ललितपुर (हाम्रो खेलकुद )- टेबल टेनिसका पूर्व नम्बर एक खेलाडी शिवसुन्दर गोथे दुर्घटनामा परि घाइते भएका छन् । ललितपुर हात्तीवनको लिटिल एन्जेल्स स्कुल पछाडि सेती पाखाको बाटोमा हिडिरहेको समयमा मिनि ट्रकले ठक्कर दिएपछि शिवसुन्दर घाइते भएका हुन् ।
शिव सुन्दर गोथे (दायाँबाट दोस्रो)
उनको बि एन्ड बिको आकस्मिक सेवामा उपचार भइरहेको छ । राष्ट्रिय तथा अन्तर्राष्ट्रिय खेलाडी संघका महासचिव समेत रहेका शिवसुन्दर लिटिल एन्जेल्सका टेबल टेनिस प्रशिक्षक हुन् ।
‘दिउँसो २:३० बजे हिडिरहेको बेला मिनि ट्रकले पछाडिबाट हानेपछि म अचेत भए,’ सामान्य बोलचाल गर्ने अवस्थामा रहेपनि कम्मरको भागमा दुखाई भइरहेको जनाउँदै शिवसुन्दरले भने,’मैले थाहा पाउँदा ट्रकको तल थिए । त्यही अवस्थामा म माथि ट्रक चडाइयो।’
