एजेन्सी – बालोन डी ओर सातौं पटक जितेका पेरिस सेन्ट जर्मेन (पिएसजी) का लिओनल मेस्सी बिरामी परेका छन् । जसका कारण लिग वानमा निसविरुद्ध हुने लिग वानको खेल मेस्सीले गुमाउने सम्भावना देखिएको छ ।

अर्जेन्टिनी सुपर स्टार फुटबल इतिहासमा सर्वाधिक ७ पटक बालोन डी ओर जित्ने एक्लो खेलाडी हुन् । उनी भन्दा पछाडि म्यानचेष्टर युनाइटेडका क्रिस्टियानो रोनाल्डो छन् । रोनाल्डोले ५ पटक जितेका छन् । सोमबार बालोन डी ओरको समारोहपछि मेस्सीले पेटको दुखाई महसुस गरेको बताइएको छ ।

मेस्सीकै उच्च प्रदर्शनबाट पेरिस पिएसजीले पछिल्लो खेलमा ३–१ पूनरागमन जित हासिल गरेको थियो । तीनै गोलमा मेस्सीले एसिस्ट गरेका थिए । यसपटक मेस्सीले जितेको बालोन डी ओर विवादरहित भने रहेन । धेरैको नजरमा रोर्बेट लेवान्डोवस्कीले अवार्ड जित्नुपर्ने तर्क गरेका थिए । कोरोनाका कारण गत वर्ष रद्द गरिएको अवार्ड पनि लेवान्डोवस्कीले जित्नुपर्ने धेरैको तर्क थियो ।

‘मेस्सी र लिआन्द्रो पारेडेसले ग्यास्ट्रिकका कारण मंगलबार प्रशिक्षणमा सहभागी भएनन्’, पिएसजीले जारी मंगलबार जारी गरेको विज्ञप्तीमा भनिएको छ, ‘थप जाँच बुधबार हुनेछ ।’ शनिबार लेन्सविरुद्ध हुने खेलमा भने मेस्सी उपलब्ध हुने अनुमान गरिएको छ ।