7 years ago
August 29, 2017
काठमाडौं (हाम्रो खेलकुद)– नेपाल र बंगलादेशका राष्ट्रिय भलिबल टोलीबीचको दुईवटा मैत्रीपूर्ण खेलको पहिलो खेल आज हुँदैछ । दुवै टोलीका प्रशिक्षकले मैत्रीपूर्ण खेलबाट स्तर बढ्ने विश्वास लिएको छन् । नेपाल र बंगलादेशबीच अहिले सम्म तीनवटा खेल भएका छन् । जसमा नेपालले २ र बंगलादेशले १ खेल जितेको छ । पछिल्लो पटक दोस्रो एभिसी सेन्ट्रल जोन भलिबलमा […]
काठमाडौं (हाम्रो खेलकुद)– नेपाल र बंगलादेशका राष्ट्रिय भलिबल टोलीबीचको दुईवटा मैत्रीपूर्ण खेलको पहिलो खेल आज हुँदैछ । दुवै टोलीका प्रशिक्षकले मैत्रीपूर्ण खेलबाट स्तर बढ्ने विश्वास लिएको छन् ।
नेपाल र बंगलादेशबीच अहिले सम्म तीनवटा खेल भएका छन् । जसमा नेपालले २ र बंगलादेशले १ खेल जितेको छ । पछिल्लो पटक दोस्रो एभिसी सेन्ट्रल जोन भलिबलमा आमने सामने हुँदा बंगलादेशले नेपाललाई हरारएको थियो । आइतबार डेनमार्कको ‘ए’ डिभिजन क्लब भिडओभ्रलाई ३–१ ले हराएकोले पनि नेपाली टोलीको मनोबल उच्च छ ।
राजधानीमा सोमबार आयोजित पत्रकार सम्मेलनमा नेपाली राष्ट्रिय भलिबल टोलीका प्रशिक्षक जगदिश प्रसाद भट्टले नेपाल र बंगलदेशको स्तर समान भएकोले एकअर्कासँगको प्रतिस्पर्धाले स्तर बढाउन मद्दत ल्निे विश्वास व्यक्त गरेका थिए । उनले मैत्रीपूर्ण खेलमा सकारात्मक नतिजा निकाल्न प्रयास गर्ने बताएका छन् । खेल लगनखेलस्थित नेपाली सेनाको सैनिक शारीरिक तथा तालि केन्द्रमा रहेको कभर्ड हलमा २ः३० बजे सुरु हुने नेपाल भलिबल संघले बताइएको छ ।
‘हामीले पछिल्लो समय धेरै सकारात्मक सफलता हासिल गरेको छौं । नेदरल्यान्ड प्रशिक्षकको सहयोगले टिमको कमजोर सुधार गर्न सहयोग गरेको छ ’ प्रशिक्षक भट्टले भने, ‘तीन हप्ताको प्रशिक्षणले टिममा धेरै सुधार गर्न सकिन्न । तर, हामीले यो अवधिमा टोलीको कमजोर पक्ष रिसिभ र ब्लक सुधार गर्न केन्द्रित भयौं । बंगलादेशविरुद्ध यो सुधार पक्कै देखिनेछ ।’
नेपाली टोली कप्तान इम रानाले मैत्रीपूण खेल भएपनि जितको लागि खेल्ने बताएका थिए । ‘हामी सेन्ट्रल जोन भलिबलमा बंगलादेशसँग हारेको थियौं । यस अवधिमा हामीले धेरै सुधार गरेका छौं ’ यसअघि बंगलादेशविरुद्धका सबै खेलमा समेत कप्तानी गरेका रानाले भने, ‘मैत्रीपूर्ण खेल भएपनि सेन्ट्रल जोनमा भोगेको हारको बदला लिने प्रयास गर्नेछौं ।’
बंगलादेशका इरानी प्रशिक्षक अली पोअर एरोजीले नेपालसँग खेल्न खेल्न पाउनुलाई सुखद अनुभवको रुपमा लिएको बताए । ‘नेपाललाई हामीले यसअघिको खेलमा हराएको थियौ । तर, अहिले अवस्था फरक छ ’ प्रशिक्षक अलीले भनेका थिए, ‘नेपालले पछिल्लो समय राम्रो गरिरहेको छ । दुवै टिमको स्तर समान छ । जित हासिल गर्ने हाम्रो प्रयास रहनेछ ।’
बंगलादेशका कप्तान मोहमद इमरान हैदरले मैत्रीपूर्ण खेलको लागी पर्याप्त तयारी गर्न नपाएपनि जित्नको लागी खेल्ने बताए । ‘केही प्राविधिक कारणले खेलाडीको स्वास्थ्यमा केहि असर गरेको छ । हामी त्यसबाट अगाडी बढ्दै नेपालसँग खेल्न तयार भैसकेको छौं ’ कप्तान हैदरले थपेका थिए, ‘फेरि एकपटक नेपालसँग खेल्ने मौका मिलेको छ । नेपालको केही खेलाडी राम्रो छन् । उनीहरुलाई हामी कमजोर रुपमा लिएको छैनौ ।’
April 25, 2024
एजेन्सी – रोयल च्यालेन्जर्स बैंगलुरुले इन्डियन प्रिमियर लिग (आइपिएल) मा दोस्रो जित हासिल गरेको छ । बैंगलुरुले बिहीबार सनराइजर्स हैदरावादलाई ३५ रनले हराएको छ । २ सय ७ रनको लक्ष्य पछ्याएको हैदरावादले निर्धारित २० ओभरमा ८ विकेटको क्षतिमा १ सय ७१ रन मात्र बनाउन सक्यो ।टोलीका लागि सहवाज अमेदले सर्वाधिक नटआउट ४० रन बनाए । […]
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]
April 25, 2024
काठमाडौं (हाम्रो खेलकुद)- भुवन नगरकोटी समग्रमा ७-अन्डर १ सय ९७ सहित ६ स्ट्रोकको अग्रता सहित सूर्य नेपाल काठमाडौं ओपनको तेस्रो दिन शीर्षस्थानमा रहेका छन्। आज भुवनले ५-अन्डर ६३ को उत्कृष्ट प्रदर्शन गर्दा दिनेश प्रजापतिलाई ६ स्ट्रोकले पछि पार्दै एकल अग्रता सहित उपाधि जित्ने संभावनालाई बलियो बनाएका छन्। भुवनले उत्कृष्ट दिनको सुरूवात सानदार गरे। पहिलो, दोस्रो, […]