default_image

7 years ago

July 12, 2017

बंगलादेशको फुटबलपछि भलिबल टोली नेपाल आउँदै

काठमाडौं (हाम्रो खेलकुद)– फुटबल पछि अब मैत्रीपूर्ण भलिबलका लागि बंगलादेशको पुरुष टोली नेपाल आउने भएको छ । मंगलबारमात्र नेपाल र बंगलादेशको यू २३ टोलीबीच मैत्रीपूर्ण फुटबल भएको थियो । नेपालसँगै भदौंको पहिलो साता मैत्रीपूर्ण भलिबल खेल्न बंगलादेशको राष्ट्रिय भलिबल टोली नेपाल आउन लागेको हो । नेपाल भलिबल संघको मैत्रीपूर्ण खेलको प्रस्तावलाई बंगलादेशको भलिबल संघले स्वीकार […]

40 views

0 Bookmark

काठमाडौं (हाम्रो खेलकुद)– फुटबल पछि अब मैत्रीपूर्ण भलिबलका लागि बंगलादेशको पुरुष टोली नेपाल आउने भएको छ । मंगलबारमात्र नेपाल र बंगलादेशको यू २३ टोलीबीच मैत्रीपूर्ण फुटबल भएको थियो । नेपालसँगै भदौंको पहिलो साता मैत्रीपूर्ण भलिबल खेल्न बंगलादेशको राष्ट्रिय भलिबल टोली नेपाल आउन लागेको हो ।

volleyball-male

नेपाली भलिबल टोली । फाइल तस्बिर

नेपाल भलिबल संघको मैत्रीपूर्ण खेलको प्रस्तावलाई बंगलादेशको भलिबल संघले स्वीकार गरेको संघका महासचिव जितेन्द्रबहादुर चन्दले हाम्रो खेलकुद डट कमलाई जानकारी दिए ।

‘हाम्रो लक्ष्य भनेको १३ औं दक्षिण एसियाली खेलकुद (साग) लाई मध्यनजर गर्दै राष्ट्रिय टोलीलाई तयार राख्नु हो,’ महासचिव चन्दले भने,‘त्यसैलाई मध्यनजर गर्दै हामी खेलाडीको एक्सपोजरका लागि बढी भन्दा बढी मैत्रीपूर्ण खेल खेलाउन चाहन्छौं । त्यहि अनुरुप हामीले बंगलादेश भलिबल संघलाई प्रस्ताव गरेका थियौं । त्यो स्वीकृत भएको छ ।’

चन्दका अनुसार भदौंको ३ र ४ गते नेपाल र बंगलादेशको राष्ट्रिय भलिबल टोलीबीच मैत्रीपूर्ण खेल हुनेछ । बढी भन्दा बढी खेलाडीलाई अवसर दिने सोच भएकाले नेपालको ‘ए’ र ‘बी’ टिम बनाएर बंगलादेशसँग खेलाउने भन्ने विषयमा पनि संघमा छलफल हुने महासचिव चन्दले सुनाए ।

साउनको दोस्रो साताबाट नेपाली भलिबल टोलीलाई अन्तर्राष्ट्रिय भलिबल महासंघ (एफआइभिबी) का प्रशिक्षक मिट भान विजेलले दिनेछन् । विजेलले प्रशिक्षण दिएको झन्डै तीन सातापछि नेपालले बंगलादेशको सामना गर्नेछ । विजेल साउन १० गते नेपाल आइपुग्ने यसअघि नै संघले बताएको थियो ।

एफआइभिबीले नेपाली भलिबल टोलीको स्तर उन्नतीमा सहयोग पुर्याउने उद्देश्य आफ्ना प्रशिक्षक पठाउन लागेको यसअघि नै संघले जनाएको थियो । विजेलको आतेजाते हवाइ टिकट भने नेदरल्यान्ड्स भलिबल संघले बेहोर्ने जनाइएको छ । काठमाडौं रहँदाको खर्च भने भलिबल संघले बेहोर्नेछ ।

March 29, 2024

इण्डो–नेपाल टि ट्वान्टीको सेमिफाइनल समीकरण पूरा

चितवन (हाम्रो खेलकुद)- चितवनको भरतपुरमा जारी इण्डो–नेपाल टि ट्वान्टी च्याम्पियनसिप क्रिकेट प्रतियोगिताको सेमिफाइनल समीकरण पूरा भएको छ । गौतमबुद्ध अन्तर्राष्ट्रिय क्रिकेट रंगशालाको नमुना मैदानमा बिहीबार भएका लिग चरणका अन्तिम खेलमा विजयी हुँदै मधेश प्रदेश र सुदूरपश्चिम प्रदेशले सेमिफाइनलमा स्थान पक्का गरेका हुन् । सबै खेलमा जित निकाल्दै ८ अंकका साथ पिएसआरए ग्रुप लखनउ समूह विजेता […]

March 28, 2024

राजस्थानको लगातार दोस्रो जित

एजेन्सी – दिल्ली क्यापिटल्स माथि जित दर्ता गर्दै राजस्थान रोयल्सले १७औं संस्करणको इंडियन प्रिमियर लिग (आईपिएल) मा लगातार दोस्रो जित दर्ता गरेको छ । दिल्लीलाई लगातार दोस्रो हार चखाउने क्रममा राजस्थानले १२ रनको जित दर्ता गरेको हो । १८६ रनको लक्ष्य पछ्याएको दिल्लीले २० ओभरमा ५ विकेट गुमाएर १८५ रन मात्र बनाउन सक्यो । अन्तिम […]

March 28, 2024

सिइसी र धनगढी विजयी

सुमन अधिकारी,बुटवल नेपालका पूर्व अन्तराष्ट्रिय क्रिकेट खेलाडी शक्ति प्रसाद गौचनले बुबाको नामबाट आयोजना रुपन्देहीमा जारी छैंटौं खड्ग प्रसाद गौचन मेमोरियल यु—१९ क्रिकेट प्रतियोगिता–२०८० मा बिहीबार समुह बिका २ खेल सम्पन्न भएका छन् । जसमा पल्सर क्रिकेट एक्सलेन्स सेन्टर (सिइसी) , काठमाण्डौ र धनगढी क्रिकेट क्लब विजयी भएका छन् । पहिलो खेलमा पल्सर सिइसी काठमाण्डौले सेन्टर […]

Success

Thank you for your time.