default_image

9 months ago

September 11, 2023

भारत विशाल योगफलतर्फ अघि बढ्दै

1987 views

0 Bookmark

एजेन्सी – विराट कोहली र लोकेश राहुलको साझेदारी जमेपछि भारत एसिया कपको सुपर फोर खेलमा पाकिस्तानविरुद्ध विशाल योगफलतर्फ अघि बढेको छ । श्रीलंकाकाको कोलोम्बोमा आइतबार टस हारेर पहिला ब्याटिङको निम्तो पाएको भारतले ३४ ओभरमा २ विकेट गुमाउँदै २ सय ११ रन बनाएको छ ।

भारतका विराट कोहली ४२ बलमा ३ चौकासहित ३८ रनमा क्रिजमा छन् । लोकेश राहुल ६१ बलमा ५ चौका र १ छक्कासहित ५१ रनमा क्रिजमा छन् । तेस्रो विकेटका लागि कोहली र राहुलबीचको साझेदारी ९७ बलमा ८८ रन भई सकेको छ ।
पाकिस्तानका तीव्र गतिका बलर हरिस रौफले आज बलिङ गर्ने छैनन् ।

पेटको साइडको मांशपेशीमा दुखाईपछि उनी आज मैदान उत्रे छैनन् । त्यसैले गर्दा पाकिस्तानको बलिङ केहि कमजोर बनेको छ । आइतबार वर्षाको कारण भारतले २४.१ ओभरमा २ विकेट गुमाउँदै १ सय ४७ रन बनाएको अवस्थामा खेल स्थगित भएको थियो । पहिलो दिन कोहली ८ र राहुल १७ रनमा नटआउट थिए ।

भारतलाई पहिलो दिननै ओपनर रोहित शर्मा र शुभमन गिलले पहिलो विकेटका लागि १६.४ ओभरमा १ सय २१ रनको शानदार शतकीय साझेदारी गरेका थिए । रोहित शादब खानको बलमा फहिम अशरफबाट क्याच आउट भएका थिए ।

रोहित शर्मा ४९ बलमा ६ चौका र ४ छक्कासहित ५६ रनमा आउट भए । युवा ब्याटर शुभमन गिल ५२ बलमा १० चौकासहित ५८ रनमा क्याच आउट भएका थिए । गिल शाहिन शाह अफ्रिदीको बलमा एक्स्ट्रा कभरमा अघा सलमानबाट क्याच आउट भए ।

समूह चरणमा भारत र पाकिस्तानबीचको खेल पनि बर्षाकै कारण रद्द भएको थियो । भारत पाकिस्तानसँग उक्त खेलमा २ सय ६६ रनमा अल आउट भएको थियो । सुपर फोरमा भारतको यो पहिलो खेल हो । पाकिस्तानले भने सुपर फोरमा बंगलादेशलाई ७ विकेटले हराएको थियो ।

June 15, 2024

नेपाल पहिलो पटक दक्षिण अफ्रिकाको सामना गर्दै

किङ्स टाउन/सेन्ट भिन्सेन्ट (हाम्रो खेलकुद) – आइसिसी टि ट्वान्टी विश्वकपको समूह चरणको आफ्ना तेस्रो खेलमा नेपालले दक्षिण अफ्रिकाको सामना गर्दैछ । खेल स्थानीय समय अनुसार आज साँझ ७ः३० बजे (नेपाली समय अनुसार शनिबार बिहान ५ः१५ बजे) आर्नस भेल स्टेडियममा सुरु हुनेछ । दुई फरक परिस्थितिका साथ नेपालले सिनियर क्रिकेटमा पहिलो पटक दक्षिण अफ्रिकाको सामना गर्दैछ […]

June 14, 2024

अमेरिका विश्वकपको सुपर एटमा, पाकिस्तान बाहिरियो

एजेन्सी – अमेरिका आइसिसी टि-२० विश्वकपको सुपर एटमा प्रवेश गरेको छ । आफ्नो पहिलो सहभागितामा नै आयोजक अमेरिका समूह ए बाट भारत सँगै दोस्रो चरणमा प्रवेश गर्न सफल भएको हो । अमेरिका र आयरल्यान्ड बीच फ्लोरिडामा हुनुपर्ने खेल वर्षाका कारण रद्द भएपछि अमेरिका दोस्रो चरणमा प्रवेश गर्ने पक्का भएको हो । उता दुवै टोलीले अंक […]

June 14, 2024

सुटिङकी सुष्मिताले पेरिस ओलम्पिक खेल्ने

काठमाडौं (हाम्रो खेलकुद)– सुटिङ खेलाडी सुष्मिता नेपालले पेरिस ओलम्पिक २०२४ मा भाग लिने निश्चित भएको छ । नेपाल ओलम्पिक कमिटी (एनओसी) का अनुसार पेरिस ओलम्पिकका लागि सुष्मिताको वाल्र्ड कार्डमार्फत खेल्ने भएकी हुन् । छनोट चरण पार गर्न नसक्ने देशका खेलाडीका लागि वाल्र्ड कार्डमार्फत सहभागी गराइन्छ । योसँगै यसपटक पेरिस ओलम्पिकमा भाग लिने नेपाली खेलाडीको संख्या […]

Success

Thank you for your time.