काठमाडौं (हाम्रो खेलकुद) – शीर्ष स्थानमा रहेको शिवम् न्यु डायमण्ड एकेडेमी र टप्स उच्च मावि पोखराले राजधानीमा जारी १३ औं संस्करणको ‘रेडबुल ढोरपाटन युएम महिला डबल लिग भलिबल’ प्रतियोगितामा बुधबार दोहोरो जित निकालेको छ ।

नयाँ बसपार्कस्थित ढोरपाटन क्लबको खेल मैदानमा बुधबार भएको दोस्रो लिगको खेलमा शीर्ष स्थानमा रहेको डायमण्डले श्रीगाँउ खेलकुद विकास समिति दाङ र विभागीय त्रिभुवन आर्मी क्लबलाई ३–० को सोझो सेटमा पराजित ग¥यो । डायमण्डले श्रीगाँउलाई २५–१६, २५–१२ र २५–७ को सोझो सेटमा पराजित ग¥यो । खेलमा प्रतिभा माली वुमन अफ दि म्याच घोषित भईन् । अर्काे खेलमा विभागीय त्रिभुवन आर्मीमाथि २५–१२, २५–१८ र २५–१७ को सहज जित दर्ता गर्दा ललितानाथ वुमन अफ दि म्याच घोषित भईन् ।
बुधबारै टप्स पोखराले मेघौली स्पोर्टस् एण्ड एजुकेशन क्लब चितवनलाई २५–८, २५–१५ र २५–१४ को सोझो सेटमा पराजित गर्न सफल भयो । खेलमा टप्सकी कप्तान मञ्जु गुरुङ वुमन अफ दि म्याच घोषित भईन् । अर्काे खेलमा श्रीगाँउ खेलकुद विकास समिति दाङलाई २५–८, २५–१५ र २५–१० का सेटमा पराजित गर्दै दोहोरो जित निकाल्न सफल भयो । खेमा परीक्षा गुरुङ वुमन अफ दि म्याच घोषित भईन् ।

यस्तै विभागीय नेपाल एपीएफ क्लबले अर्काे विभागीय टोली नेपाल पुलिस क्लबलाई २५–१२, २५–१८ र २५–१७ को सोझो सेटमा पराजित गर्दै लिगमा अपराजित रहन सफल भयो । खेलमा एपीएफकी सरस्वती चौधरी वुमन अफ दि म्याच घोषित भईन् ।

दोहोरो जितसँगै डायमण्ड १५ खेलबाट ४३ अंक जोड्दै लिगको शीर्ष स्थानमा यथावत छ । १२ खेलबाट ३५ अंकसहित एपिएफ लिगको दोस्रो स्थानमा यथावत छ । टप्स १५ खेलबाट ३३ अंकसहित तेस्रो स्थानमा उक्लिएको छ । पुलिस १३ खेलबाटै २७ अंकसहित चौथो स्थानमा झरेको छ । १३ खेलबाटै आर्मी २४ अंकसहित पाँचौ स्थानमा यथावत छ ।

प्रतियोगिता अन्र्तगत बिहिबार पाँच खेल हुने ढोरपाटन क्लबका अध्यक्ष मनवीर छन्त्यालले जानकारी दिए । पहिलो खेलमा श्रीगाँउ दाङ र मेघौलीबीच खेल हुनेछ । नेपाल एपीएफ क्लब र त्रिभुवन आर्मी क्लबबीचको पहिलो लेगको खेल हुनेछ । यस्तै पुलिसले मेघौली, शिवम् न्यु डायमण्डले टप्सको तथा एपीएफले आर्मीसँग प्रतिस्पर्धा गर्नेछ । माघ ४ गतेबाट शुरु भएको प्रतियोगिता माघ २० सम्म चल्नेछ ।