default_image

3 weeks ago

January 21, 2025

बेलबारीलाई कनकाई कप भलिबलको उपाधि

1186 views

0 Bookmark

हिमाल खरेल,बिर्तामोड

मोरङको बेलबारी नगरपालिकाले झापाको कनकाईस्थित सुरुङ्गामा भएको कनकाई कप भलिबल प्रतियोगिताको उपाधि जितेको छ ।

आज भएको फाइनल खेलमा भारतको टिभिए सिक्किमलाई हराउँदै बेलबारीले उपाधिसँगै १ लाख ११ हजार १ सय ११ रुपैयाँ प्राप्त गरेको छ ।

सिक्किमले ६१ हजार १ सय ११ रुपैयाँ प्राप्त गर्यो । प्रतिस्पर्धात्मक खेलमा पहिलो २-२ सेट दुवै टिमले जितेपछि खेल बेस्ट अफ ५ मा धकेलिएको थियो ।

सिक्किमले पहिलो सेट २५–२० र तेस्रो सेट २५–२२ ले जितेको थियो । दोस्रो र चौथो सेट बेलबारीले २५–२० र २५–१५ ले आफ्नो पक्षमा पारेको थियो । अन्तिम सेट बेलबारीले १५–१३ ले जितेको हो ।

प्रतियोगितामा बेस्ट डिफेन्डर टिभिएका अनुप राई, बेस्ट स्पाइकर बेलबारीका दिपेश क्षेत्री, बेस्ट ब्लकर बेलबारीका ऋषि घिमिरे, बेस्ट सर्भर टिभिएका पर्शुराम शर्मा र बेस्ट सेटर बेलबारीका रिदेन विष्ट भए । उनीहरुले ५ हजार १ सय रुपैयाँ र ट्रफी पाए । सर्वोकृष्ट खेलाडी बनेका बेलबारीका प्रकाश राउतलाई ३२ इन्चको टिभी प्रदान गरियो ।

कार्यक्रमका बीच झापाका पाँचजना पूर्वराष्ट्रिय भलिबल खेलाडीहरु दिपेश पाठक, सुरेन्द्र खतिवडा, गजेन्द्र ताम्लिङ, श्रीकृष्ण खड्का र सञ्जय अधिकारीलाई सम्मान गरिएको थियो ।

कनकाई माविको खेल मैदानमा भएको प्रतियोगिताको विजेता तथा उपविजेतालाई प्रतिनिधिसभाका सदस्य एलपी साँवा लिम्बु, कनकाई नगरप्रमुख राजेन्द्रकुमार पोखरेलले पुरस्कृत गरे ।

प्रतियोगितामा ताप्लेजुङ र भारत सिक्किमको एकएक, मोरङका दुई तथा झापाका १० पालिकासहित १४ वटा टोलीको सहभागिता थियो ।

February 13, 2025

टाइम्स ‘ए’ थ्री बाई थ्री बास्केटबल च्याम्पियन

काठमाडौं (हाम्रो खेलकुद)- टाइम्स ‘ए’ ले अन्तर्राष्ट्रिय थ्रीबाई थ्री एनबिसी नेपाल बास्केटबल च्याम्पियनसिपको उपाधि जितेको छ। बुधबार राति भएको फाइनलमा राइभल पाकिस्तानलाई २१–१७ ले हराउँदै टाइम्स ‘ए’ लगातार दोस्रो पटक च्याम्पियन बनेको हो। त्रिपुरेश्वरस्थित राष्ट्रिय खेलकुद परिषद्को कभर्ड हलमा भएको खेलमा टाइम्सलाई जित दिलाउन सदीश प्रधानको प्रदर्शन उत्कृष्ट रहयो। यसअघि बुधबार नै भएको पहिलो सेमिफाइनलमा […]

February 13, 2025

लिग टु – ओमानसँग अमेरिका पराजित

एजेन्सी – विश्व कप लिग टु अन्तर्गत अमेरिका ओमानसँग पराजित भएको छ । अमेरिका बुधवार ओमानसँग ७ विकेटले पराजित भयो । १ सय ५२ रनको लक्ष्य ओमानले ४५.५ ओभरमा ३ विकेट गुमाएर पूरा गर्यो । ओमानको जितमा कप्तान जतिन्दर सिंहले नट आउट रहँदै सर्वाधिक ८२ रन जोडे । उनले १ सय २७ बलको सामना गर्दै […]

February 13, 2025

बायर्नको जितमा केनको गोल

एजेन्सी – बायर्न म्युनिखले च्याम्पियन्सिप लिग प्ले अफको पहिलो लेग जितेको छ। बायर्नले बुधवार स्कटल्याण्डको सेल्टिकलाई २-१ ले हरायो । बायर्नलाई जिताउन माइकल ओलिस र हेरी केनले गोल गरे । सेल्टिकका डेजेन मेडाले गोल फर्काए । बायर्नका ओलिसले पहिलो हाफको अन्तिम मिनेटमा गोल गर्दै अग्रता दिलाए । दोस्रो हाफको चौथो मिनेटमा केनले गोल गर्दै बार्यनको […]

Success

Thank you for your time.