3 years ago
April 8, 2021
सुबास हुमागाईं, काठमाडौं पछिल्लो पटक रंगशालामा भएको फाइनलमा आँखाभरी आँसु बोकेर स्ट्रेचरमा मैदान छाडेकी प्रतिभा मालीको बिहीबार फाइनल सकिँदा पनि आँखा ओभानो रहेन । दुखपछिको खुसीको थप महत्त्व हुने भएकोले नै होला अन्य खेलाडीभन्दा स्पाइकर प्रतिभालाई न्यु डायमन्ड लिग च्याम्पियन बन्दाको क्षण केहि विशेष थियो । गत वर्ष माघमा न्यु डायमन्ड विरुद्ध एपिएफको फाइनल, प्रतिस्पर्धात्मक खेलमा […]
सुबास हुमागाईं, काठमाडौं
पछिल्लो पटक रंगशालामा भएको फाइनलमा आँखाभरी आँसु बोकेर स्ट्रेचरमा मैदान छाडेकी प्रतिभा मालीको बिहीबार फाइनल सकिँदा पनि आँखा ओभानो रहेन । दुखपछिको खुसीको थप महत्त्व हुने भएकोले नै होला अन्य खेलाडीभन्दा स्पाइकर प्रतिभालाई न्यु डायमन्ड लिग च्याम्पियन बन्दाको क्षण केहि विशेष थियो ।
गत वर्ष माघमा न्यु डायमन्ड विरुद्ध एपिएफको फाइनल, प्रतिस्पर्धात्मक खेलमा दर्शकहरुको उत्साह एक्कासी सन्नाटामा बदलियो । प्रतिभाको स्पाइक ब्लक भएपछि बल बाहिर गयो, अंक त डायमन्डले पायो तर उक्त स्पाइकपछि ल्यान्ड गर्दा उनी चोट बोक्न पुगिन् ।
त्यसबेला क्लब च्याम्पियनसिपको फाइनलमा उनले घुँडामा गम्भीर चोट बोकेकी थिइन् । उक्त खेलमा एपिएफलाई हराउने संघारमा पुगेको टोली प्रतिभाको कारण फाइनलमा पराजित हुन पुगेको थियो ।
एसीएल शल्यक्रिया गरेको १४ महिनापछि प्रतिभा फेरी रंगशालामा लिग च्याम्पियनसिपको फाइनलमा उत्रिइन् । यसपटक भने चोटपछिको पुनरागमनलाई सुखद बनाउने क्रममा उनले टोलीलाई उपाधि दिलाइन् । यससँगै डायमन्डले उपाधि खडेरीमा पनि पूर्णविराम लगायो ।
प्रतिभा आफैं उपाधि जित्दा खुसी देखिएपनि आफ्नो पुनरागमन भने अझै बाँकी रहेको बताउँछिन् । उनी भन्छिन, ‘अझै पूरै फर्केको छैन, मैले केहि गरेजस्तो नै लागेको छैन । अझै लयमा आउन अझै बाँकी छ ।’
प्रतिभा आफैं यसो भनिरहँदा उनको १४ महिना लामो यात्रामा धेरै पक्ष छन् जसले यसलाई सार्थकता दिए । यसमा घर परिवारको साथ, आफ्नो टोलीको सहकार्यसँगै उनलाई मैदान फर्काउन कटिबद्ध भएर लागेका डाक्टर र फिजियोथेरापिस्टको पनि उत्तिकै मिहिनेत छ ।
बिहीबार प्रतिभा मैदानमा उत्रँदा उनको टोली र परिवारसँगै न्यु डायमन्डसँग सहकार्य नै अघि गरेको अर्थोप्लास्ट रिह्याबिलिटेसन सेन्टरका फिजियोहरुको पनि उपस्थिति थियो । न्यु डायमन्डको जित त छँदै छ, प्रतिभाको सफल पुनरागमनलाई हेर्न पाउँदा उनीहरु निकै हर्षित देखिन्थे ।
त्यसो त प्रतिभाको चोटपछि क्लबले रिह्याबिलिटेसन सेन्टरसँग सम्झौता गरेर नै खेलाडीहरुलाई प्रतियोगिता मात्र नभएर प्रशिक्षणमा पनि फिजियो उपलब्ध गराएको छ । केहि हदसम्म खेलाडीको फिटनेस र चोटमुक्त हुनुमा यसले सहयोग पुर्याएको छ । अझ लामो समयदेखि चोटबाट गुज्रिरहेका प्रतिभा, अरुणा शाही, ललिता नाथ लगायत खेलाडीलाई फिजियोको उपस्थितिले सहयोग पुगेको छ ।
पछिल्लो समय टोलीसँग रहेका फिजियो उज्ज्वल डोटेल प्रशिक्षण स्थलमै पनि पुग्ने गरेका छन् । खेलाडीको अवस्थाबारे उनी उत्तिकै जानकार छन् । अर्थोप्लास्टले यसअघि नेपालगन्जमा भएको प्रधानमन्त्री कपमा रोशन मगरलाई टोलीसँग पठाएको थियो । यसबाहेक सेन्टरले क्लबको प्रशिक्षण स्थलमै गैर स्वास्थ्य निर्देशक सुरज भुषालको उपस्थितिमा सबै खेलाडीसँग अन्तरक्रिया पनि गरेका थिए ।
विगत एक वर्षका दौरान प्रतिभाले निकै मिहिनेत गरेकी छिन् । शल्यक्रियाको केहि सातासम्म सामान्य फिजियो गरेकी उनले त्यसपछि भने लगातार ग्वार्कोस्थित सेन्टरमै पुगेर नियमित फिजियो गराइन् । लकडाउनको कारण कठिन परिस्थितिमा पनि उनले घरमै रहेर आफ्नै हिसाबले परामर्श लिँदै आफ्नो लक्ष्यमा लागिरहिन् ।
अझ टोलीसँग नियमित फिजियो नै हुने भएपछि उनको ग्राउन्ड रिह्याबिलिटेसनमा निकै सहयोग पुगेको थियो । उनलाई खेलमा फर्कन पनि प्रशिक्षक कुमार राईले फिजियोकै सल्लाह अनुसार प्रयोग गरे ।
एपिएफविरुद्ध पोखरामा भएको मैत्रीपूर्ण खेलबाट मैदान फर्किएकी उनले केहि समय मात्र कोर्टमा बिताइन् । त्यसपछि टाइगर कपमार्फत भने उनले प्रतिस्पर्धात्मक खेल खेलिन् । त्यसपछि प्रधानमन्त्री कपमा उनको प्रदर्शनमा निखार पनि देखियो ।
एनभीए लिगमा उनी लयमा फर्किएको लख काट्न सकिन्थ्यो । उनी प्रतियोगिताकै सर्वोत्कृष्ट खेलाडी हुनुले पनि त्यसलाई पुष्टि गरेको छ । तर प्रतिभा त्यो मान्न तयार छैनन् । उनलाई लाग्छ उनीबाट अझै राम्रो प्रदर्शन आउँछ । र नेपाल अब भदौमा एसियाली च्याम्पियनसिप खेल्ने तयारी गरिरहँदा प्रतिभाबाट यस्तो दृढता आउनु सुखद पक्ष हो ।
April 25, 2024
काठमाडौं (हाम्रो खेलकुद) – आइसीसी टि२० विश्वकपको तयारीका लागि वेस्ट इन्डिज ए विरुद्ध खेल्ने सिरिजका लागि नेपालले १६ सदस्यीय टोली घोषणा गरेको छ । एसीसी प्रिमियर कपका लागि ओमान पुगेको टोलीमा ब्याटर आरिफ शेखलाई समेट्दै १६ सदस्यीय टोली घोषणा गरिएको हो । युवा बलर आकाश चन्द पनि वेस्ट इन्डिज ए सिरिजमा छन् । उनी ओमानमा […]
April 25, 2024
सुर्खेत (हाम्रो खेलकुद) – महिला लिग छनोटमा कर्णाली प्रदेशले बुधबार बागमती प्रदेशलाई ३–२ ले पराजित गरेको छ । छनोटमा घरेलु टोली कर्णालीको तेस्रो खेलमा यो दोस्रो जित हो । बागमतीले भने अंकको खाता खोल्न सकेको छैन । सर्खेतस्थित कर्णाली प्रदेश रंगशालामा भएको खेलको ४१ औं मिनेटमा सुनकला राईले गोल गर्दै कर्णालीलाई अग्रता दिलाइन् । तर […]
April 25, 2024
एजेन्सी – म्यानचेस्टर युनाइटेडले इंग्लिस प्रिमियर लिग बुधबार पूनरागमन जित निकालेको छ । दुई पटक खेलमा पछि परेको युनाइटेडले सेफिल्ड युनाइटेडलाई ४–२ ले हराएको छ । घरेलु मैदान ओल्ड ट्राफोडमा युनाइटेड ३५ औं मिनेटमा पछि परेको थियो । सेफिल्डका लागि जयडेन बोग्लेले गोल गरे । युनाइटेडका ह्यारी मगुएरले ४२ औं मिनेटमा गोल फर्काएपछि पहिलो हाफमा […]