काठमाडौं (हाम्रो खेलकुद)– न्यू डाइमन्ड एकेडेमी र नेपाल एपिएफ क्लब राजधानीमा जारी केएनपी राष्ट्रिय महिला भलिबल प्रतियोगिताको सेमिफाइनलमा पुगेका छन् ।
त्रिपुरेश्वरस्थीत दशरथ रंगशालाको कभर्डहलमा बुधबार भएको दुवै खेलमा जित निकाल्दै एपीएफ सेमिफाइनलमा पुग्यो । पश्चिमाञ्चललाई २५–१९,२५–१३ र २५–१३ ले हराएको एपिएफले अर्को खेलमा आर्मीलाई २५–१५,२५–१२ र २५–१५ ले पराजित गर्यो । समुह ‘ए’ मा रहेका पश्चिमाञ्चलले मंगलवार आर्मीलाई हराएकोले टोली ३ अंकसहित उपविजेताका रुपमा अघि बढेको हो ।
बहुराष्ट्रिय कम्पनी जापान कन्साई नेरोल्याक पेन्ट्स (केएनपी)को मुख्य प्रायोजन तथा शिवम् सिमेन्टको सह–प्रायोजनमा जारी प्रतियोगितामा न्यू डायमण्डले जावलाखेललाई २५–७,२५–१० र २५–६ को सोझो सेटमा हरायो । न्यु डाइमन्डले पहिलो दिन नेपाल पुलिस क्लबलाई हराएको थियो ।
समूह ‘बी’ मा रहेको पुलिसले जाउवाखेललाई २५–१,२५–१२ र २५–२० को सोझो सेटमा हराउदै उपविजेताको रुपमा सेमिफाइनलमा स्थान बनाएको छ । समूह ‘ए’ को विजेता एपिएफले समूह ‘बी’ को उपविजेता पुलिससग सेमिफाइनल खेल्नेछ । अर्को सेमिफाइनल समूह ‘बी’ को विजेता न्यू डाइमन्डले समूह ‘ए’ को उपविजेता पश्चिमाञ्चलको सामना गर्नेछ ।
प्रतियोगिताको विजेताले प्राप्त गर्ने १ लाख ५० हजार क्वायरटुफ म्याट्रेसले प्रायोजन गरेको छ । प्रतियोगितामा राष्ट्रिय खेलकुद परिषद्,नेपाल भलिबल संघ,डल्फीन चियर,एयर एशिया,आइएमइको साथ रहेको छ । प्रतियोगिताको दोस्रो हुने टोलीले १ लाख र तेस्रो हुने टोलीले नगद ५० हजार रुपैयाँ प्राप्त गर्ने छन् ।
सर्वोकृष्ट खेलाडी र विधागत उत्कृष्टतर्फ स्पाइकर, क्वीकर,सेटर, ब्लकर, डिफेन्स र सर्भरले समान ३ हजार रुपैयाँ प्राप्त गर्नेछन् । तेस्रो संस्करणमा शेरवहादुर खड्का स्पेशल अवार्डबाट एक खेलाडीलाई १० हजार रुपैयाँ प्रदान गरिनेछ ।
