काठमाडौं (हाम्रो खेलकुद) – भारतमा अर्काे महिना आयोजना हुने यु–१८ महिला साफ च्याम्पियनसिपको लागि दोस्रो चरणमा ३० खेलाडी छनोट भएका छन् ।

प्रशिक्षक दर्शन भक्त राज लावतले आइतबार प्रारम्भिक चरणमा रहेका ४० खेलाडीबाट १० खेलाडीलाई कटौती गर्दै दोस्रो चरणमा ३० खेलाडी छनोट गरेको हो । दोस्रो चरणमा सानीमाँया स्याङ्तान, रन्जिता चौधरी, दिपिका कथारिया, गोमा रोकाया, प्रेना डोल्मा लामा, मासाङ हिङडुङ, प्रतिक्षा राई, मनिषा सेन, ममता पुन, र समिक्षा मगरले स्थान बनाउन सकेनन् ।

प्रशिक्षक लावतले गत बिहीबार बिहीबार ४० सदस्यीय प्रारम्भिक टोलीको घोषणा गरेको थियो । टोलीले गत सोमबारदेखि नै सातदोबाटोस्थित एन्फा कम्प्लेक्समा प्रशिक्षण सुुरु गरिसकेको छ । टोलीको सहायक प्रशिक्षकमा भगवती थापा रहँदा गोलकिपिङ प्रशिक्षकमा श्री प्रकाश वैद्य रहेका छन् ।

च्याम्पियनसिप १५ देखि २५ मार्चसम्म भारतको जमसेदपुरमा हुदैछ । च्याम्पियनसिपमा आयोजक भारतसँगै नेपाल र बंगलादेशको सहभागिता रहेको छ । यि तीन टोलीले डवल राउन्ड रोविनको आधारमा प्रतिस्पर्धा गर्नेछ । सर्वाधिक अंक बटुल्ने टोली च्याम्पियन बन्नेछ ।

दोस्रो चरणमा छानिएका खेलाडी

सावित्री किसान (गोलरक्षक), लिला जोशी (गोलरक्षक), पुजा थापा (गोलरक्षक), सम्झना चौधरी, सविना चौधरी, मन्जु कुमारी खड्का, प्रतिक्षा चौधरी, गंगा कुमारी चौधरी, कुमारी तामाङ, प्रिया बस्नेत, सीमा रावल, विपना स्नेही, दिव्या यस्माली मगर, दीपा शाही, अनु राई, हीमा रावत, सरस्वती हमाल, प्रिति राई, सुष्मा जिटी, सुनकला राई, अञ्जली माचामासी, तुलसा बोहरा, सराह बज्राचार्य, जेनिफर राना, सरिष्मा थापा, सदिपा भोलान, कुसुम खतिवडा, अमिषा कार्की, मनमायाँ परियार र गरिमा राई ।