एजेन्सी – सन् २०१८ मा पोर्चुगिज सुपरस्टार फरवार्ड क्रिस्टियानो रोनाल्डोले अप्रत्यासित रुपमा रियल म्याड्रिड छाडे । त्यही समयमा रियलले ब्राजिली युवा प्रतिभावान् विंगर भिनिसियस जुनियरले फ्लामेङ्गोबाट क्लबमा अनुबन्ध गरिसकेका थिए ।

सुरुवाती समयमा विरलै मौका पाएका भिनिले पछिल्लो समय जति खेलमा मौका पाएका छन् । ति सबै खेलमा आफ्नो बलियो उपस्थिति जनाएका छन् । अझ भन्नुपर्दा रियल म्याड्रिडमा उनले आफ्नो प्रदर्शनको गति सुधार्दै स्टार खेलाडीको उभिएका छन् ।

यो सिजन कार्लाे एन्सेलोटीको नजरमा लगातार पहिलो रोजाईम मौका पाइरहेको २१ वर्षीय भिनिले १९ खेल खेल्दा ११ गोल गरिसकेका छन् । निर्णायक गोल गरिरहेका छन् । यो सिजन आधा नहुँदै उनले आफ्नो करिअरको सबैभन्दा उत्कृष्ट समय व्यतित गरेका छन् । पुरै सिजनमा उनले यसअघि १० गोल गर्दा यो सिजन उनले त्यसलाई उछिनेका छन् । ‘फ्युचर सिआर सेभेन’ भन्दै उनको नाम रोनाल्डोसँग जोडिएको थियो ।

असीमित क्षमताका कारण स्टार खेलाडी रोनाल्डोसँग तुलना भएतापनि आफ्नो प्रतिभालाई खुलेर प्रस्फुटन गर्न नसकेका भिनि यो सिजन भने विस्फोटक फर्ममा देखिएका छन् । उनले आफुलाई रियलको अहिलेको टोलीमा महत्वपूर्ण खेलाडीका रूपमा स्थापित गराईसकेका छन्।

सम्भवतः भविष्यमा केलियन एमबाप्पे थपिने कुरा र यो सिजन भिनिसियसको प्रदर्शनले रियल म्याड्रिडलाई खुशी मिल्ने देखिएको छ । रियलले सम्भवत यो जनवरीमा एमबाप्पेलाई अनुबन्धको प्रयास थाल्दै अर्काे समरमा क्लबमा भित्र्याउने योजना छ ।