केएनपी भलिबल -पश्चिमाञ्चल सेमिफाइनलमा

काठमाडौं (हाम्रो खेलकुद) – चौथो केएनपी राष्ट्रिय महिला भलिबल प्रतियोगितामा समूह चरणको अन्तिम खेलमा पश्चिमाञ्चल भलिबल टोलीले जावलाखेल भलिबल प्रशिक्षण केन्द्रलाई २५-१३,२५-२० र २५-२० को सोझो सेटमा पराजित गर्दै प्रतियोगिताको सेमिफाइनलमा स्थान बनाएको छ।

समूह ए को पहिलो खेलमा साविक विजेता नेपाल एपिएफसँग ३-० को सोझो सेटमा पराजित पश्चिमाञ्चलले समूहको उपविजेताको रुपमा अन्तिम ४ मा स्थान बनाएको हो। भोली हुने दोस्रो सेमिफाइनलमा पश्चिमाञ्चलले समूह ‘बी’को विजेता नेपाल पुलिस क्लबको सामना गर्नेछ। समूहको दुवै खेलमा कमजोर प्रदर्शन गरेको जावलाखेल भने प्रतियोगिताबाट बाहिरिएको छ।

आजै भएको पहिलो खेलमा शिवम् न्यु डायमण्डले त्रिभुवन आर्मीलाई ३-२ ले पराजित गर्दै सेमिफाइनलमा स्थान बनाएको थियो। डायमण्डले भोलीको पहिलो सेमिफाइनलमा एपिएफको सामना गर्नेछ।