6 years ago
April 23, 2018
काठमाडौं (हाम्रो खेलकुद) – बंगलादेशमा जारी चौथो एसियन भलिबल कन्फेडेरेसन (एभिसी) सेन्ट्रल जोन सिनियर मेन्स भलिबल च्याम्पियनसिप अन्तर्गत नेपालको सेमिफाइनलमा स्थान पक्का भएको छ।
सोमबार भएको खेलमा आयोजक बंगलादेशले माल्दिभ्सलाई २५-१५, २५-१५, २५-२२ को सोझो सेटमा पराजित गरेपछि नेपालले समूह ‘ए’ को उपविजेताको रुपमा अन्तिम ४ मा स्थान पाएको हो। नेपालले सेमिफाइनलमा समूह ‘बी’को विजेता तुर्कमेनिस्तानको सामना गर्नेछ। समूह चरणको दुवै खेलमा विजयी बंगलादेश भने समूह विजेताको रुपमा सेमिफाइनल पुगेको छ। समूह ‘बी’ को उपविजेता टुंगो लाग्न बाँकी छ।
प्रतियोगितामा आयोजक बंगलादेशसँग ३–१ को सेटमा पराजित हुँदै सुरुआत गरेको नेपाली टोलीले दोस्रो खेलमा माल्दिभ्समाथि ३-० को सोझो सेटमा जित हात पारेको थियो।
मध्य एसियाका दोस्रो स्तरका टोलीहरुका लागि प्रत्येक बर्ष आयोजना हुदै आएको सेन्ट्रल जोन प्रतियोगिता नेपालका लागि महत्वपुर्ण प्रतियोगिता हो । प्रतियोगितामा ६ टोलीको सहभागिता छ। समूह ‘बी’ मा किर्गिस्तान, उजबेकिस्तान र तुर्कमेनिस्तान छन्। प्रतियोगिताको सेमिफाइनल विजेताबीच फाइनल र तेस्रो स्थानको खेल शुक्रबार हुनेछ।
सेन्ट्रल जोन प्रतियोगिताको चौथो संस्करण आयोजना भईरहदा नेपालले पनि चौथो पटक सहभागिता जनाएको हो । यही प्रतियोगितामा नेपालले गतवर्ष कास्य जित्दै ४२ वर्षे भलिबल इतिहासमा ऐतिहासिक पदक हात पारेको थियो ।
नेपाली टोलीका प्रशिक्षक जगदिश भट्टले सेमिफाइनलमा पनि नेपाली टोलीले शसक्त प्रदर्शन गर्ने बताए । उनले प्रतियोगितामा पदक नजिक पुगेकाले पनि तुर्कमेनिस्तानसँग शसक्त प्रदर्शनको हुने बताए । ‘हामी अव प्रतियोगितामा पदक नजिक पुगेका छौं । सेमिफाइनलको एक जितले हामी कम्तिमा काश्य जित्ने छौं’, प्रशिक्षक भट्टले भने, ‘त्यसैले सेमिफाइनलमा हामी शसक्त प्रदर्शन गर्ने छौं ।’ उनले तुर्कमेनिस्तान तुलनात्मक रुपमा सहज प्रतियोगिता भएको पनि बताए ।
‘तुर्कमेनिस्तानको टोलीसँग हाईटको एडभान्टेज छैन । उनिहरु पनि हाम्रै उचाईका खेलाडी हुन् । त्यसैले तुर्कमेनिस्तान हाम्रा लागि तुलनात्मक रुपमा सहज प्रतिद्धन्दि हो’, प्रशिक्षक भट्टले भने ।
नेपाली टोलीका कप्तान इम राना मगरले पनि पदकका लागि तुर्कमेनिस्तानसँग शसक्त प्रदर्शन गर्ने प्रतिकृया दिए । ‘तुर्कमेनिस्तानको खेल केही छिटो छ । उनिहरुको खेल हामीले हेरेका छौं । त्यही अनुसारको योजना पनि बनाएका छौं’, कप्तान राना भन्छन्, ‘हामी तुर्कमेनिस्तानसँग जित कै लागि खेल्ने छौं ।’
नेपाली टोलीले सेमिफाइनलमा जित हात पारे उपाधिको सम्भावना मात्रै बढाउने छैन, कम्तिमा रजत पदक पक्का गर्ने छ । नेपालले गत बर्ष माल्दिभ्समा भएको प्रतियोगिताबाट नेपालले काश्य पदक जितेको थियो । अन्तर्राष्ट्रिय प्रतियोगितामा नेपाली भलिवलले जितेको त्यो नै पहिलो र एक मात्र अन्र्तराष्ट्रिय पदक बनेको छ ।
May 19, 2024
एजेन्सी – चेन्नाई सुपर किंग्सलाई पराजित गर्दै रोयल च्यालेनजर्स बेंगलूरु (आरसीबी) इंडियन प्रिमियर लिग (आईपिएल) को प्लेअफमा पुग्न सफल भएको छ । लिग चरणको आफ्नो अन्तिम खेलमा शनिबार चेन्नाई माथि २७ रनको जित दर्ता गर्दै आरसीबी प्लेअफका लागि छनोट भएको हो । पहिलो ८ खेलमा १ खेल मात्र जितेको आरसीबीले त्यसपछिका लगातार ६ खेल जित्दै […]
May 18, 2024
काठमाडौं (हाम्रो खेलकुद) – विश्वकप तयारीका लागि सेन्ट भिन्सेन्ट एण्ड द ग्रेनाडिन्स पुगेको नेपाली टोलीले विनवार्ड्स भोलक्यानोज विरुद्धको तेस्रो तथा अन्तिम अभ्यास खेलमा टस हारेको छ । घरेलु टोलीका कप्तानले टस जितेर ब्याटिङ गर्ने निर्णय गरेपछि नेपालले पहिला फिल्डिङ गर्ने भएको छ । नेपालले टोलीमा तीन परिवर्तन गरेको छ । पछिल्लो खेल खेलेका ललित राजवंशी, दीपेन्द्र […]
May 18, 2024
ललितपुर (हाम्रो खेलकुद) – काठमाडौं महानगरपालिकाले गोदावरी प्रथम उपत्यकाब्यापी अन्तर पालिका मेयर कप फुटबल प्रतियोगिताको उपाधि जितेको छ । प्रस्तावित गोदावरी बहुउदेश्यीय रंगशालाको झ्यालुन्टार मैदानमा शनिबार भएको फाइनलमा चन्द्रागिरी नगरपालिकालाई २–१ गोल अन्तरले हराउँदै काठमाडौं च्याम्पियन बनेको हो । काठमाडौंका लागि अखिलेष कार्की र दीपेश श्रेष्ठले गोल गरे । उपाधिका साथ काठमाडौंले ५ लाख रुपैयाँ […]