काठमाडौं । तेस्रो एनभिए कप राष्ट्रिय महिला तथा पुरुष क्लब भलिबल च्याम्पियनसिपको महिलातर्फको उपाधि विजेता न्यु डायमन्ड एकेडेमीकी समीक्षा घिमिरे एक्सिलेन्सी पुरस्कारबाट सम्मानित भएकी छन् ।
न्यु डायमन्ड एकेडेमीमा कक्षा ९ मा अध्ययनरत घिमिरे सुन्न नसके पनि विगत ४ बर्षदेखि नियमित रुपमा राष्ट्रिय प्रतियोगितामा उत्कृष्ट प्रदर्शन गर्दै आएकी छन् । उनलाई शेरबहादुर खड्का प्रतिष्ठानका अध्यक्ष रञ्जन खड्काले एक्सिलेन्सी ट्रफीसहित नगद १० हजार बाट पुरस्कृत गरेका हुन् ।
पूर्व राष्ट्रिय खेलाडी तथा भलिबल संघका उपाध्यक्ष खड्काले समीक्षाले भलिबल खेलमा देखाएको समर्पणका लागि सम्मान गरेको बताए ।
