एजेन्सी – इंग्लिस प्रिमियर लिगमा म्यानचेस्टर युनाइटेडले एभर्टनसँग हार बेहोरेपछि पोर्चुगिज सुपरस्टार फरवार्ड क्रिस्टियानो रोनाल्डोले आफ्नो आक्रोशको लागि माफी मागेका छन् ।

एभर्टनसँग १–० ले पराजित भएपछि आक्रोशित रोनाल्डोले एभर्टनका समर्थकको मोवाईल फोन भुईमा फालेको देखिएको थियो । उक्त घट्नाका लागि रोनाल्डोले माफी मागेपनि उनीमाथि मर्सिसाइड प्रहरीले अनुसन्धान थाल्ने भएका छन् ।

सामाजिक सन्जालमा भाइरल भएको फुटेजमा रोनाल्डोले गुडिसन पार्कको तलबाट हिड्दा एक प्रशंसकको फोन फ्याक्नुअघि आफ्नो दाहिने हात जमिनतर्फ झरेको देखाइएको छ । रोनाल्डोको इन्स्टाग्राममा भनेका छन्, ‘हामीले सामना गरिरहेका कठिन क्षणहरुमा भावनाहरुसँग सामना गर्न कहिल्यै सजिलो हुँदैन ।’

‘यद्दपि हामीले सँधै आदर, धैर्य र सुन्दर खेल मन पराउने सबैका लागि नमुना बन्न सक्नुपर्छ । म मेरो आक्रोशको लागि माफी माग्न चहान्छु, र यदि सम्भव छ भने म यस समर्थकलाई ओल्ड ट्राफोर्डमा खेल हेर्न आमन्त्रित गर्न चहान्छु ।’

मर्सिसाइड प्रहरीले यो घट्नामा रोनाल्डोको अनुसन्धान गर्नेछ । म्यानचेस्टर युनाइटेडले फुटेजको बारेमा आफुलाई जानकरी रहेपनि घट्नाको बारेमा कुनै बयान दिएको छैन । यसैबीच स्थानिय प्रहरी, प्रत्यक्षदर्शीसँगको कुराकानी गरी घट्नाको अनुसन्धान गर्दै जानेछ ।

‘मर्सिसाइड प्रहरीले पुष्टि गर्न सक्छ कि उनीहरुले गुडिसन पार्कमा एभर्टनविरुद्ध म्यानचेस्टर युनाइटेडको खेलमा म्यानचेस्टरका खेलाडी संलग्न भएको घट्नापछि उनीहरु पिचबाट हिडिरहेका थिए र त्यसमा संलग्न सबै पक्षहरुसँग कुरा गर्नेछन् ।’ उक्त खेलका प्रहरी अधिकारीले भने ।

युनाइटेडलाई थप निराशा
च्याम्पियन्स लिगमा एट्लेटिको म्याड्रिडसँगको हारसहित सबै प्रतियोगितामा सात खेलमध्ये एक खेलमा जित निकालेको युनाइटेडका लागि एभर्टनविरुद्धको यो खेल अर्काे कठिन दिन थियो । म्यानचेस्टर युनाइटेड अर्काे सिजनको लागि च्याम्पियन्स लिगमा स्थान सुरक्षित गर्नबाट बाहिर छ । युनाइटेड शीर्ष चारमा रहेको टोटेनहम हटस्परभन्दा ६ अंकले पछि रहँदै सातौं स्थानमा रहेको छ ।