6 years ago
January 18, 2018
काठमाडौं (हाम्रो खेलकुद) – दोस्रो संस्करणको दिदी बहिनी कप राष्ट्रिय महिला भलिबल फागुनमा हुने भएको छ । पर्वतको सदरमुकाम कुश्मामा रहेको रेडियो दिदी बहिनीको आठौं वार्षिकोत्सवको अवसर पारेर दोस्रो संस्करणको दिदी बहिनी कप राष्ट्रिय महिला भलिबल फागुन २२ देखि २४ गतेसम्म आयोजना गर्न लागिएको रेडियोका अध्यक्ष कल्पना चापागाईंले पत्रकार सम्मेलनमार्फत बिहिबार जानकारी गराइन् । त्यसअघि […]
काठमाडौं (हाम्रो खेलकुद) – दोस्रो संस्करणको दिदी बहिनी कप राष्ट्रिय महिला भलिबल फागुनमा हुने भएको छ ।
पर्वतको सदरमुकाम कुश्मामा रहेको रेडियो दिदी बहिनीको आठौं वार्षिकोत्सवको अवसर पारेर दोस्रो संस्करणको दिदी बहिनी कप राष्ट्रिय महिला भलिबल फागुन २२ देखि २४ गतेसम्म आयोजना गर्न लागिएको रेडियोका अध्यक्ष कल्पना चापागाईंले पत्रकार सम्मेलनमार्फत बिहिबार जानकारी गराइन् । त्यसअघि कुश्मा बजारमा बृहत दशौं पश्चिमाञ्चल महिला महोत्सव हुने पनि आयोजकले जनाएको छ ।
प्रतियोगितामा तीन विभागीय टोलीसहित काठमाडौंको न्यु डायमण्ड एकेडेमी, पश्चिमाञ्चल क्षेत्रीय भलिबल टिम र आयोजक गरी ६ टिमको सहभागिता रहने आयोजकले जनाएको छ । रेडियोकी अध्यक्ष चापागाईंले महिला हिंसाविरुद्ध सशक्तीकरण अभियान, पर्यटकीय विकासमा टेवा र मोफसलमा खेल संस्कृतिको विकास गर्न प्रतियोगिता आयोजना गर्न लागेको बताइन् । यस्तै नेपाल भलिबल संघका अध्यक्ष मनोरञ्जनरमण शर्माले प्रतियोगिताको लागि संघले सक्ने सहयोग गर्ने प्रतिबद्धता व्यक्त गरे ।
नेपाल भलिबल संघको प्राविधिक सहयोगमा हुने प्रतियोगिता लिगकम नकआउटको आधारमा सञ्चालन हुनेछ । प्रतियोगितामा सहभागी टिमलाई दुई समूहमा विभाजन गरी खेलाइने छ । प्रतियोगिताको विजेताले ट्रफी तथा नगद १ लाख पुरस्कार जित्नेछन् । उपविजेताले ६० हजार तथा तेस्रो हुनेले ४० हजार पाउनेछन् ।
उत्कृष्ट खेलाडी र व्यक्तिगत विधातर्फ उत्कृष्ट हुने स्पाइकर, सेटर, क्वीकर, ब्लकर, डिफेन्डर र सर्भरले समेत नगद पुरस्कार पाउने आयोजकले जनाएको छ । अनुमानित १५ लाख खर्च हुने प्रतियोगिताको लागि सहभागी सबै टोलीलाई आउने जाने र खाने व्यवस्था आयोजकले बेहोर्ने छ ।अघिल्लो संस्करणमा काठमाडौंको न्यु डायमण्ड एकेडेमी च्याम्पियन बनेको थियो ।
April 19, 2024
काठमाडौं (हाम्रो खेलकुद)– प्रदेश खेलकुद परिषद् गण्डकीका सदस्य सचिव श्रीधर शर्माले आफ्ना खेलाडीलाई लान्छाना लगाएको र त्यसले उनीहरुको मनस्थितिमा असर परेको भन्दै चन्द्रागिरी नगरपालिका न्यु डायमण्ड महिला टिमले कारवाहीको माग गरेको छ । १४ औं केन्द्रीयस्तरको राष्ट्रपति रनिङ शिल्डमा बागमती प्रदेशमा सहभागी आफ्ना खेलाडीमाथि शर्माले लान्छाना लगाएको आरोप क्लबले न्यु डायमण्डले लगाएको छ । बागमतीबाट […]
April 19, 2024
एजेन्सी – नेपाली क्रिकेट टोलीले एसीसी इमर्जिङ टिम्स एसिया कपमा छनोट हुनका लागि शनिबार हङकङसँग प्रतिस्पर्धा गर्ने भएको छ । एसीसी प्रिमियर कपको दोस्रो सेमिफाइनलमा घरेलु टोली ओमानसँग शुक्रबार ५ विकेटले पराजित भएपछि हङकङको नेपालसँगको भेट पक्का भएको हो । फाइनल पुगेको ओमानले भने एसिया कपमा पुग्नको लागि आइतबार संयुक्त अरब इमिरेट्स (युएई)को सामना गर्नेछ […]
April 19, 2024
एजेन्सी – संयुक्त अरब इमिरेट्स (युएई) ले एसीसी प्रिमियर कपको उपाधिका घरेलु टोली ओमानको सामना गर्ने भएको छ । दोस्रो सेमिफाइनलमा शुक्रबार हङकङलाई ५ विकेटले हराउँदै ओमानले युएईसँगको फाइनल भेट पक्का गरेको हो । त्यसअघि नेपाललाई ६ विकेटले हराउँदै युएई फाइनलमा पुगेको थियो । हङकङविरुद्ध १ सय ३१ रनको लक्ष्य पछ्याएको ओमानले ४ बल बाँकी […]