एसियन गेम्स – भलिबलमा नेपाल कोरिया र ताइपेसँग भिड्ने

काठमाडौं (हाम्रो खेलकुद) – इन्डोनेसियामा भदौमा आयोजना हुने एसियन गेम्स अन्तर्गत पुरुष भलिबलमा सार्वजनिक भएको ‘ड्र’ अनुसार नेपाली टोलीले समूह ‘डी’ मा दक्षिण कोरिया र चाइनिज ताइपेसंग खेल्नेछ। पुरुष भलिबलमा २० राष्ट्रको सहभागिता रहेको छ । २० टोलीलाई ६ समूहमा विभाजन गरिएको छ । हरेक समूहका शीर्ष दुई टिमले दोस्रो चरणको यात्रा तय गर्नेछ ।

नेपालको राष्ट्रिय भलिबल टोलीले तीन दशक भन्दा लामो समयपछि एसियाली खेलकुद (एसियाड) मा भाग लिंदैछ । नेपालको भलिबल टोलीले पछिल्लो पटक सन् १९८४ सिओल एसियाडमा भाग लिएको थियो । एसियन गेम्सको इतिहासमा नेपालको यो चौथो सहभागिता हुनेछ।

त्यस्तै समूहकै अर्को टोली चाइनिज ताइपेको भने यो आठौँ ताथा कोरियाको १५ औं सहभागिता हुनेछ। दक्षिण कोरिया तीन पटकको विजेता पनि हो। पछिल्लो पटक २००६ मा कतारमा सम्पन्न प्रतियोगितामा चिनलाई ३-१ ले पराजित गर्दै उपाधि जितेको थियो।

नेपालले प्रतियोगिता अन्तर्गत २२ अगस्टमा ताइपेसँग पहिलो खेल खेल्नेछ।