ३ अंकका साथ पुछारमा छ ।