काठमाडौं (हाम्रो खेलकुद)– नेपाल राष्ट्रिय भलिबल टोलीले पहिलो मैत्रीपूर्ण खेल जितेको छ । दुई खेलको श्रृखंलाको पहिलो खेलमा नेपालले आज बंगलादेशको राष्ट्रिय भलिबल टोलीलाई ३–१ ले हराएको थियो । 

लगनखेलस्थित नेपाली सेनाको सैनिक शारीरिक तथा तालिम केन्द्रमा मंगलबार भएको मैत्रीपूर्ण भलिबलको पहिलो सेट गुमाएपनि खेलमा फर्कन नेपाल सफल भएको थियो । आफ्नै गल्तीका कारण पहिलो सेट २५–२७ ले गुमाएको नेपालले त्यसपछिको तीनै सेट लगातार आफ्नो पक्षमा पार्दै दुई दिने मैत्रीपूर्ण भलिबलमा १–० को अग्रता बनाएको हो ।

पहिलो सेट गुमाएपछि दोस्रो सेटमा उत्कृष्ट पुनरागमन गरेको नेपालले दोस्रो सेट २५–१७ र तेस्रो सेट २५–१६ ले जित्दा तेस्रो सेट २५–२३ ले आफ्नो पक्षमा पारेको थियो । अब नेपालले बुधबार दोस्रो खेल खेल्दैछ । अहिले सम्म बंगलादेशविरुद्धका ४ खेलमा नेपालले ३ जित र १ मा हार बेहोरको छ ।

बंगलादेशले यसअघि एभिसी सेन्ट्रल जोन भलिबलमा नेपाललाई हराएको थियो । नेपाली टोलीका प्रमुख प्रशिक्षक जगजित भट्टले बंगालदेशसँग दुईवटा मैत्रीपूर्ण प्रतिस्पर्धाले टोलीको स्तर बढ्ने अपेक्षा गरेका छन् । थिए । नेपालले आइतबार डेनमार्कको ‘ए’ डिभिजन क्लब भिडओभ्रलाई लाई मैत्रीपूर्ण खेलमा ३–१ ले नै हराएको थियो ।

नेपाल भलिबल संघले दिउँसो २ः०० बजे खेल सुरु हुने बताएपनि औपचारिक कार्यक्रमले झन्डै २ घन्टा ढिला खेल सुरु भएको थियो । त्यसबीचमा खेलाडीलाई लामो समयसम्म उभ्याइएको थियो ।