2 years ago
December 8, 2021
काठमाडौं (हाम्रो खेलकुद)– युथ एथलेटिक्स च्याम्पियनसिपका कारण दुई दिन पछि सारिएको सहिद कतार एअरवेज सहिद स्मारक ए डिभिजन लिगअन्तर्गत तेस्रो चरणको अन्तिम दुई खेल आज हुँदैछन् ।
दशरथ रंगशालामा दिउँसो १ः०० बजे सुरु हुने खेलमा हिमालय शेर्पा क्लब र नेपाल पुलिस क्लबबीच प्रतिस्पर्धा हुनेछ । त्यस्तै साविक विजेता मछिन्द्र फुटबल क्लब र जावलाखेल युथ क्लबबीचको खेल ४ः४५ बजे सुरु हुनेछ ।
पुलिस अघिल्ला दुई खेलम अपराजित छ । त्रिभुवन आर्मी फुटबल क्लबसँग १–१ को बराबरी खेल्दै यसपटकको लिगको सुरुवात गरेको पुलिसले अर्को खेलमा जावलाखेललाई १–० ले हराएको थियो । पहिलो खेलमा संकटासँग १–१ को बराबरी खेलेको हिमालयन शेर्पा दोस्रो खेलमा मनाङ मस्र्याङ्दी क्लबसँग १–० ले पराजित भएको थियो ।
अर्को तिर मछिन्द्र दुई खेलमा अपराजित छ । पहिलो खेलमा एनआरटीलाई २–१ ले हराएको मछिन्द्र अर्को खेलमा आर्मीसँग गोलरहित बराबरीमा रोकिएको थियो । जावलाखेलले भने अहिले सम्म अंक जोड्द सकेको छैन । मनाङ र पुलिस दुवैसँग जावलाखेल समान १–० ले पराजित भएको थियो ।
तेस्रो चरणका यसअघिका ५ खेलमा फ्रेन्ड्स क्लब र थ्री स्टारले १–१ को बराबरी खेले भने सातदोबाटो युथ क्लबले एपिएफलाई ४–१ ले हरायो । संकटा र मनाङले २–२ तथा एनआरटी र च्यासल युथ क्लबले १–१ को बराबरी खेल्दा आर्मीले ब्रिगेड ब्वाइज क्लबलाई १–० ले हराएको थियो । ७ अंकसहित सातदोबाटो लिग तालिकाको शीर्षस्थानमा रहेको छ ।
May 18, 2024
ललितपुर (हाम्रो खेलकुद) – काठमाडौं महानगरपालिकाले गोदावरी प्रथम उपत्यकाब्यापी अन्तर पालिका मेयर कप फुटबल प्रतियोगिताको उपाधि जितेको छ । प्रस्तावित गोदावरी बहुउदेश्यीय रंगशालाको झ्यालुन्टार मैदानमा शनिबार भएको फाइनलमा चन्द्रागिरी नगरपालिकालाई २–१ गोल अन्तरले हराउँदै काठमाडौं च्याम्पियन बनेको हो । काठमाडौंका लागि अखिलेष कार्की र दीपेश श्रेष्ठले गोल गरे । उपाधिका साथ काठमाडौंले ५ लाख रुपैयाँ […]
May 18, 2024
हिमाल खरेल, बिर्तामोडआयोजक पूर्वेली युवा क्लब रातो बिर्तामोडमा जारी स्वर्गीय दुर्गादेवी श्रेष्ठ स्मृति भेट्रान्स फुटबल प्रतियोगिताको फाइनलमा प्रवेश गरेको छ । बिर्तामोडको डोमालाल राजवंशी रंगशालामा आज भएको अन्तिम सेमिफाइनल खेलमा मोरङको विराट मेगा भेट्रान्स एफसीलाई ५–० ले पराजित गर्दै आयोजक रातो उपाधिनजिक पुगेको हो । जितसँगै आयोजक पूर्वेलीका दुवै टिम फाइनलमा पुगेका छन् । दुवै […]
May 18, 2024
एजेन्सी – बायर लेभरकुसेनले जर्मन शीर्ष डिभिजन बुन्डेसलिगाको २०२३-२४ सिजन भर अपराजित रहँदै लिग उपाधि जितेको छ । लेभरकुसेनले ३४ खेलको लिग सिजन भर कुनै पनि खेलमा हार नबेहोरी लिग सिजन समाप्त गरेको हो । शनिवार भएको लिगको अन्तिम खेलमा लेभरकुसेनले आउसवर्ग माथि २-१ को जित निकाल्दै अपराजित रहेको हो । लेभरकुसेनले ३४ खेलमा २८ […]