2 years ago
March 20, 2022
एजेन्सी – उच्च वा खराब फर्म जुन अवस्थामा हुँदा पनि पेरिस सेन्ट जर्मेन (पिएसजी) का सुपर स्टार लियोनल मेस्सीको चर्चा हुन्छ नै । च्याम्पियन्स लिगको अन्तिम १६ बाटै पिएसजी बाहिरिएपछि मेस्सीको भविष्यका विषयमा चर्चा पुन: सुरु भएको छ । पिएसजीमा पनि उनलाई लिएर केहि दुविधा रहेको बताइन्छ । पिएसजीले भविष्यमा पनि मेस्सीलाई मुख्य फरवार्डका रुपमा […]
एजेन्सी – उच्च वा खराब फर्म जुन अवस्थामा हुँदा पनि पेरिस सेन्ट जर्मेन (पिएसजी) का सुपर स्टार लियोनल मेस्सीको चर्चा हुन्छ नै । च्याम्पियन्स लिगको अन्तिम १६ बाटै पिएसजी बाहिरिएपछि मेस्सीको भविष्यका विषयमा चर्चा पुन: सुरु भएको छ ।
पिएसजीमा पनि उनलाई लिएर केहि दुविधा रहेको बताइन्छ । पिएसजीले भविष्यमा पनि मेस्सीलाई मुख्य फरवार्डका रुपमा आफ्नो योजना बनाइरहेको छ । मेस्सी र पिएसजीको दुई वर्षे सम्झौताको यो पहिलो वर्ष हो । त्यसमा अर्को एक वर्षको सम्झौताका लागि पनि विकल्प राखिएको छ । त्यसअर्थ उनी पिएसजीप्रति प्रतिवद्ध देखिन्छन् ।
केहि कारण छ जसले पिएसजी मेस्सीप्रति भरोसा गरिरहेको छ । मुख्यत: केलियन एमबाप्पे रियल म्याड्रिड जान सक्छन् । अर्को नेयमारसँग क्लब त्यति खुसी छैन । उनलाई विक्री गर्ने विषयमा पनि बेला बखत चर्चा हुने गरेको छ । एमबाप्पे नरहेको अवस्थामा मेस्सीले नै मुख्य भूमिका निर्वाह गर्नुपर्ने हुन्छ । टोलीमा परिवर्तन आउन सक्छ । यद्दपी पिएसजीको नयाँ प्रशिक्षक को हुनेछन् त्यसमा पनि टोलीको निर्माण निर्भर हुनेछ ।
यो सिजन मेस्सी स्ट्राइकर भन्दा पनि प्ले मेकेरको भूमिकामा बढी देखिएका छन् । उनी तल सम्म गएर बिल्डअपका लागि प्रयास गरिरहेका छन् । एमबाप्पलेलाई आक्रमणमा सहज बनाइदिन पनि मेस्सीले मेहनत गरिरहेका छन् । यदि एमबाप्पेले छाडेको अवस्थामा भने मेस्सीले टोलीको आक्रमण सम्हाल्ने सम्भावना रहन्छ ।
मेस्सीको लक्ष्य
अर्को वर्षको च्याम्पियन्स लिगका लागि निकै समय बाँकी छ । तर मेस्सी विजेता खेलाडी हुन् । उनले अर्को वर्ष टोलीलाई च्याम्पियन्स लिग जिताउने विषयमा सोचेका हुन सक्छन् । पिएसजी पनि च्याम्पियन्स लिग जित्नका लागि आतुर छ । त्यो चुनौतीलाई मेस्सीले राम्ररी बुझेका छन् । क्लबको सपना पूरा गर्नका लागि पनि मेस्सीले प्रयास गर्नेछन् ।
यो सिजन अझै बाँकी छ । त्यसअर्थ टोलीको अहिलेको प्राथमिकता भनेको लिग वान जित्ने हो । पिएसजी दोस्रो स्थानको मार्सेको भन्दा १५ अंक बढी छ । पिएसजीले उपाधि जित्ने सम्भावना बढि छ । मेस्सीले लिग वान सहित अन्य घरेलु उपाधि टोलीलाई जिताउन प्रयास गर्नेछन् ।
यद्दपी मेस्सीको व्यक्तिगत वा सामूहिक प्रदर्शन सन्तोषजनक रहन सकेको छैन । यो वर्ष बालोन डी ओर जितेका मेस्सीका लागि अर्को वर्ष त्यहि सफलताका लागि सहज छैन । लिग वानको सर्वाधिक गोलकर्ता हुन पनि कठिन छ । उनले लिग वानमा अहिले सम्म जम्मा २ गोल गरेका छन् ।
मेस्सी नोभेम्बर र डिसेम्बरका लागि विश्व कपमा व्यस्त हुनुपर्नेछ । त्यो पनि उनको दिमागमा घुमिरहेको हुनुपर्छ । यो उनका लागि अन्तिम विश्व कप हुन सक्छ । उनी ३५ वर्षमा प्रवेश गर्ने क्रममा छन् । त्यसैले यसपटक उनले आफ्नो तर्फबाट विश्व कप जित्नका लागि हर सम्भव प्रयास गर्नेछन् ।
अर्जेन्टिनी सञ्चारमाध्यमले भने जस्तो उनी अर्जेन्टिनी राष्ट्रिय टोलीका बारेमा सोचिरहेका हुँदैनन् । पिएसजीमा उच्च फर्ममा रहन सके मात्र अर्जेन्टिनाका लागि विश्व कपमा उच्च प्रदर्शन गर्न सक्नेछन् ।
April 28, 2024
एजेन्सी – इंग्लिस प्रिमियर लिगमा लगातार चौथो पटक उपाधि जित्ने लक्ष्यमा रहेको म्यानचेस्टर सिटीले आइतबार जित दर्ता गरेको छ । सिटी ग्राउण्डमा भएको खेलमा म्यानचेस्टर सिटीले नटिङ्घम फरेस्टलाई २–० ले पराजित गर्दै उपाधिको आशा कायमै राखेको हो । सिटीको जितमा डिफेन्डर जोस्को ग्भार्डियोल र दोस्रो हाफमा मैदान प्रवेश गरेका स्ट्राइकर एर्लिङ हालान्डले एक-एक गोल गरे […]
April 28, 2024
हिमाल खरेल, मेचीनगर झापाको बुद्धशान्तिमा जारी तेस्रो आदर्श च्यालेन्ज कपमा पाहुना टोली नर्थ बंगाल एफसी भारतलाई ३–१ ले हराउँदै बिर्तामोड युनाइटेड एफसी सेमिफाइनलमा प्रवेश गरेको छ । बिर्तामोडको जितमा आशिष चापागाईंले ह्याट्रिक पूरा गरे । पहिलो हाफको इन्ज्युरी समयमा गोल गर्दै बिर्तामोडले अग्रता लिएको थियो । मध्यभागबाट बिर्तामोडका डिफेन्डर देवेन्द्र तामाङले गरेको फ्रिकिकलाई हेडमार्फत अभिषेक […]
April 28, 2024
काठमाडौं (हाम्रो खेलकुद) – सहिद स्मारक सि डिभिजन लिगमा आईतवार महावीर क्लब विजयी भएको छ । सातदोबाटो स्थित एन्फा कम्प्लेक्समा भएको दिनको पहिलो खेलमा महावीर क्लबले स्पोर्ट्स एकेडेमी साँगा माथि १-० को जित दर्ता गरेको हो । महावीरका लागि सन्दिप श्रेष्ठले ६७औं मिनेटमा पेनाल्टी मार्फत गरेको गोल नै निर्णायक बन्यो । जित सँगै महावीर क्लब […]