काठमाडौं (हाम्रो खेलकुद) – नेपालले १३ औं दक्षिण एसियाली खेलकुद (साग) आयोजनाका लागि भौतिक पूर्वाधार निर्माणका लागि ठोस कदम चलि नसकेपनि त्यसमा २८ खेल समावेश गर्ने प्रस्ताव गरिएको छ । भुटानको राजधानी थिम्पुमा मंगलबार सुरु दक्षिण एसियाली ओलम्पिक काउन्सिल (एसएओसी) को बैठकले सन् २०१९ मा हुने १३ औं सागमा २८ खेल राख्ने प्रस्ताव पारित गरेको छ ।
यद्दपी त्यसको अन्तिम निर्णय सेप्टेम्बरमा तुर्कीमितिस्तानमा आयोजना हुने एसियाली मार्सल आट्स इन्डोर खेलकुदका दौरान लिनेछ । आन्तरिक विवाद यथावत रहेकै अवस्थामा एनओसी अध्यक्ष जीवनराम श्रेष्ठको नेतृत्वमा एनओसी टोली सोमबार भुटान पुगेको थियो ।
एनसओसीको बैठकमा श्रेष्ठले बैठकमा २३ खेलको प्रस्ताव गरेका थिए । तर श्रेष्ठकै अध्यक्षतामा बसेको बैठकले २८ खेलको प्रस्ताव राखिएको एनओसीले जनाएको छ । सोही बैठकमा यसअघि सहभागी अफगानिस्तानले अब भाग नलिने घोषण गरिएको थियो ।
सन् १९८४ मा नेपालमा पहिलो दक्षिण एसियाली खेलकुद आयोजना गर्दै हरेक दुई बर्षमा साग आयोजना गर्ने निर्णय गरिएको थियो । तर भारत र पाकिस्तानको विवाद र अन्य कारणले साग बारम्बार प्रभावित हुँदै आएको थियो । यसपटक नेपालले आयोजना आन्तरिक विवाद यथावत छ नै त्यो बाहेक नेपालले सागका लागि भौतिक पूर्वाधार निर्माण पनि सुरु गरेको छैन ।
साग यसका सहभागी राष्ट्रले पालै पालो आयोजनाको परम्परा छ । त्यहि अनुसार १३ औं सागको जिम्मेवारी नेपालले दुई बर्षअघि नै पाएको थियो । तर, केही महिनाअघि नेपालमा बसेको एनएओसीको बैठकले २०१९ मा साग आयोजना गर्ने निर्णय लिएको थियो । सागको १४औं संस्करणको आयोजक छनोट पनि माल्दिभ्समा हुने एसएओसीको आगामी बैठकले गर्ने निर्णय बताइएको छ ।
