सुकुटे/ सिन्धुपाल्चोक (हाम्रो खेलकुद)- राष्ट्रिय बिच भलिबल च्याम्पियनसिप आज सुरु हुँदैछ।

चौतारा सागाँ चोकगढी नगरपालिकाको‌ सुकुटे स्थित भोटेकोशी बिच रिसोर्टमा हुने च्याम्पियनसिपको पूर्व प्रधानमन्त्री एवंम् नेकपा माओवादीका अध्यक्ष पुष्पकमल दाहाल प्रचण्डले उद्घाटन गर्नेछन्।

नेपाल भलिबल संघको वार्षिक कार्यक्रममा रहेको च्याम्पियनसिपलाई जिल्ला भलिबल संघ सिन्धुपाल्चोक र सिन्धु सुकुटे पर्यटन व्यवसायी संघ आयोजना गरेको हो। यो महिलातर्फको सातौं र पुरुषतर्फको आठौं राष्ट्रिय च्याम्पियनसिप हो ।

५ दिन सम्म चल्ने च्याम्पियनसिपमा ६ प्रदेश र ३ विभागका गरि महिला १७ र पुरुषमा १८ टोलीको सहभागिता छ । सहभागी टोलीलाई दुवैतर्फ समान ८ समूहमा विभाजन गरिएको छ।

सहभागी टोलीका प्रशिक्षक र व्यवस्थापकको उपस्थितिमा समूह विभाजन गरिएको थियो। सहभागी टोलीहरु सोमवार नै सुकुटे आइसकेका छन्।

पहिलो दिन दिउँसो १ बजे खेल सुरु हुने बताइएको छ। त्यसअघि उद्घाटन कार्यक्रम हुनेछ। च्याम्पियनसिपमा दुई वटा कोर्टमा खेलाइनेछ। च्याम्पियन्सको हाम्रो खेलकुदको युट्युब च्यानलबाट प्रत्यक्ष प्रसारण हुनेछ।