7 years ago
August 23, 2017
काठमाडौं (हाम्रो खेलकुद)– पल्सर स्पोर्टस अवार्डमा डिस होम नेटवर्कको सह प्रायोजनले निरन्तरता पाएको छ । डिस होमले नेपालको पहिलो खेलकुद च्यानल डिस होम एक्सन स्पोर्टसमार्फत सहकार्यलाई अघि बढाउन लागेको जनाएको छ । डिस होम स्पोर्टस एक्सनले २ लाख ५० हजार नगदसहित झन्डै ३ लाख ८० हजार रुपैयाँ बराबरको प्रायोजन गर्ने बताएको छ । अवार्डको आयोजक […]
काठमाडौं (हाम्रो खेलकुद)– पल्सर स्पोर्टस अवार्डमा डिस होम नेटवर्कको सह प्रायोजनले निरन्तरता पाएको छ । डिस होमले नेपालको पहिलो खेलकुद च्यानल डिस होम एक्सन स्पोर्टसमार्फत सहकार्यलाई अघि बढाउन लागेको जनाएको छ ।
डिस होम स्पोर्टस एक्सनले २ लाख ५० हजार नगदसहित झन्डै ३ लाख ८० हजार रुपैयाँ बराबरको प्रायोजन गर्ने बताएको छ । अवार्डको आयोजक नेपाल खेलकुद पत्रकार मञ्चका अध्यक्ष महेश आचार्य र डिस मिडिया नेटवर्क लिमिटेडका प्रमुख कार्यकारी अधिकृत सुदीप आचार्य ले बुधबार सम्झौता पत्रमा हस्ताक्षर गरेका थिए ।
डिस होमको डिस होम एक्सन स्पोर्टसले ८ विधाका विजेतालाई डिस होमको सेट अप बक्स र एक बर्षसम्मको रिचार्ज कार्ड प्रदान गर्नेछ । त्यस्तै पिपुल्स च्वाइस अवार्डको मनोनयनमा परेका खेलाडीलाई एसएमएसमार्फत भोट गर्ने मध्येबाट गोलाप्रथाबाट छनोट गरिने पाँच जनालाई पनि सेट अप बक्स र एक बर्षसम्मको रिचार्ड कार्ड प्रदान गर्ने जानकारी गराइएको छ ।
पल्सर स्पोर्टस अवार्ड भदौ २६ गते प्रज्ञा भवनमा आयोजना हुनेछ । अवार्डको पिपुल्स च्वाइस अवार्डको एसएमएस भोटिङका लागि भने यसअघि पाँच खेलाडीको नाम यसमा सार्वजनिक गरिसकेको छ । जसमा जुडोकी फुपु ल्हामु खत्री, एथलेटिक्सकी कान्छिमाया कोजु, पौडीकी गौरिका सिंह, क्रिकेटका दीपेन्द्र सिंह ऐरी र फुटबलका सुजल श्रेष्ठ मनोनयनमा परेका छन् ।
यसबर्षको पल्सर स्पोर्टस अवार्डमा वर्षको उत्कृष्ट खेलाडी पुरुष, महिला, युवा, प्रशिक्षक, पिपुल्स च्वाइस अवार्ड, पारा एथलिट, स्पेसल अवार्ड र लाइफटाइम एचिभमेन्ट अवार्ड गरी ८ विधामा खेलाडी, प्रशिक्षकसम्मानित गर्ने मञ्चले यसअघि नै जानकारी गराइसकेको छ । उत्कृष्ट महिला,पुरुष, युवा र प्रशिक्षकको मनोनयन केही दिनमा सार्वजनिक हुने मञ्चका महासचिव प्रकाश तिमल्सिनाले जानकारी दिए ।
२०६० सालदेखि निरन्तर आयोजना भएको स्पोर्टस अवार्डको यो १४ औं संस्करण भएको मञ्चले बताएको छ । अघिल्लो वर्ष वर्ष उत्कृष्ट पुरुष खेलाडी फुटबलका नवयुग श्रेष्ठ, उत्कृष्ट महिला खेलाडी जुडोकी फुपुल्हामु खत्री, उत्कृष्ट युवा खेलाडी फुटबलका अञ्जन विष्ट, वर्षका प्रशिक्षक फुटबलका बालगोपाल महर्जन, पिपल्स च्वाइस अवार्ड विजेता टेबल टेनिसकी नविता श्रेष्ठले जितेकी थिइन् ।
त्यस्तै पारा एथलिट तेक्वान्दोकी सीता भण्डारी र लाइफटाइम एचिभमेन्ट अवार्ड फुटबलका श्रीराम रन्जितकार, स्पेशल अवार्ड स्व. ललितकृष्ण श्रेष्ठ (मरणोपरान्त) ले प्राप्त गरेका थिए । टिम अफ दी इयरको उपाधि नेपाल क्रिकेट टिमले पाएको थियो ।
हंस राज हुलास चन्द एन्ड कम्पनीले लामो समयदेखि मुख्य प्रायोजन गर्दै आएको अवार्डलाई डिस होम एक्सन स्पोर्टस, सूर्य नेपाल, रुस्लान फुटबल, सहास स्पोर्टस्, रोयल सिंगी होटल, टिएचटी लाइभ, राष्ट्रिय खेलकुद परिषद्, एभिन्यूज टेलिभिजन साझेदारका रुपमा रहेका छन् । एभिन्यूजले अवार्डको प्रत्यक्ष प्रसारण गर्ने मञ्चले जनाएको छ ।
April 24, 2024
एजेन्सी – दिल्ली क्यापिटल्सले इन्डियन प्रिमियर लिग (आइपिएल)मा बुधबार गुजरात टाइटन्समाथि ४ रनको रोमान्चक जित हासिल गरेको छ । २ सय २५ रनको लक्ष्य पछ्याएको गुजरातले साइ सुदर्शन र डेभिड मिलरको अर्धशतकको मद्दतमा ८ विकेट गुमाएर २ सय २० रन मात्र बनाउन सक्यो । साइले ३९ बलमा ७ चौका र २ चौकामा ६५ रन बनाए […]
April 24, 2024
काठमाडौं (हाम्रो खेलकुद) – सुरुमा ८ खेलाडीले भाग लिने भनिएपनि उज्वेकिस्तानमा शनिबार सुरु हुने एएसबीसी यु २२ एसियाली बक्सिङ च्याम्पियनसिप ३ नेपाली खेलाडीले मात्र चुनौती पेश गर्ने भएका छन् । गत साता एसियाली बक्सिङ महासंघले च्याम्पियनसिपमा नेपालका ८ खेलाडीले भाग लिने भन्दै नाम सार्वजनिक गरेको थियो । तर नेपाल बक्सिङ महासंघका महासचिव मानबहादुर भण्डारीले पदक […]
April 24, 2024
सुर्खेत (हाम्रो खेलकुद)– सुदूरपश्चिम प्रदेशले महिला लिग छनोटमा दोस्रो जित निकालेको छ । अस्मिता चौधरीको २ गोलको मद्दतमा सुदूरपश्चिमले बुधबार मधेश प्रदेशलाई ३–० ले हराएको छ । कर्णाली प्रदेश रंगशालामा भएको खेलमा पाँचौं मिनेटमा यसोदाकुमारी चिरलको गोलबाट सुदूरपश्चिमले अग्रता लिएको थियो । अस्मिताले ५१ औं र ६१ औं मिनेटमा गोल गर्दै टोलीलाई जित दिलाइन् । […]