काठमाडौं (हाम्रो खेलकुद)- नेपाली राष्ट्रिय भलिबल टोलीले सोमबार भएको मैत्रिपूर्ण खेलमा हङकङलाई ३–१ को सेटमा पराजित गर्दै दुई मैत्रीपूर्ण खेलको शृंखला आफ्नो पक्ष्यमा पार्न सफल भएको छ । हङकङको पो विंग रोड स्पोर्टस सेन्टर, सिउंग सोइमा भएको खेलमा नेपालले हङकङलाई २५-१६, २५-१४, २६-२८, २७-२५ को स्कोरले पराजित गरेको हो। नेपालले हिजो भएको पहिलो खेल ३-२ ले आफ्नो पक्ष्यमा पारेको थियो।
तस्बिर सौजन्य : एनएसजेएफ
नेपालका प्रशिक्षक बिरेन्द्रप्रसाद चौधरी हिजोको भन्दा आज राम्रो भएको बताए । ‘ हिजोको भन्दा केटाहरु आज खुलेर खेलेर जित सजिलै निस्क्यो।’ उनले भने,’ मान बहादुरले राम्रो खेल्दा टोलिको प्रदर्शन राम्रो गर्यो । हङकङले सट बल फास्ट गेम खेल्दियो त्यसैले तेस्रो सेट गुमायौ।’
नेपाली टोलीका कप्तान इम रानामगरले भने,’ समग्रमा राम्रो भयो । हिजोको तुलनामा रीसिभ डिफेन्स राम्रो भयो पहिलो र दोस्रो सेटमा तर तेस्रो सेटमा केही बिग्रियो अन्तिम सेट १५ सम्म उनिहरूले हामीलाई दबाबमा राखे पनि रीसिभ ब्लक र तालमेल राम्रो भयो ।’ रानामगरले सबै नेपालीहरुलाई धन्यवाद दिए र घरमै खेलेको अनुभूति भएको बताए।
