default_image

1 month ago

March 6, 2024

गण्डकीका ओलम्पियनहरुलाई मासिक भत्ता प्रदान

पोखरा (हाम्रो खेलकुद)– गण्डकी प्रदेश सरकारले आफ्नो प्रदेशका ओलम्पियनलाई मासिक भत्ता दिन सुरु गरेको छ ।नेपाल ओलम्पियन संघले गत वर्ष पोखरामा ओलम्पियन पूर्नमिलन तथा स्पोर्टस मिट आयोजना गर्दा गण्डकीका मुख्य मन्त्री सुरेन्द्र पाण्डेले प्रदेशका ओलम्पियनलाई मासिक भत्ता उपलब्ध गराउने घोषणा गरेका थिए । सोही अनुरुप साउनबाट २०८१ को असार मसान्तसम्मको मासिक भत्ता एकमुष्ट प्रदेशले बुधबार […]

513 views

0 Bookmark

पोखरा (हाम्रो खेलकुद)– गण्डकी प्रदेश सरकारले आफ्नो प्रदेशका ओलम्पियनलाई मासिक भत्ता दिन सुरु गरेको छ ।
नेपाल ओलम्पियन संघले गत वर्ष पोखरामा ओलम्पियन पूर्नमिलन तथा स्पोर्टस मिट आयोजना गर्दा गण्डकीका मुख्य मन्त्री सुरेन्द्र पाण्डेले प्रदेशका ओलम्पियनलाई मासिक भत्ता उपलब्ध गराउने घोषणा गरेका थिए ।

सोही अनुरुप साउनबाट २०८१ को असार मसान्तसम्मको मासिक भत्ता एकमुष्ट प्रदेशले बुधबार हस्तान्तरण गरेको छ । यसरी सम्मानित हुनेहरुमा ९ जना ओलम्पियन बाग्लुङकी भगवती खत्री, गोरखाका टिकाबहादुर बोगटी, ऋषिराम प्रधान, ज्ञानबहादुर बोहोरा, तनहुँका सिताराम शाही, राजेन्द्रबहादुर भण्डारी, नारायणबहादुर गुरुङ ,नवलपुरका तिलकराम थारु युथ ओलम्पियन कास्कीकी मनिषा अधिकारी छन् ।

गुरुङ र थारुको बाहेक कार्यक्रममा सबै ओलम्पियन थिए । प्रदेशले ओलम्पियनहरुलाई मासिक ५ हजार रुपैयाँ उपलब्ध गराउने निर्णय गरेको थियो । मुख्यमन्त्री तथा मन्त्रीपरिषदको कार्यालयमा बुधबार आयोजित कार्यक्रममा ओलम्पियनहरुलाई सम्मान गर्दै मुख्यमन्त्री पाण्डेले सरकार र खेलाडीबिचको सम्बन्ध खेल खेलिरहेका बेला मात्र नभई सँधै रहिरहोस् भन्ने उद्देश्य रहेको बताए ।

‘हिजो राष्ट्रका लागि खेल्नुभएका खेलाडीहरु आज कहाँ हुनुहुन्छ, के गर्दै हुनुहुन्छ, राज्यले उहाँहरुलाई सम्झनुपर्छ भन्ने लागेर प्रदेश सरकारले यो कार्यक्रम संचालन गरेको हो’ मुख्यमन्त्री पाण्डेले भने । यो कार्यक्रमलाई आगामी वर्षहरुमा पनि निरन्तरता दिने सरकारको योजना रहेको उनले बताए ।

गण्डकी प्रदेश सरकारले खेलाडी कल्याणकारी कार्यक्रम अन्र्तगत यस वर्ष प्रदेश खेलकुद परिषद्मा सुचिकृत भएका ५ सय ९४ जना एवंम् राष्ट्रिय तथा अन्तराष्ट्रिय खेलमा सहभागी भएका १ सय जना खेलाडीको स्वास्थ्य बिमा गरेको छ ।

खेल क्षेत्रको विकास, खेलाडीको सम्मान र नयाँ पुस्तालाई खेल तर्फ आकर्षित गर्न प्रदेश सरकारले खेल मैदान स्तरोन्नती, विद्यालय, जिल्ला स्तरीय प्रतियोगिता लगायतका कार्यक्रम संचालन गर्दै आएको प्रदेश खेलकुद परिषद् गण्डकीका सदस्य सचिव श्रीधर शर्माले बताए ।

प्रदेश खेलकुद परिषद्का उपाध्यक्ष धोजकुमार गुरुङ, सामाजिक विकास मन्त्रालयका सचिव प्रकाश पौडेल, ओलम्पियन संघका अध्यक्ष दिपक विष्ट र पोखरा महानगरपालिकाका खेलकुद समितिका संयोजक दीपक गोदार लगायतको उपस्थिति थियो ।

April 20, 2024

पलेशा र कविराज तेक्वान्दोको वर्षका उत्कृष्ट

काठमाडौं (हाम्रो खेलकुद) – पेरिस पारालिम्पिकका छनोट भएकी पारा तेक्वान्दो खेलाडी पलेशा गोवद्र्धन वर्षकी उत्कृष्ट खेलाडी घोषित भएकी छन् । नेपाल तेक्वान्दो संघले आफ्नो आठौं वार्षिक साधारणसभाका अवसरमा पलेशालाई वर्षको उत्कृष्ट खेलाडी घोषित गरेका हो । पलेशका प्रशिक्षक कविराज नेगी लामा वर्षका उत्कृष्ट प्रशिक्षक घोषित भएका छन् । चितवनको सौराहमा शनिबार भएको साधारणसभामा पलेशालाई ५० […]

April 20, 2024

नेपाललाई हराउँदै हङकङ इमर्जिङ एसिया कपमा छनोट

मस्कट (हाम्रो खेलकुद) – हङकङ ओमनमा जारी एसीसी प्रिमियर कपमा तेस्रो स्थान हासिल गर्दै इमर्जिङ टिम्स एसिया कपमा छनोट भएको छ । तेस्रो स्थानको लागि शनिबार भएको खेलमा नेपाल माथि ४ विकेटको जित निकाल्दै इमर्जीङ टिम्स एसिया कपमा छनोट भएको हो । नेपालले दिएको १ सय ४० रनको लक्ष्य पछ्याएको हङकङले लक्ष्य १९.३ ओभरमा ६ […]

April 20, 2024

सागका स्वर्ण पदक विजेता श्रेष्ठद्वय अमेरिकामा सम्मानित

काठमाडौं (हाम्रो खेलकुद) – अमेरिका भ्रमणमा रहेका दक्षिण एसियाली खेलकुद (साग) का स्वर्ण पदक विजेता दीपक श्रेष्ठ र विप्लभलाल श्रेष्ठ कनेक्टिकटको वेस्ट हार्डफोर्ड नगरपालिकाबाट सम्मानित भएका छन् । हार्डफोर्डकी मेयर सारी केन्टरले आफूहरुलाई प्रोक्लामेसन पत्रबाट सम्मान गरेको दीपक श्रेष्ठले जानकारी दिएका छन् । नेपाली ग्र्याजुयट विधार्थी संघ र रचित फाउन्डेसनका अध्यक्ष रिंकु श्रेष्ठको पहलमा हार्डफोर्डले […]

Success

Thank you for your time.