एजेन्सी – जुनसुकै खेल वा प्रतियोगिता होस् । धेरै थोरै जितको खुसी र महत्व हुन्छ । प्रतियोगिता वा खेलमा त्यसको महत्व र खुसी निर्भर पर्छ । तर जितको खुसी मनाई सकेको र सेलेब्रेसन गरि सकेको खेल केहि समयपछि नजितेको थाहा भएपछिको अवस्था कस्तो होला । यस्तै घटना आइसिसी टि२० विश्वकप अमेरिका क्षेत्र छनोटमा अमेरिका र क्यानडाबीचको खेलमा भएको छ ।

क्यानडाले अमेरिकालाई हराउँदै जितको खुसी मनाइरहँदा केहि समयमै नाटकीय रुपमा खेल टाई भएको थियो । बुधबार सम्पन्न खेलमा अमेरिकाले क्यानडालाई सुपर ओभरले हराउँदै अनौपचारिक रुपमा २०२२ मा हुने टि२० ग्लोबल छनोटमा पक्का बनाएको छ ।
१ सय ४३ रनको विजयी लक्ष्य पछ्याएको अमेरिकाले निर्धारित २० ओभरमा ८ विकेट गुमाउँदै १ सय ४२ रन बनाएपछि खेल सुपर ओभर भएको थियो ।

अमेरिकालाई जितको लागि अन्तिम बलमा तीन रन चाहिँएको थियो । क्यानडा जतिन्द्रपाल मथारुको बल अली खानले छुन नसकेपछि लेगवाईको रुपमा एक रन दिए । जुन रन जित्नको लागि पर्याप्त थिएन । त्यसैले क्यानडाका खेलाडी एक रनले खेल जितेको भन्दै मैदानमा सेलेब्रेसन गर्न र खुसी साट्न थालेका थिए । विकेटकिपर हम्जा तारिकले रस्टी थेरोनालाई रन आउट गरेको भन्दै बल पिचमा छाडेर जितको खुसी मनाउनतर्फ गए ।

उता अली खान पराजय सम्झेर निराश हुँदै ड्रेसिङ तर्फ जान लागेका थिए । तर रस्टी थोरेनले खानलाई नजिकै पुगेर दोस्रो रनको लागि आग्रह गरे । दुई रन पूरा पनि भयो । त्यो समय सम्म क्यानडाका खेलाडी जितको खुसी मनाइरहेका थिए । त्यसपछि क्यानडा खेलमा पिचमा फर्किए । अम्पायरले दुई रनको मान्यता पनि दिए । क्यानडा खेलाडीले निराश हुँदै अम्पायरको निर्णयमा असहमति जनाएका पनि थिए । अमेरिका र क्यानडाबीचको विजेता ग्लोबल छनोटमा पुग्ने समीकरण जस्तो हुँदा धेरै महत्व थियो ।

थेरोन रन आउट थिएनन् । जितको खुसी मनाउनतर्फ लागेको क्यानडा खेलाडीको फाइदा उठाउँदै दुई रन जोडेर सुपर ओभर गराएका थिए । सुपर ओभरमा अमेरिकाले २२ रन बनाएको थियो । क्यानडाले १४ रन मात्र बनाउन सक्यो । योसँगै अमेरिकाले आगमी २०२२ मा हुने टि२० विश्वकप ग्लोबल छनोट खेल्ने निश्चित जस्तै भएको छ । ग्लोबल छनोटमा नेपाल सहित १६ देशले प्रतिस्पर्धा गर्नेछन् । समूह ए र बी का शीर्ष दुई दुई टोलीले २०२२ मा अष्ट्रेलियामा हुने टि२० विश्वकप खेल्न पाउनेछन् ।

क्यानडाको जितपछि हारमा परिणत भएको यो पछिल्लो समय दोस्रो पटक हो । यसअघि २०१८ मा डिभिजन २ को निर्णायक खेलमा क्यानडा नेपालसँग १ विकेटले पराजित हुँदै एकदिवसिय विश्वकप ग्लोबलमा पुग्नबाट बञ्चित भएको छ । जितको लागि १ सय ९५ रनको विजयी लक्ष्य पछ्याएको नेपाल ४२.१ ओभरमा १४४–९ को अवस्थामा पुग्दा क्यानडा खेलाडीले बाउन्ड्री बाहिर खुसी मनाएका थिए । तर करण केसीले अविजित ४२ रन जोडेपछि क्यानडा सम्पूर्ण खुसी निराशमा बदलिएको थियो ।

📺 WATCH: One of the most dramatic finishes in the history of cricket as USA and Canada played out a match for the ages that went to a Super Over where #TeamUSA🇺🇸 prevailed

👀The final over highlights are a MUST WATCH⬇️#CANvUSA🇨🇦🇺🇸 #WeAreUSACricket🇺🇸 pic.twitter.com/UBqBNTtS7x

— USA Cricket (@usacricket) November 11, 2021

यो पनि पढ्नुहोस् : करणको त्यो इनिङ…