नेपाल स्पोर्टस फाउन्डेसनले फिक्टसको सहकार्यमा आयोजना गरेको नेपाल अन्तराष्ट्रिय खेलकुद फिल्म महोत्सव काठमाडौंमा समापन भएको छ |

नेेपालका तिन र विदेशका तिन गरी दुई दिनमा कुल छ वटा फिल्म देखाइएको महोत्सवमा चार वटा प्यानल वार्ता सेसन पनि समावेश थिए | खेलकुद र त्यसको वरपर आधारित रहेर गरिएको वार्तालापमा खेलकुद लगाएत विविध क्षेत्रका हस्ती हरुलाई सहभागि गराइएको थियो |

तिन नेपाली फिल्ममध्ये भने फोटोजर्नालिस्ट विजय गजमेरको ‘आकाश’ नामक सर्ट-मुभिलाई उपहारस्वरुप गो-प्रो क्यामरा क्यामरा प्रदान गरियो | यसका साथै महोत्सवमा बहुचर्चित क्रिकेट सम्बन्धि वृतचित्र ‘डेथ अफ अ जेन्टलम्यान’ पनि देखाइएको थियो |

फिल्म बाहेक विभिन्न विषयमा गरिएको प्यानल वार्तामा दर्शक हरुले पनि अन्तरक्रिया गरेका थिए |

सर्च फर कमन ग्राउन्डस, फ्याक्ट्स नेपाल, नेपाल इन्डिपेन्डेन्ट फिल्म मेकर्स सोसाइटिले शान्ति स्थापनाका लागि खेलकुद, नेपालको खेलकुदको अहिलेको अवस्था, नेपालमा खेलकुद फिल्मको सम्भावना लगाएतको विषयमा अन्तर्क्रिया कार्यक्रम गरेका थिए |

आयोजक नेराल स्पोर्टस फाउन्डेसनले दोश्रो संस्करण सफल भएको टिप्पणी गर्दै आगामी सालमा तेश्रो संस्करण आयोजना गर्ने र सो समयमा अझै बढि नेपाली फिल्म बन्ने आशा रहेको प्रष्ट्याए |