6 years ago
January 21, 2018
काठमाडौं (हाम्रो खेलकुद) – मुलुक संघीय ढाँचामा जान लागेको अवस्थामा खेलकुदले पनि संघीय ढाचाको प्रयास शुरुवात गर्ने भएको छ । नेपालको राष्ट्रिय खेल भलिबलले यसै वर्षबाट संघीय ढाँचाको महिला तथा पुरुष भलिबलको थालनी गर्ने प्रयास गरेको छ । नेपाल भलिबल संघका महासचिव जितेन्द्र बहादुर चन्दले ग्रास रुट देखि नै नेपालको राष्ट्रिय खेल भलिबलको विकासको लागि […]
काठमाडौं (हाम्रो खेलकुद) – मुलुक संघीय ढाँचामा जान लागेको अवस्थामा खेलकुदले पनि संघीय ढाचाको प्रयास शुरुवात गर्ने भएको छ । नेपालको राष्ट्रिय खेल भलिबलले यसै वर्षबाट संघीय ढाँचाको महिला तथा पुरुष भलिबलको थालनी गर्ने प्रयास गरेको छ ।
नेपाल भलिबल संघका महासचिव जितेन्द्र बहादुर चन्दले ग्रास रुट देखि नै नेपालको राष्ट्रिय खेल भलिबलको विकासको लागि पहिलो पटक प्रादेशिक ढाचामा प्रतियोगिता आयोजना गर्न लागिएको बताए । ‘देश संघीय ढाचामा जान लागेको अवस्थामा हामीले पनि भलिबल खेललाई संघीय ढाँचामा खेलाउने प्रयास गरेका छौं । यस प्रतियोगिताको मुख्य उद्देश्य ग्रासरुटबाट नै नेपाली भलिबलको विकास गर्ने हो ।’ महासचिव चन्दले भने, ‘जिल्ला स्तरमा खेलाडी छनोट गरेर केन्द्रीय स्तरमा प्रतियोगिता गराउने छौं । नुज प्रतियोगता नेपाल उद्योग वाणिज्य महासंघको दिवस पारेर आयोजना गरिने छ ।’
जसअनुसार माघ २५ गतेबाट फागुन ९ गतेसम्म जिल्ला स्तरीय छनोट हुनेछ । यसमा जिल्लाका गाँउपालिका, नगरपालिका, उपमहानगरपालिका र महानगरपालिका स्तरीय खेल हुनेछ । बढी जिल्ला भएको प्रदेशमा नकआउटका आधारमा छनोट हुनेछ भने कम जिल्ला भएको प्रदेशमा लिग कम नकआउटका आधारमा प्रतिस्पर्धा हुने नेपाल भलिबल संघले जनाएको छ । जिल्ला छनोट सकिएपछि फागुन १० गतेबाट चैत १० गतेसम्म प्रदेशस्तरीय छनोट हुनेछ । प्रदेशको टिम तयार भएपछि केन्द्रमा चैत २० गतेबाट २८ गतेसम्म एफएनसिसिआई कप राष्ट्रिय महिला तथा पुरुष भलिबल प्रतियोगिता लिग कम नकआउटको आधारमा हुने संघले जनाएको छ ।
प्रतियोगिताको महिला/पुरुष दुवैतर्फको विजेताले समान २ लाख प्राप्त गर्नेछ । यस्तै उपविजेताले १ लाख तथा तेस्रो हुने टोलीले ५० हजार रुपैया प्राप्त गर्नेछ ।
एफएनसिसिआई कप राष्ट्रिय महिला तथा पुरुष भलिबल प्रतियोगितामा यसपटक विभागीय टोलीले प्रतिस्पर्धा गर्न नपाउने नेपाल भलिबल संघले जनाएको छ । ‘विभाग हरेक खेलमा सधै राम्रो टोली हो । विभागविना कुनैपनि खेल हुन सक्दैन । तर, हाम्रो उद्देश्य ग्रासरुटबाटै भलिबल खेलाडी उत्पादन गर्ने हो ।’ संघका महासचिव चन्दले भने, ‘हरेक प्रतियोगितामा विभागले नै वर्चस्व जमाउदै आएको छ । विभागीय टोलीहले सहभागिता जनाउने प्रतियोगितामा अन्य टोली सहभागी नभएका उदाहारणहरु पनि छन् ।
मोफसलको खेलाडीको स्तर वृद्धिको लागि यो प्रतियोगिता हुनेछ । विभागका खेलाडीले पनि यस प्रतियोगितामा सभागिता जनाउन नपाउने संघले जनाएको छ ।
एफएनसिसिआई कप राष्ट्रिय महिला तथा पुरुष भलिबल प्रतियोगितालाई नेपाल उद्योग वाणिज्य महासंघले तीन वर्षको लागि मुख्य प्रायोजन गरेको छ । प्रायोजन रकम नखुलाएपनि प्रतियोगिताको वार्षिक बजेट १ करोड २० लाख रहेको जनाइएको छ ।
सम्झौता पत्रमा नेपाल भलिबल संघका अध्यक्ष मनोरन्जनरमण शर्मा र नेपाल उद्योग वाणिज्य महासंघका उपाध्यक्ष उमेश लाल श्रेष्ठले हस्ताक्षर गरे । सम्झौता पछि महासंघका उपाध्यक्ष उमेशलाल श्रेष्ठले तीन वर्षे कार्यकाल रहेकाले तीन वर्षसम्म समझौता गरिएको र त्यसपछि पनि सम्झौता थप्दै जाने विश्वास व्यक्त गरे ।
नेपाल उद्योग वाणिज्य महासंका अध्यक्ष भवानी राणाले नयाँ कार्यको थालनी संघले लिएको बताईन् । ‘भलिबललाई राष्ट्रले नै एडप्ट गरेको छ । हामीले किन नगर्ने भनेर भलिबल नै रोजेका हौं । अध्यक्ष राणाले भनिन्, ‘सहयोग गर्ने सम्पूर्णलाई धन्यवाद ।’
April 26, 2024
काठमाडौं (हाम्रो खेलकुद) – सुदूरपश्चिमसँग ३ विकेटले पराजित हुँदा बागमती प्रदेश रन रेटको आधारमा वीर गणेशमान सिंह राष्ट्रिय टी-ट्वान्टी च्याम्पिनसीपको लिग चरणबाट बाहिरिएको छ। जितले बागमती अंक तालिकाको शीर्षस्थानमा रहँदै फाइनलमा पुग्ने थियो। तर हारले रन रेटको आधारमा बाहिरिएको हो। बागमतीको हारमा लुम्बिनी प्रदेश र कर्णाली प्रदेश फाइनलमा प्रवेश गर्न सफल भएका छन्। कम स्कोरको […]
April 26, 2024
काठमाडौं (हाम्रो खेलकुद) – नेपाल एपिएफ क्लब र नेपाल पुलिस क्लब सातौँ केएनपी नेरोलेक राष्ट्रिय महिला भलिबल प्रतियोगिताको उपाधिका लागि भिड्ने भएका छन्। शुक्रबार त्रिपेरेश्वरस्थित राष्ट्रिय खेलकुद कभर्डहलमा भएको दोस्रो खेलमा साविक विजेता चन्द्रागिरी नगरपालिका न्यु डायमण्ड महिला भलिबल क्लबलाई ३–२ को सेटमा पराजित गर्दै एपीएफले फाइनलमा स्थान पक्का गरेको हो। साविक उपविजेता समेत रहेको […]
April 26, 2024
काठमाडौं (हाम्रो खेलकुद) – विभागीय डर्वी भिडन्तमा त्रिभुवन आर्मी क्लबलाई पराजित गर्दै नेपाल पुलिस क्लब सातौं केएनपी नेरोलेक राष्ट्रिय महिला भलिबल प्रतियोगिताको फाइनलमा प्रवेश गरेको छ । राउन्ड रोविन लिगको अन्तिम खेलमा आर्मीलाई ३–१ को सेटमा पराजित गर्दै पुलिसले फाइनलमा स्थान सुरक्षित गरेको हो । पहिलो खेल गुमाएको पुलिसले त्यसपछि दोस्रो खेलमा चन्द्रागिरि नगरपालिका न्यु […]