काठमाडौं (हाम्रो खेलकुद)–नेपाली राष्ट्रिय भलिबल टोलीले शनिबार हङकङ नेपलिज टिमलाई ३-१ ले हराएको छ। हङ्कङको चुनमुन बाटर्फ्लाईबिचको कोर्टमा भएको खेलमा नेपाली टोलीले यहाँ बसोबास गर्ने नेपालीहरुको टोली हङकङ नेपलिज टिमलाई २५-२३, २५-२०, २०-२५, २५-१७को सेटमा पराजित गरेको हो ।
तस्बिर सौजन्य : एनएसजेएफ
नेपाली राष्ट्रिय भलिबल टोलीले शनिबार हङकङ नेपलिज टिमलाई ३-१ ले हराएको छ। हङ्कङको चुनमुन बटरफ़्लाई पार्कको कोर्टमा भएको खेलमा नेपाली टोलीले यहाँ बसोबास गर्ने नेपालीहरुको टोली हङकङ नेपलिज टिमलाई २५-२३, २५-२०, २०-२५, २५-१७को सेटमा पराजित गरेको हो ।
नेपालका प्रशिक्षक जगदिश् भट्टले पहिलो रोजाइको टोलीलाई आरम दिएकाले तेस्रो सेट गुमाउनु परेको बताए । ‘भोली हङकङबिरुद्द खेल्नु पर्ने भएकाले ४० प्रतिशत मात्र इफोर्ट लगाएर खेलेका थियौ । उनिहरूले पनि राम्रो खेले । कमजोरी सुधार गरी भोली हङकङबिरुद्द राम्रो गर्ने छौं ।’
पुर्व राष्ट्रिय खेलाडी सञ्जय अर्यालको कप्तानीमा रहेको हङकङ नेपलिज टिममा उत्तम थापा, सुनिल श्रेष्ठ, राजु रोका, जसबहादुर गुरुङ, नैना गुरुङ, गंगा गुरुङ, युबराज गुरुङ, मिलन शाही, धनु श्रेष्ठ, कुशल कार्की र रविन खड्का थिए । नेपाली भलिबल टोलीले आइतबार र सोमबार हङकङको भलिबल टोलीसँग मैत्रीपूर्ण खेल खेल्नेछ । लगत्तै मकाउसँग बूधबार मैत्रिपूर्ण खेल खेल्नेछ ।
